هو اللى انا عملته دة صح ولا غلط فى الالنترا 2008
انا كان بقالى فترة بشتكى من موضوع السخونة
غسلت الردياتير و غيرت غطا الردياتير و قبل كدة كنت مغير حساس الحرارة عشان كان باظ و غيرته و حطيتها على السكانر و مسحت الـ error اللى كان موجود فى الكمبيوتر Error Temp High
بس بالصدفة كنت عند بتاع الردياتير و قعد يبص على الخراطيم اللى داخلة للموتور
لقى الكوعة اللى فوق سخنة اللى هى داخلة للردياتير و اللى تحت اللى خارجة من الموتور باردة قالى دى تقريبا الترموستات مش بيفتح
رحت للميكانيكى و فك الترموستات و طلع قافش و مش بيفتح لما العربية تسخن و رحت جبت واحد تانى موبيس بـ 45 جنيه و ركبته و برضو مافتحش تقريبا كان هو كمان بايظ
قولتله الغى الترموستات و خلاص مالوش لازمة عندنا احنا الجو بتاعنا مش تلج يعنى
و من ساعة مالغيته و كل حاجة تمام و مافيش اى مشاكل فى التبريد
لما بكون على السلانسيه بيكون مؤشر الحرارة قبل النص بحاجة بسيطة جدا لكن لما بجرى بينزل شوية لان طبعا كل مالعربية تجرى هاتبرد
السوال هنا هل الغاء الترموستات ممكن يأثر على حاجة ؟ مع العلم انى شايله من اكتر من شهر و مافيش اى مشاكل فى العربية الحمدلله و العربية بتسحب و بتجرى عادى جدا