-
زيت الموتور لونه غامق
شباب ..
مساء الفل .
أنا مغير زيت شيل 10000 فى أخر صيانة عند 10000
انهاردة ببص على الزيت ومقاسه لاحظت ان الزيت لونة غامق أوى . والعربية عاملة 16500 كيلو.
بالنسبة للزوجة بصراحة مش عارف أحدد أذا كانت كويسة ولا لأه (مبفهمش فيها )
رأيكو أعمل أيه ؟
أروح التوكيل وأغير ولا أستنى لغاية 20000 ك
شكرا
-
لون الزيت مش مقياس لحالته اللي أعرفه إن اللزوجة و نضافة الزيت هما أهم حاجة
-
الزيت لازم بيغمق و يسود كمان بعد فتره من حطه فى المحرك هو وظيفته حاجتين التبريد و تنضيف المحرك من الشوائب فعشان كده لازم يسود وده طبيعي جدا
-
اعتقد ان ده عادى و خاصه لو مقياس الزيت زى ما هو او لم يقل كثيرا و كذلك إذا كان استهلاك البنزين و صوت الموتور عاديين و لم يرتفعوا بشكل ملحوظ . من العلامات اللى تعرف بيها إذا كان الزيت محتاج تغيير بالاضافه لموضوع اللزوجه ان صوت الموتور و استهلاك البنزين ارتفعوا عن المعدل الطبيعى و ابقى اكشف كمان على مقياس الزيت و شوف زى ما هو و لو نقص و لو نقص قد ايه برضه
-
مش مهم اللون خالص لان اصلا من وظائف الزيت تنظيف المحرك من الشوائب
المهم اللزوجة طول ما هى كويسه يبقى خلاص تمام ..
-
تمام يا شباب .
أعرف ازاى موضوع اللزوجة دى .... يعنى أكشف عليها ازاى
-
لو يتحرق كتير بالعربية في الجري
او مشاويرك قصيرة وفي زحمة سير
يبقي المفروض الزيت ميكملش 10000 كم وبيسبب اللون الغامق للزيت
اما لو استخدامك للعربية غير كده يبقي مفيش داعي للقلق
لان اللون الغامق معناها ان الزيت بيعمل بالكفاءة المطلوبة من ناحية تنظيف المحرك
-
اختلفت الآراء بين ان الزيت لو كويس لازم يسود والرأى الاخر الى بيقول العكس فين الحقيقه فى الاقوال دى مش عارف ؟؟؟
عندكم مثلا زيت زى موبيل بيسود بسرعه ولكن على النقيض الشل بيسود بصعوبه واحينا بينزل بلونه زى ما هو او اغمق درجه والاتنين شركات عالميه ولها باع فى صناع الزيوت مش بنت امبارح!!!!!!!
Content Relevant URLs by
vBSEO 3.6.0 PL2