تقرير عن عمل بولش وتشميع في detailrs car care

**Sehsss** · 05-01-2013 01:45 PM

السلام عليكم ورحمة الله.. وكل سنة والجميع بألف خير صحة وسعادة

ذهبت أمس الساعة الثانية ظهرا، أنا وصديقي العزيز الدكتور محمد نبيه إلى detailrs car care لعمل برنامج بولش لسيارتي، وتنظيف كرسي السائق بسيارة نبيه (كيماوي) واستقبلنا المهندس (المحترم) محمد وأدخلنا السيارتين إلى الجراج الخاص بالمركز وبدأ العمل في السيارتين
سيارة نبيه طبعا انتهت بسرعة
أما بالنسبة لسيارتي استغرق العمل بها أكثر من 5 ساعات لأن عامل واحد فقط هو اللي كان شغال بالصاروخ وهو برضه اللي غسلها قبل وبعد وهو برضه اللي شمعها
ملاحظات..
مكان المركز (الجراج) ضيق جدا والإضاءة ضعيفة وعدد العاملين قليل
تقييم..
طبعا نظرا لضعف الإنارة السيارة كانت تبدو جيدة مع بعض الملاحظات القليلة، ولكن في صباح اليوم عندما شاهدت السيارة وجدت عدة أشياء مثل (تجيير) البولش في بعض المناطق من السيارة نتيجة لعدم غسل السيارة جيدا وخصوصا في فتحات رشاشات المياه (تقريبا اتسدت)، بالإضافة إلى نقاط بيضاء على الكابوت، غسيل السيارة سىء جدا، حيث وجدت أسفل دواسة السائق تراب كثير، لم يتم تفحيم الكاوتش ومنظره الصبح كان سىء جدا، الخرابيش الغائرة قليلا ظهرت أكثر نتيجة لوجود البولش (الأبيض) داخلها لعدم الغسيل جيدا.. مع العلم إني عملت نفس التجربة في سيارتي القديمة وكانت الخرابش أكثر ولم يحدث ذلك
التقييم العام..
لم تعجبني التجربة والسيارة أصبح شكلها أسوأ مع العلم إن التكلفة ليست قليلة.. تحياتي

**Sehsss** · 05-01-2013 02:11 PM

المشاركة الأصلية كتبت بواسطة highspeed

شكرا على التجربة.... بس بصراحة جبتلنا احباااااط
ياريت لو حضرتك تقولنا التكلفه كام....
جزاك الله خيراااا

150 جنيها قبل خصم قسم (نيسان)

**BassamHafez** · 05-01-2013 02:06 PM

انا رايي يا حسين انك ترجعله وتوريه المشاكل اللي في العربيه وهو اكيد ها يحاول يصلحها

انا جربت غسيل العربيه من برة وجوة وكانت فوق الممتاز والعربيه كنت خايف امشي بيها لا تتوسخ

**Sehsss** · 05-01-2013 02:16 PM

المشاركة الأصلية كتبت بواسطة bassamhafez

انا رايي يا حسين انك ترجعله وتوريه المشاكل اللي في العربيه وهو اكيد ها يحاول يصلحها

انا جربت غسيل العربيه من برة وجوة وكانت فوق الممتاز والعربيه كنت خايف امشي بيها لا تتوسخ

ماهو اللي مجنني يا بسام يا أخويا إن عربية نبيه اتغسلت وكان ممتازة
وبالنسبة لأني أروحله تاني.. أنا زهقت من البلد دي، كل حاجة فيها بتتعمل على مرتين أو ثلاثة، أنا هاغسلها عند البنزينة اللي جنب البيت عندي وأخلهم ينضفوا الكلام ده أحسن ما ادب المشوار ده تاني

**BassamHafez** · 06-01-2013 12:05 PM

المشاركة الأصلية كتبت بواسطة sehsss

ماهو اللي مجنني يا بسام يا أخويا إن عربية نبيه اتغسلت وكان ممتازة
وبالنسبة لأني أروحله تاني.. أنا زهقت من البلد دي، كل حاجة فيها بتتعمل على مرتين أو ثلاثة، أنا هاغسلها عند البنزينة اللي جنب البيت عندي وأخلهم ينضفوا الكلام ده أحسن ما ادب المشوار ده تاني

هي فعلا حاجه تخنق بس ها نعمل ايه هي البلد كده للاسف

بس برضو الناس محترمه وانا واثق ان شاء الله لو تعبت وروحت تاني وهو شاف اللي في العربيه مش ها يسيبك الا في حالتين يا ها يقنعك ان هو ده اخرها يا ها يصلحلك العيب وها تمسي مبسوط بالعربيه

جرب مش ها تخسر حاجه وخد معاك محمد نبيه غلاسه هو انت مش روحت معاه وعربيته بتتغسل هههههه

**Sehsss** · 06-01-2013 04:41 PM

المشاركة الأصلية كتبت بواسطة bassamhafez

هي فعلا حاجه تخنق بس ها نعمل ايه هي البلد كده للاسف

بس برضو الناس محترمه وانا واثق ان شاء الله لو تعبت وروحت تاني وهو شاف اللي في العربيه مش ها يسيبك الا في حالتين يا ها يقنعك ان هو ده اخرها يا ها يصلحلك العيب وها تمسي مبسوط بالعربيه

جرب مش ها تخسر حاجه وخد معاك محمد نبيه غلاسه هو انت مش روحت معاه وعربيته بتتغسل هههههه

هههههههه دا هو اللي جه معايا وعربيته خلصت وفضلت راكنه جنبي أكثر من 3 ساعات بس بصراحة طلع مش جدع وخلع قبل ما عربيتي تخلص بساعة هههههه

**Ahmed.TV** · 05-01-2013 11:50 PM

كل ده عشان روحت ومش قولتلى وماخدتنيش معاك هههههه .. حبيبى يا محمد

بص يا محمد طالما دفعت فلوس .. يبقا لازم ترجعله تانى .. ومحمد انسان محترم وبيحب شغله .. موضوع الغسيل .. بصراحة انا عملت عنده وكان ممتاز .. لكن التلميع والبولش انا مجرتش عنده .. بس قريب لما ارش عربيتى حعمل كاركير كامل

**Sehsss** · 06-01-2013 04:33 PM

المشاركة الأصلية كتبت بواسطة ahmed.tv

كل ده عشان روحت ومش قولتلى وماخدتنيش معاك هههههه .. حبيبى يا محمد

بص يا محمد طالما دفعت فلوس .. يبقا لازم ترجعله تانى .. ومحمد انسان محترم وبيحب شغله .. بس الموضوع ده عايز خبرة بالاخص فى البولش والكاركير

لكن موضوع الغسيل .. بصراحة انا عملت عنده وكان ممتاز .. لكن التلميع والبولش انا مجرتش عنده

يا عم ما أنا أكثر من مرة اتصل بيك وأقولك عاوز أشوفك بتتقل عليا هههههههه.. والله واحشني يا أحمد
فعلا المهندس محمد في غاية الذوق والاحترام.. وإن شاء الله هارجعله

**M.Nabeeh** · 06-01-2013 12:14 AM

ياحسين
الموضوع بتاعك كااان اتنين يشتغلو في عربيتك علشان 5ساعات في عمل بولش واكس كتييير جداااا
علي فكره التجييير ده ممكن يكون علشان العامل بعد مغسل العربيه كااان المفروض يدعكها بفوطه جااامد قوي علشان البوليش ميلزقش
وفعلا كل ملاحظاات اتفق معاااك فيها لو عايز رأي لازم تروحلهم تاااني علشان المشكله تتحل
الغسيل عندي عادي مش بطااال بس اللي عجبني فيه اللمعه

الموضوع: تقرير عن عمل بولش وتشميع في detailrs car care

LinkBack

أدوات الموضوع

عرض

العرض المتطور

-

-

-

-

المواضيع المتشابهه

بخصوص وش بولش

بولش العربية

بولش = واكس

بولش جديد

بولش للعربية

الكلمات الدلالية لهذا الموضوع

المفضلات

المفضلات

ضوابط المشاركة