الموضوع: الكيت بتاعى باظ والله اعلم

المشاركة الأصلية كتبت بواسطة asyl84

الحمد لله الراجل خربلى الكيت بتاعى هو عملة وبيدور كونتاكت وبيفتح الباب لكن مش بيقفلة دة بعد ما دفعت 20 جنية واتنطط وعملت قرد ويقولى المجرى بايظة بتاعة مفتاح الكيت و المفتاح دة مش اصلى قلتلة دة يابانى بتاع الشركة ماليش فية هتعمل اية دلوقتى قالى بكرة تيجى وهجبلك سلاح تانى واركبة فى الكيت ازاى معرفش؟ هو قالى ان سهل تغيرة انا اصلا عايز استعوض ربنا فى 20 جنية واحاول اروح لحد تانى لان الراجل هيبوظلى الكالون بتاع الباب والكونتاكت لانة عنيف فى التعامل جداااا قلبى كان بيتقطع وهو بيعصلج ويعافر فى فتح الباب بمفتاح الكيت ولا رايكم اية ؟

كده يبقى محتاج يتبرد كويس و هو يشتغل. روح لحد تانى يضبطهولك و يصلح التانى اللى الراجل ده عمله

المشاركة الأصلية كتبت بواسطة sehsss

سيبك منه وروح لحد بيفهم، أنا كنت عملته زمان عند بتاع مفاتيح في القصر العيني في 10 دقائق

باشا هو محل صغير كدة ادام الشارع الى فية عمارة العرايس ؟ صح والا فين بالظبط

ياجدعان انتوا مشفتوش عمل اية فى الباب مابقتش فاهم لما هتتعافى دة معناة انها هتشتغل يقولى انا مش بتاع فول قلتلة لا انت مش بتاع فول انت ابن تييييييييييت وش كدة واتخنقت والناس اتلمت وقلتلة انا عايز فلوسى لانى دفعت وهو بيعملة عادى مش واخد خوانة يعنى والناس حكمت اروحلة الصبح يجبلى مفتاح يحطة فى الكيت يكون اصلى وانا والله ما مقتنع بالكلام دة بس حسيت انى هضرب الحقيقة بس السؤال مين يظبطلى الموضوع دة دلوقتى وفين بالظبط لان بامانة نكد عليا نكد الدنيا ضيعلى فرحة العربية تقدروا تقولوا اتكتمت

المشاركة الأصلية كتبت بواسطة sehsss

لا مش هو، قبل ما تدخل القصر العيني على طول وانت طبعا وشك للتحرير على اليمين

يعنى مثلا انا راجع من المعادى كورنيش ووصلت لفم الخليج يمينى عين الصيرة وبعدها السيدة زينب وشمالى مهعد الاورام دة اول القصر العينى صح قبل ما اوصل بقى لمستشفى القصر العينى والا بعد المستشفى ...معلش بتقل عليك بس بجد انا اتكتمت بسبب الموضوع دة لانى مش عارف حلة اية