تبا لهذه الفرملة - ريحة البلاستيك المحروقة دى تيل فرامل ؟

**MaNoLa** · 05-01-2013 01:46 PM

محدش يستغرب من العنوان
أيوة تبا و مليون تبا كمان

أمبارح كنت راكبة العربيه على الطريق الدولى و مرة واحدة مقطورة سرعتها كانت قليلة جدا أدامى و أنا كنت طايرة و طبعا أضطريت أننا أضغط على الفرامل بهبل شوية عشان أقلل السرعة وبعدها بدقيقة شميت ريحة بلاستيك محروق جامد جدا رغم أننا فى الشتا جربت أجى على الجمب اليمين و أمشى بالراحة جدا حسيت أن الريحة دى جاية من برة من الكاوتش أو الجنوط

لما روحت البيت سألت واحد قريبى قالى دة تيل الفرامل
الكلام دة صح ولا غلط و لو تيل الفرامل بيسخن كدة أزاى أحنا فى الشتا ؟
و كدة محتاج يتغير ولا أطنش ؟

**mahmoud85** · 05-01-2013 07:55 PM

ممكن اي ميكانيكي عفشه يبص عالتيل ويقولك اذا كان محتاج يتغير ... غالبا مع الفرمله المفاجاه بيكون ريحه الشياط دي من احتكاك الكاوتش بالطريق وده شئ عادي في المواقف المفاجاه اللي زي كده وحصلت مع معظم الناس ومافيش اي مشكله

**nice_bird** · 05-01-2013 08:09 PM

غالبا الريحة دي بتبقي من الكاوتش....... لان التيل بيعمل ريحة كريهة اه بس بتبقي بمدي محدوود ويعني علشان الواحد يشمها لازم يجي جنب الجنط علي طول ودي ريحة طبيعية ولو في مشكلة في التيل او فرامل العجلات بتلاقي العجل بيسخن جامد عند صرة الجنط وسعتها بتكون ريحة التيل اوضح وتحسي العربية متكتفة في المشي دي معلوماتي والله اعلم .

**eng.m7md.ali** · 05-01-2013 08:16 PM

انا ليا رأي تاني

ممكن تكون الريحة دي من تيل فرامل المقطورة زي اغلب المقطورات والميني باصات والاتوبيسات في الشارع

ولما حضرتك عديتي من جمبها شميتي الريحة

لان عمري ما شميت ريحة تيل فرامل اي عربية ملاكي

وزيادة تأكيد بردو ممكن حضرتك تقوللنا نوع التيل اللي في العربية ايه جايز يكون نوعه سيء .. وياريت بردو تكشفي لان من اللي انا شايفه ان حضرتك معاكي جين2 يعني فيها abs والعربية مش هتزحف

**Moratoz** · 05-01-2013 08:48 PM

سيبك من الموضوع كله بس انا عجبتني كلمه تبا قوي
وفعلا ساعات الريحه بتبقي ريحه المقطور التي تمشي بجانبك او ريحة احتكاك الكاوتش بالأرض ولكن اباغلب ريحة المقطورة