قدر الله و ماشاء فعل ....الحمد لله انك بخير
عرض للطباعة
قدر الله و ماشاء فعل ....الحمد لله انك بخير
الف سلامه علي حضرتك
قدر الله وماشاء فعل
والحمد لله انك بخير
موضوع الايرباج ده متسكتش عليه ياباشا
اعرض العربية على لجنة فنية وتحدد اذا كان في عيب في الايرباج ولالا
واذا اثبتو ان في عيب يبقى من حقك ترفع قضية على الشركة الام والتوكيل وتطلب بتعويض عن الاضرار اللي حصلتلك
كله خييير باذن الرحمن
أستاذ جابر حمدلله علي سلامتك أولاً
وبخصوص موضوع الأيرباج دا عشان متقلقش نفسك وعشان في ناس بتتكلم من غير ما تفهم أليه عمل الأير باج وهتقلقك من غير لازمة, وواضح من كلامك عن حادثتك أنها بسيطة وهتروح قافش عليهم في التوكيل ان عربيتك فيها عطل وهيا مفهاش في الغالب
الأير باج مش بيفتح غير لما بتكون الخبطة جامدة, يعني لو أنت ماشي بسرعة وحصل أصطدام علي سرعة عالية والخبطة عدت الرادياتير وموقفتش عنده وفضلت مكمله.
عشان أنا قبل كدا نزلت تحت عربية نقل بلانسر والأيرباج مفتحتش وعشت فالوهم دا, بس لما صلحت العربية وكان كل اللي تضرر فيها اكصدام ورفرف وفانوس واربة مية يعني حتة الخبكة مكنتش وصلت للردياتير ولا الموتور عرفت ليه الأيرباج مفتحتش,
وواحدة قريبتي عملت حادثة بنيسان صني واحد تاكس خبطها من الجنب زي حادثتك ولبست في عربية واقفة جنب الرصيف من ضهرها خرشمتها والايرباج مفتحش لان الخبطة موصلتش للراديادتير برضه
و90% من حوادث مصر او العربيات اللي متشالة علي كساحات وهيا عاملة حوادث بسيطة زي دي بتطلع تمشي منها علي رجلك الأير باج مش بتفتح فيها..
الأير باج بتفتح في الحادثة الكبيرة فقط, ولما الصدمة توصل للسنسور بتاعها
"A vehicle's airbag control module relies on feedback from crash sensors to predict whether an event is severe enough to warrant an airbag deployment"
يعني انت كمان ممكن تحمد ربنا أنها ما فتحتش زي مانا حمدت ربنا لان في الحالة دي هتغير الطارة بتاعت الدركسيون او تمشي من غير أير باج ودا خطر عشان لو حصلت لك حادثة كبيرة بعد كد لقدر الله. وكنت هتغير قشرة الطابلوة كمان لو عندك أيرباج للي جنب السايق لو كانت فتحت
فالحمدلله انك طلعت سليم وماشي علي رجليك وانها جات لحد كدا, فداك
http://wiki.answers.com/Q/What_speed...ng_another_car
احب احيي حضرتك على كلامك " المحترم " ده
بس اقولك على حاجة .. في عربيات كتير لو يدوبك خدت مطب على سرعة عالية وبوز العربية اتخبط في الارض الايرباج هيفتح منك
وفي كمان عربيات لو طلعت على رصيف بردو هيفتح منك
ومش شرط تكون السرعة " عالية " عشان الايرباج يفتح .. الراجل بيقولك دخل في عمود ودمرله الكابوت والرفرف والردياتير .. واكيد الخبطة وصلت للصدر .. وكووووووووول ده الايرباج مفتحش
يبقى اكيد العيب في العمود
والله اعلم !
أستاذ فلكس انا مكنتش أقصدك أنت تحديداً,
أنا قلت أي حد يتكلم ويقوله له إن في عيب في الأيرباج وهوا ميعرفش أليه عملها قبل ما يقول الكلام دا.
وخصوصاُ أنك قلت له
والراجل يعني فيه اللي مكفية العربية جديدة, وعمل بيها حادثة وحشة قضاء وقدر وحضرتك جاي تسخنه علي التوكيل وتقولة ارفع قضية واطلب تعويض وهتدخله ف قصة وهوا لسه مشافش هيعمل أيه فالتأمين
ولو هوا أخد بكلامك وكلام كل واحد يأيد الرأي دا وعمل كدا محدش هيعبرة في الغالب, لأنك لو ليك حق أنهارده مش بتاخده من محاكم ولا شرطة, فخليه الأول يركز في أنه يجيب حقه من شركة التأمين قبل ما تنصب عليه هيا الأخري بدل ما تسخن الراجل علي حاجة ممكن تكون من الأساس مش صح.
بعتذر لك عن أسلوبي ف الرد لو ضايقك,
وأنا حبيت أوصلة فكرة وألية عمل الأيرباج ليه ولأي حد ميعرفش أليه عملها لأنها مش بتفتح بسهولة وفي الغالب السنسور في فردة الشاسية أول ما بتوصلة الصدمة بتفتح الأيرباج.
وعشان لو دخل حد تاني علق علي حتت إن الأيرباج مفتحتش ميبقاش الراجل مهموم بتصليح الحادثة ونزود عليه ان العربية معيوبة وفيها عيب إن الأيرباج مفتحتش وتخلوه يكرها ودا مش صح.
وإلا كانت العربيات الياباني فتحت الأيرباج فحوادث مطابقة للحادثة دي بالظبط.
تحياتي لك.
حمدا لله على السلامه
الناس سابت الحادثه ويقولك الاير باج وناس عايزه الايرباج يفتح لو حد عطس جوه العربيه !!!! الايرباج له نظام وسنسور فى الفتح لانه لو فتح فى حاله خبطه عاديه ممكن يعمل مشكله كبيره للسائق لاقدر اللله وبدون لازمه بلاضافه الى التكلفه العاليه جدا فى تغيير الايرباج !!!! ارجو من الجميع مشاهده اليويتوب على الحوادث اللى بيفتح فيها الايرباج ويشوفوا قوتها وربنا يستر على الجميع
؟؟؟؟؟؟؟؟؟؟؟؟؟؟؟؟؟ الحمد لله انه بخير ... وقدر الله وما شاء فعل ...