عملت ابه
عرض للطباعة
بالنسبة للناس اللى بتتكلم عن الإيرباج............. هو فيه منها انواع طبعا وأنظمة مختلفة ...
بالنسبة للانسر بومة تحديد واحد قريبى فدى كاوتش مرمى على الطريق طلع برا الطريق والعربية أتشالت واتحطت (بوزها من قدام فى الرملة ) الإيرباج فتحت بالفعل
أنا بصراحة بخاف من العربيات الصينى .... يعنى بقول الحمد لله إنها مفتحتش .. جايز كانت فتحت وبهدلت اللى جوا العربية .. مهو صينى بقى ... أو يمكن تكون بالونة عادية منظر وخلاص
ههههههههه
يعنى أنا لو أضطررت واشتريت عربية صينى أفضل إن ميكونش فيها إيرباج (وجهة نظر شخصية ) لأنى معرفش مين اللى صانعها بصراحة ومش ضامن أى أى حاجة صينى
العربيه ديه تقرييبا انا شفتها وهيا عالونش كان ماشي ناحيه ابو قتاته جنب مترو الجامعه وكانت نازله من دائري صفط والجنب اليمين هو اللي دخل في العمود صح وصاحبها كان راكب جواها شاب رفيع كده
أنا اعتقد ان التيجو مافيهاش ايرباج اساسا
الف سلامة عليك ياباشا ودى فى الاول والاخر عين وان شاء الله تكون اخر الخبطات , انت بس عليك وعالتامين علشان يغيروا التلفيات بقطع اصلية وترجع عربيتك زى ماكانت بمشيئة الله والعربية محترمة وتستحمل واوعى تقل ثقتك فيها انت متعرفش لو عربية تانية كان حصلك بيها اية ,
اسف بس تعليق حضرتك شدنى انى ارد .. وبدون تحيز للصينى بس حبيت اقول تفتكر انه لو اى عربية غير الصينى مكنتش العربية طلعت فوق الرصيف ولقت عمود فى وشها ودخلت فيه؟ يعنى قصد حضرتك ان لو عربية كورى مثلا كانت نطت فوق الرصيف وفادت العمود ونزلت تانى عالطريق وكملت مشى عادى عشان هى مش صينى؟
معلش ايه دخل الاى بى اس فى عربية خبطته من الجنب طلعته على الرصيف ولقى عمود فى وشه؟ وبالنسبة للايرباج ايه عرف حضرتك ان هى فيها ايرباج مش يمكن مفيهاش اصلا؟ او لو فيها مش يمكن الخبطة مكنتش بالقوة او مجبتش فى المكان اللى يسمح للايرباج انها تفتح؟ ولو فتحت, الراجل بيقول انه سليم يعنى القصة مش قصة ايرباج فتحت ولا مفتحتش.
المشكلة ان حضرتك جيت فى اهم مزايا فى الاسبرنزا: الثبات على الطريق والفرامل المحترمة والصاج المحمل عن شهادة الكثيرين.
الحادثة بتحصل فى لمح البصر وده قضاء وقدر من عند ربنا من دون ادنى علاقة بايه نوع العربية .. هى البى ام مبتعملش حوادث؟ لأ مبتعملش؟ اكيد الكلام ده؟ حد يقولى لو سمحتم ياجماعة اصل المرة الوحيدة اللى ركبتها مشيت بيها 2 كم ومعملتش حادثة.
ارجو عدم الهجوم غير المبرر عل العربيات الصينى خصوصا خصوصا يعنى لو من حد غير ملاك الصينى.
اتمنى ان حضرتك متضايقش من كلامى .. انا كل غرضى عدم التعصب لاى نوع من العربيات والهجوم عليها من غير مبررات .. لسبب بسيط ان احنا هنا عشان نساعد بعض وننقل تجاربنا نفيد ونستفيد مش عشان نقلبها ساحة للهجوم والخلاف.
تحياتى لك
الف سلامة و طالاما مأمن ان شاء الله متقلقش خاصة خلال السنة الاولي ...
و يا خالد ريح دماغك من الناس...... لا تعليق ...اضحك وطنش
يا جماعه شكرا جدا علي اهتمامكم وردودكم ..... والله انا نفسيتي مش تمام وبقول الحمد لله بس ما يمنعش اني زعلان دي مكملتش اسبوع معايا
اولا انا عملت ايه
رحت التوكيل ... استقبال الناس هناك محترم والمهندس اللي بص معايا علي العربيه كان علي مستوي من الادب
قالي هيعمل المقايسه ... دفعت رسوم 1000 جنيه .... واخد رقم الفاكس بتاع شركة التامين ( البيت السعودي للتامين ) وهيبعتلهم المقايسه
وانا اتصلت بشركة التامين قالولي لما يجيلهم الفاكس هيبعتوا مندوب من عندهم يعمل مقايسه هو كمان ( مش فاهم الجزء ده)
وبعد كده التوكيل هيتصل بيه ويقولي تعالي شوف هنعمل ايه