مش عارف اسوق الاوتوماتيك

**khaled_bibo** · 06-01-2013 02:30 AM

زي أما مكتوب في العنوان. انا معايا هيونداي i10. و المشكلة اني بحس ان السحب في الضياع و مش بتعدي ال 90 لو معايا حمل في العربيه او طالع مطلع مع ان قريبي جربها بحمل و مشغل مكيف كمان و جابت 140 مستريح مش عارف العيب في رجلي و لا ايه

**khaled_bibo** · 06-01-2013 04:22 AM

محدش عنده حل

**CaptaiN-AhmeD** · 06-01-2013 07:04 AM

مش عارف والله بس هي الاوتوماتيك مش مشكله يعني هي بنزين وفرامل بس !

**HOSSAM99** · 06-01-2013 09:18 AM

حضرتك فيه فرق بين السحب (التسارع) و السرعة القصوي
كون العربيه سحبها بطئ (تجميع السرعه) فلو عربية حضرتك جديده و معمول لها صيانتها في المواعيد فممكن تكون المشكلة من طريقة السواقة هي اللي هاديه فبيضيع الإحساس بالتسارع ... حضرتك جرب تتقل رجلك علي البنزين شويه أكيد هاتحس بسحب العربية الطبيعي و لو عايز سحب أسرع أضغط لآخر الدواسة و ثبت رجلك هاتنقل و تتسارع بأكبر عزم ممكن
و للعلم السواقة الهاديه بتحلي العربية دايما في السرعات المتوسطه ناقلة للغيار الرابع و بالتالي ده أقل عزم غيار و بالتالي التسارع هايقل لو أستمرينا بنفس أسلوب السواقة
أما موضوع العربية مش بتعدي 90 فدي مشكلة سرعة قصوي و هي مش موجوده عند حضرتك لأن قريبك جربها و جابت 140 بجميع الأحمال المذكوره
أخيرا : تقل رجلك تاخد سحب و تجميع و سرعة قصوي في أسرع وقت ...لكن هايبقي علي حساب إستهلاك البنزين
خفف رجلك تاخد هدوء و قلة إستهلاك
و أظن سرعة 90/100 سرعة مناسبة جدا للـi10 يا ريت حضرتك متحاولش تزود عن كده سرعه مش لعيب في العربيه لكن للأمان
بالتوفيق

**akmm** · 06-01-2013 09:38 AM

هتتعود ... فتره بسيطه هو الأوتوماتيك فى سواقته فى الأول كده وبعدين محدش هيقدر يجيبك .

**khaled_bibo** · 07-01-2013 05:40 AM

شكرا جدا ليكوا و هيا فعلا المشكلة اني مش بسوقها الا نادراً

**Land_Cruiser** · 07-01-2013 06:07 AM

طبعا الاتوماتيك بنزين و فرامل فقط و علشان تجرى بالعربيه محتاج ان رجلك تاخد على حساسيه دواسه البنزين وده بييجى بالممارسه و مع سواقه العربيه كتير ما تقلقش يعنى

**khaled_bibo** · 08-01-2013 01:25 AM

بس برضه ال Manual ليه حلاوته تحس انك انت اللي سايق العربيه مش هيا اللي سيقاك غير المتعه في السواقه لكن الاوتو احيانا بحس اني عاوز انام فبشغل نفسي بقى في كاسيت في اي حاجة :)