الموضوع: قصتي مع اصلان

المشاركة الأصلية كتبت بواسطة mohamed878

السلام عليكم هحكيلكو قصتي مع محمد اصلان انا من اسبوعين كنت طلبت من المنتدي حد يعرفني ميكانيكي للفيليشيا بتاعتي يكون محترم يغيرلي جوان وش السلندر فكانت كل الترشيحات بتقول اروح لمحمد اصلان المهم روحتله حل الوش لقاه مقفع و مش هينفع يتخرط و بص علي الموتور انا خبرتي في العربيات شبه منعدمه المهم قاللي الوش عايز يتغير كله تجيبه من عزبه شلبي و لو تحب انا عندي وش اهو عامل الف جنيه و دا سعره هناك بدل ما تدب المشوار انا قلت اريح دماغي و خدته منه المهم خلص الشغل تمام و خد مني 150 مصنعيه و تمن الوش و جبنا الجوان و اتركب تمام الاقيه ييجي يقولي بص نصيحه ليك غير الموتور كمان عشان بيرزع
رجاء التوضيح معنى كلمة بيرزع اية هل فية صوت خبط وانت ماشى ؟ هل صوت الموتور عالى ؟ درجة حرارة الموتور عالية ؟ فية صوت تكتة عالية فى الموتور ؟ هل الموتور بيدخن؟
لية كل الأسئلة دى علشان تغيير موتور مش كدة بالاهل خاصة موتور الفليشيا عبارة عن اجزاء بمعنى ممكن يكون عاوز شورت بلوك بس ممكن يكون عاوز كرنك بالسبايك بس احنا بنغير موتور كامل لما بيدخن و بتسمع صوت خبط وانت ماشى والسحب بتاعة ضايع وبياكل حوالى لتر زيت موتور فى الأسبوع فى هذة الحالة بتغير الموتور للاسف محمد اصلان دة واحد مش عاوز يتعب نفسة !!!!

على فكرة كلنا اتعلمنا انا خبرة فى العربيات من سنة 1981 عندى عربية لكن الفليشيا فيها حجات خبيثة شوية وتعبتنى بعد ماشترتها لمدة سنة وخصوصا ان كل حاجة غيرتها فى عربيتى كانت بتاعة المصنع بمعنى فبريكة بس ضبطها والحمد لله لية ؟ لان العربيات دى جامدة جدا فاصحبها من اول ماشتروها 0 مصرفوش عليها مليم وفضلوا يستهلكوها لما وقعت ودة خد حوالى 15 سنة والدليل انتشار العربيات دى فجئة من حوالى 3 سنوات مكنت بتشوفها كتير فى الشارع لية ؟ علشان كانت متخزنة فى الجراجات وبعد مالتوكيل وقف قطع غياره الأصلية من 5 سنوات بدء اصحاب العربيات يبيعوها واحنا كلنا شلنا اهمالهم وبخلهم المهم صبرك عليها و عربيتك زى ابنك كل ماتربية وتصرف عليه يديلك ويخلص ليك اهم حاجة ماتزهقش وتخليك صبور على بهدلة الصنيعية وخليك مع اصدقائنا ووحوش المنتدى وحتتعلم كل حاجة عن عربيتك وربن يقويك ؟؟!!