عاجل : ❤❤❤ يــاريـــس رجع من تاني ❤❤❤ الف مبروك رجوع الحج ياريس حبيب الملاين ❤❤❤

**S O P H O S** · 06-01-2013 02:33 PM

بسم الله الرحمن الرحيم
-----
---
-

-----------------
--

هلا والله ومليون غلا تو مانور المنتدى

المنتدي كله نور من تاني برجوع ملك رسم البسمة علي الوجوه من تاني

عودة ياريس (YARIS) تقدر تقول ميدو تقدر تقول الحاج محمد

قل ما شئت فقسم تويوتا بالخصوص والمنتدي بشكل عام فيوم احتفال برجوع الاخ الغالي الرائع ميدو

بعد اداء العمرة مع خالص دعوتنا بكل الحب له بالتوفيق والخير يارب
وعقبال الحج ان شاء الله

اتمني قبول خالص تحيات القسم ليك يا ياريس باشا
واسمحلي ان ده المكان الطبيعي للموضوع
لان ده بيتك وهيفضل بيتك
ومكانك الاساسي

------------------------------

تحياتي للانسان الي علمني حاجات كتيرة هنا
والف الف مبروك رجوعك وسطنا

**akmm** · 06-01-2013 02:49 PM

حمد الله على السلامه .

**BLOODY_STONE** · 06-01-2013 02:57 PM

الف الف مبروك يا حج على رجوعك لينا بالسلامة

خلص بقى بسرعة فين السبح و المصليات ؟ ههههههههههههههه

**Y a r i s** · 06-01-2013 03:02 PM

حبيب قلبي يا حمد باشا. وحبيبي حبيبي
ربنا يخليك ليا يارب وميحرمنيش منك ابداً ابداً يا غالي
وواللهِ يعجز اللسان. عن الكلمات ويعجز قلبي عن الشكر. ويارب يجمعنا سوى تحت سقف الحرم انا وانتا والشباب اجمعين. ويسمع منك الاهي. قادر يا كريم. نفسي بجد. بحجة بحق وحقيق او حتى عمرة في رمضان كده. لولا. ان الايد قصيرة والعين بصيرة وارتفاع تكاليفها بس مفيش حاجة بعيدة عن ربنا. يارب يسمع منك يارب ونقدر نحج ... وواللهي وانا وفي مكة كان نفسي أقطع. جواز سفري ومرجعش تاني مصر خالص ... واطلب اللجوء السياسي والديني هناك واعيش بقيت حياتي بين ارجاء الحرم. انشالله حتى يشغلوني بدل الواد السيرلانكي والهندي وامسح رخام الحرم وبلاش. ربنا يجمعنا الاهي هناك قادر يا كريم ونرجع تاني من تاني نشرب انا وانتا والشباب كلهم اجمعين من ماء زمزم قادر يا كريم وتسلملي يا بوحميد. على موضوعك الجميل يا جميل وربنا يخليك ليا يارب وميحرمنيش منك يا رب العالميين

@@@@@@@@@@@@@@

وتحياتي ليك يا غالي

**Y a r i s** · 06-01-2013 03:04 PM

المشاركة الأصلية كتبت بواسطة akmm

حمد الله على السلامه .

الله يسلمك يا اكممم باشا
وعقبالك يا غالي. يارب يكتبها ليك يا رب وللشباب اجمعين
@@@@@@@
وتحياتي

**Y a r i s** · 06-01-2013 03:21 PM

المشاركة الأصلية كتبت بواسطة bloody_stone

الف الف مبروك يا حج على رجوعك لينا بالسلامة

خلص بقى بسرعة فين السبح و المصليات ؟ ههههههههههههههه

هههههههههههه
حبيبي يا دكتور هاني والنبي اسكوت متفكرنيش. ... كنت شايل قرشين كده على جنب. وقلت احنا قبل ما نيجي رايحين مصر هروح اسئل عن شارع اكسسورات العربيات واروح اجيب حبت حجات من الي قلبك يحبها للعربية والي مش موجودة في مصر وكان نفسي اجيب ليدات للعربية وفوانيس عدسات. وشبورة عدسات وحبت حجات من الي بيروشوا بيها العربيات ... المهم يا سيدي كنت راجع تعبان واول ما وصلت الفندق حطيت راسي على السرير ونمت وكنت فاكر المدام لسه في الحرم ... وصحيت اول ما وصلت لقيتها جايبه معاها شوية كياس قاد كده وشنط بقولها ايه. ده. قالتلي لا دي فضلت خيرك شووية سبح وجلاليب هداية .... بص بص جبتلك شبشب سعودي من ابو صباع هههههههه
قلتلها فيكي الخير. وبصيتها لقيتها مطلعالي. عباية سعودي بتقولي ودي علشان الحجة قصدها على امي( ست الحبايب يا حبيبة ) ... قلتلها كويس جبتي لامي عباية. طيب بقيت الشنط دي كلها. بتاعت ايه !!!

اكيد حجات لامك ولاختك واخواتك والمحروص اخوكي قالتي يووه بقه ربنا يخليك لينا .... قلت يالله اهو كلو بثوابوا ويادوبك داخل اتوضى علشان انزل اصلي العشا وبقولها بسم الله مشاء الله عمار يا سعودية جبتي الحجات دي كلها بالكام ريال الي كانوا معاكي. قالتلي لأ. ماهو اسكوت اسكوت الفلوس مكفيتش ولمن لقيتك نايم مرضيتش اصحيك قلت حرام اكيد تعبان. ولقيت فلوس. في الحزام بتاعك قلت. كويس انك عامل حسابك

وانا ااااااااااااااااااااااااا ااااااااايه !!!!!!!!
حراااااااام عليكي. خدتي فلوس الي كنت محوشهم وهجيب بيها اكسسورات للعربية. حرام عليكي. الطم ولا اصووووووووت
حرام عليكي ياشيخة . ده انا كان نفسي من زمان انزل السعودية علشان اجيب الحجات الي محروم منها ومش موجودة في مصرررر .... حرام عليكي ده انا بقالي سنين عمال احوش علشان اجيب شوية حجات للعربية من نفسي واكسسورات مش موجودة في مصر وفي النهاية خدتي الفلوس صرفتيها وجبتي بيها شوية سبح ومصليات صيني. وشبشب بصباااااع اااااااااااااااااه. يا مراري ياني. اقسم بالله لولا اننا كنا في الحرم كنت حدفتها من البلكووووووونة. ... ههههههه لا وجايبالي شبشب. بصباع وجيه تفرحني بيه !!!
ياما كان نفسي اجرب الشبشب ابو اصباع ده عليها بس لولا اننا في الحرم
بس اقول ايه حكم القووووووووي. :)

**Y a r i s** · 06-01-2013 03:31 PM

المشاركة الأصلية كتبت بواسطة mohammedaladel

ألف حمد الله لسلامة رجوعك يا أحلى ميدو

حبيبي حبيبي
محمد باشا يا غالي. .... يا ساكن في قلبي وخيالي. .... الله يسلمك يا باشا
ولا يحرمنيش منك يا صديقي العزيز والغالي وووحشني والله بجد. يا غالي وكل الشباب. وربنا يديم المحبة والمعروف قادر يا كريم. ويجمعنا قادر يا كريم عند حبيبك المصطفى .... ويكتبهالنا. كمان وكمان وتحياتي ليك يا صديقي :)

المشاركة الأصلية كتبت بواسطة w-m-a

الحمد لله على السلامه
عوداً احمداً
عقبال العوده واحنا معاك
ولا نحج كلنا سوا بقى

اميييييييين يا رب العالمين
تسلملي يا واما يا حبيبي. وربنا يخليك ليا يارب وميحرمنيش منك يا غالي . ويجمعنا انشاء الله تاني مره. قدام باب الكعبة قادر يا كريم .... وتحياتي ليك يا عزيزي

-

-

-

الموضوع: عاجل : ❤❤❤ يــاريـــس رجع من تاني ❤❤❤ الف مبروك رجوع الحج ياريس حبيب الملاين ❤❤❤

LinkBack

أدوات الموضوع

عرض

-

-

-

المواضيع المتشابهه

㋡ نبارك لحبيبنا الحج محسن والحج محمد بمناسبة عودتهم من الحج ☆☆☆

عاجل الى الاستاذ عماد حبيب والاستاذة داليا

مبروك رجوع المنتدى و قسمنا الغالي

مبروك رجوع المنتدى من جديد

الكلمات الدلالية لهذا الموضوع

المفضلات

المفضلات

ضوابط المشاركة