الموضوع: فانتازيا و لا فلوانس؟؟!!

فلوانس
الفانتازيا شكلها هيتغير قريب

المشاركة الأصلية كتبت بواسطة leitosr

السوبارو امبريزا عربية انا بحبها جداً وبحترمها ولكن توكيلها ومركز خدمتها من الأسوء في مصر.
وهيا عربية حلوة ولكن تسويقها سئ ممكن تشوفها ما بين كل ١٠.٠٠٠ الاف سيارة مرة. وبالتالي نادر تلاقي قطع غيار.
ينفع لما تحب تروح تعمل صيانة تلاقي ناس طالعة من التوكيل بتشتكي انهم طالبين يغيرو تيل فرامل بقالهم ٣ شهور ولسه مجاش.

ممكن تراجع قسم سوبارو لو حابب تعرف عنها اكتر

عشان نبقي موضوعين وقبل الشراء متشتريش بهواك وترجع تندم.
دايماً شوف الحاجة اللي هتعرف تلاقي لها قطع غيار وصيانة
وبعد كدا شوف الراحة والأمان
قبل ما تفكر في اخر نقطة وهيا سعر اعادة البيع.

لانك بتدور دلوقتي عال ١. اعتمادية. ٢. راحة. ٣. امان. ٤. سعر اعادة بيع.

معاك فى معظم الكلام مش كله

مراكز الصيانة مش الاسوء فى مصر ولا حاجة والدى كان بيصين النوبيرا فى ابو غالى و هيه اصلا تبع ابو الفتوح
و مراكز الصيانة كويسة مش وحشة و اماكن السوبارو فاضيه على طول ( ميزه اهى )

افتكر ان المشكله بتاعه قطع الغيار فى الموديلات القديمه على الرغم ان الناس فى القسم محدش بيشتكى اوى من الموضوع ده و الموضوع ده حاليا امره سهل ممكن تجيب القطعه الى انت عايزها من بره لو خفيفه من ادفعلى مثلا و هتبقى احسن من الى بتتباع هنا او تجيب الحاجات الرياضيه بتاعتها من الحرفيين و هتبقى بسعر مقبول تقريبا

معاك ان السوبارو مش عربية عشان اعاده بيع نهائى بس احنا فى وقت بعد 5 سنين ان شاء الله هتلاقى العربيات سعرها واقع عشان الجديد الاوروبى هيبقى معفى من الجمارك بشكل كبير

صيانه طبعا صعبه بس مش مستحيله و التوكيل موجود و فى ميكانيكية اكيد بيشتغلوا فيها مش عربيه اختراع يعنى

اعتمادية و راحة و امان مفتكرش فى عربيه فى سعرها تتفوق فى التلاته دول

و حاليا بفكر ابيع النوبيرا و اجيب سوبارو 2005 و اكتر حاجة خايف منها فعلا هيه قطع الغيار النوبيرا تقريبا عند البقال و فى كل حته فى البلد لو عملتها معايا السوبارو هما 2-3 بس و لو عملت الدنيئه فى اى حته هتسوح بس برضه كله يهون عشان السوبارو

و الاختلاف فى الرأى لا يفسد للود قضيه