[shfaf2]http://nileup.com/up/uploads/nilemotors_13574945331.jpg[/shfaf2]
عرض للطباعة
[shfaf2]http://nileup.com/up/uploads/nilemotors_13574945331.jpg[/shfaf2]
فلشيتى
اه
اوعى حد يقول كلمه فى حقها وحشه
انا هقولك العربيه اعتماديه فوق مماتتخيل
عربيه متكلفه يعنى فيها خامات كاصالون و صاج و كل حاجه
حمالة قاسيه
الميكانيكا و الكهربا و العفشه بسيطه جدااااااااااا
عاوز تعرف هات اى عربيه نفس الموديل افتح كبوت دى و افتح كبوت دى
و شوف مع العلم دى بتمشى و دى بتمشى
عيبها بس الوحيد
انى مش اى حد يشتغل فيها لانى فيها حتتة ظبط كده و ينقصها حتة رافاهيه
ربك المستعان
الواحد ميعرفش يتكلم بعد البشمهندس احمد بجد اوجزت فانجزت ......ومن رائي المتواضع ان رفاهيتها ان تبقى ماشي بيها مفيهاش مشكلة كبيرة او قلقان من حاجة مع اضافة بعض اللمسات الخفيفة ومع تركيب بعض الكماليات (المكلفة ) طبعا وربنا يكرمنا ونحافظ على الاسد العجوز
ما شاء الله عليها تبارك الله... عربية مناسبة من عدة نواحي
بالنسبة لكذا ناحية الفيليشيا تتفوق.... إزاي؟؟
من ناحية السعر... إيه عربية أوروبي متينة وقطع غيار رخيصة بالسعر ده.
من ناحية الكفاءة... موتور قوي بالنسبة للمكافئ منها في السوق مع توفير بنزين وشغال معاك على 80 و 90 و 92
من ناحية الإمكانيات... مش غنية بالتجهيزات بس بتحس بالمذاق الأوروبي (مساحات خلفية- سخانات زجاجا خلفي- شبورة أمام وخلف- احزمة أمان يتم ضبطها- متانة صاج وعفشة)
صغيرة وثابتة في الجري والدورانات
واما بنعمة ربك فحدث
انا عربيتى 2000 وش اوكتافيا مش عارف هل تم تلافى بعض المشاكل فيها عن الموديلات السابقه ام لا
انا بسافر بيها وتمام والحمد لله لكن لم اتخطى بيها 130 وده مش علشان امكانياتها لكن امكانيات الطرق وكثافة النقل والملاكى على الطريق الزراعى خاصة مصر اسكندرية
لكن فعلا ينقصها الدركسيون يخف شويه
وربنا يديم علينا النعمه
بالنسبة للفليشيا انا باعتبرها 128 كبيرة شوية لانى كانت معايا 128 وبعتها بعد خدمة 14 سنة من المتاعب مع الفارق الرهيب انا باتكلم فى بساطة ميكانيكا وعفشة وحتى الكهرباء مع متانة شاسية تتفوق على العربيات الروسى شاسية مصفح من قضبان القطار مع مقصات مصفحة سواء امامى او خلفى وعلى فكرة انا واحد صحبى شغال فى التوكيل للان عربيات خدمة الطريق التابعة للتوكيل فليشيا كومبى لانها سيارات امان 100 *100 ابسط حاجة بص على القضبان اللى فى الأبواب اما مشاكلها تتلخص فى وزنها الزائد الناتج عن تصفيح العربية مع صغر حجم الموتور يؤدى لضعف التسارع ومشاكل العفشة الأمامى ودى فى كل العربيات الجر الأمامى انا اديلها 9/10 كسيارة احدث القديم او اقدم الحديث وربنا يخلليهالنا كلنا !!!!
:Bravo::Bravo::Bravo::Bravo:
احترمك و احترم كلامك فعلا
انا هقولك على حاجه و ممكن تقول عليا مجنون و الله ما بضحك عليك
انا معايا كومبى 1996 بوستيج قلى هو الون الاخضر بتاعه
كان رئيس الحاسبات عندى فى الشغل قلى ممكن اخد لفه قوالتالو اتفضل لف بيها فى البركنج فى الاوبرا
قلى جميله قلى بايع قوالتالو ماشى على كام قالى قووول انتا 35000 جند الكلام ده من 3 شهور قالى ماشى بكره هجيبلك عربون تانى يوم جبلى 2000 جنيه بعد ماماشى و بعد الكلام
العربيه بصيتلى و حسيت انى هى بتقولى بعد ماشيلتك فى همك و مشويرك و شركتك فى افراحك و احزانك تبيعنى كده و بكل سهوله و بعد ما الراجل نزل منها جيت ادور مردتيش دووووووووووور
دووووورى لالالالالالالالالا حلفت براس ابوها ماهى دايره قولت غريبه كلمت الحج بقوله العربيه جاتلها بيعه و بسعر حلو 35000 جنيه قا لى و مين قالك انى انتا تبيع مع العلم انى هى بتاعتى بس بنحب نخد براى بعض مفيش حاجه اسمها بتاعتى و بتاعتك فى البيت عندنا و مين قالك انى انتا تبيع يبنى لالالالالالالا و امى لالالالالالالالالالا و اختى لالالالالالالالالالالالا و اخويا لالالالالالالالالالالالال ا و خطيبتى قلى هى كاتب عليها كتابى قالتالى لالالالالالالالالالالالال الالا هو فى ايه و كلو بيقولى احنا بنحب لوزه دى اسمها حتى المدام قالتالى انا عاوزه عربيه تكون اخت لوزه بس مش الكومبى قلى هى الصغيره
ورجعت فى البيعه فى اليوم ده حسيت انى فى ميت فى البيت و سيبتها فى الباركنج بتاع الشغل
قولت خلاص مش هبيع و كلمت الراجل قوالتالو مش هبيع جيت ادور تانى يوم دارت و الموتور بتاعها و له بينتش و له بيكركر و له اى حاجه و مشيت بيها و كانت خفيفه جداااااااااااااااا و سريعه و الله كانت بتزحف منى من سرعتها
و الله ده قلى حصل
قصه غريبه مش كده ز مانك بتقول استر يارب على عقل احمد
و الله حقيقه
حبيت بس انقل التجربه و صدقونى مش هسمح بحد يشكك فيكى او يغلط فيكى يا فلشيتى
ربك المستعان
اخى الحبيب احمد يقول رب العزة فى كتابه العزيز
{فَمَا بَكَتْ عَلَيْهِمُ السَّمَاء وَالْأَرْضُ وَمَا كَانُوا مُنظَرِينَ }الدخان29
يقول اهل العلم ان الجمادات تألف بنى آدم وتأنس به وهاهى السماوات والارض تبكى على المؤمنين عند رحيلهم من الدنيا حزنا عليهم والامثلةعلى ذلك كثيرة كثيرة
ثانيا :مازال لك وللاسرةالكريمة عمرا مديدا معها مكتوب فى اللوح المحفوظ ...فلا عجب
فقط اراد الله ان يريك بعض اياته ويضرب المثل حتى نفطن نحن للحكمة ويحترم بعضنا بعضا ويتحلى كل منا باصل طيب فى تعامله مع الاخرين .
بارك الله لك فيها واكثر من سماع كلام الله فيها فان الملائكتة تجتمع فيها لسماع الذكر وكلام الرحمن عز وجل وبالتالى فانت فيهابصحبة الملائكة وفى معيةالله لاتصاب بمكروه باذن الله وحوله وقوته .
الحمد لله العربية تمام من وجهة نظرى لو كانت نزلت بموتور 1600 علشان تبقي وزن العربية مع الموتور حاجة كده معقولة كنا هنقول ان دى الاوكتافيا القديمة مثلا بجد الحمد لله وكنت فى يوم من الايام هبيعها علشان اشترى جديد لقيت نفسي هاجيب علبة صفيح مع احترامى لاصحاب العربيات الاخرى والحمد لله
من وجهه نظي المتواضعة وبعد قراءة أغلب المشاركات
العربية دي بيزيد إعجابي بيها يوم عن يوم وعن تجربة أنا عملت حادثة عربية دخلت فيا من الخلف دخلة غبية والحمد لله الخساير بتاعتي بسيطة إكصدام وفانوس اشارة والشنطة دخلت لجوة واتردت على البارد
تعالو شوفو خسائر العربية التانية وكانت ماركة دايو ماتيز
الاكصدام الامامي والشبكة الامامية والفانوسين والردياتير وشرخ جزء من الموتور والزجاج الامامي وجزء
الحمد لله من بعدها زاد إعجابي بيها
يعني لولا ستر ربنا أولا ومتانه الصاج ووجود داير الاستبن فى الشنطة كانت الناس اللى راكبة ورا اتعورت
طبعا العربية بصراحة جميلة جدا وعاجبني فيها أنها أحدث القديم واقدم الحديث
إن شاء الله لو فكرت ابيع أكيد هجيب سكودا بردو بس أوكتافيا
والله المستعان
طيب ياحضرات انا معروض عليا ابادل بعربيتى فلشيا 2000وش اوكتافيا 1300 سى سى انجكشن
بعربيه زيرو a113 اسبرانزا عداد 1000 كم كامله مانول عليها حظر بيع تقسيط بنك
ايه رايكم
خلييك في الفلشيا احسن1000مرة من الصينى
لاحظت ان فيه 3 دخلوا الاستفتاء وقالو انهم غير راضين عنها بالمرة ياريت نسمع شكواهم من العربية
حابب أضايق الباشمهندس أحمد /
الفليشيا عربية المناطق الباردة زى بولندا والتشيك والمجر اللى هيا دول أوروبا الشرقية مش عربية دول الفراعنة يا سوبر هنيدى
الفليشيا عربية صوتها دايا عالى زى الكراكة
فى الصيف 3/4 مواضيع المنتدى على سخونة العربيات عليها و3/4 الفليشيات معمرين مكنهم أو عملين نص عمرة لهذا السبب
مش عايز أقووووووول تانى
طبعا الكلاااام ده هوا الحجج الفاضية اللى الناس بتفشل بيها العربية بس الحقيقة إن الفليشيا كهنت عربيات وهيا لسه عايشة عربية تتحدى الزمن وكل منجز ميكا كهربائى له عيوب ومميزات ودى عملية نسبية
وبردوه الفليشيا عربية فاشلة
ان شأء الله
لو كان ليا عمر على الصيف القادم
هقوم بحملة صيانه للفلشيا و الففوريت
بدون دخول ميكانيكى و القصه دى
علشان نكمل تحدى الزمن بالفلشيا لى حابب يجى يتفضل
العربيه دى و طبعا الستر كان من عند ربنا الحمد لله
فى العيد الكبير قلى فات على طريق مصر اسكندريه الصحراوى
فردة الكوتش ضربت على سرعة 140 ك و الحمد لله العربيه مخرجتش خارج الحاره قلى انا ماشى فيها
و بدون كلبشه فى الدركسيون و القصه دى و الله ما تحركة سم واحد عن مسارها و مشيت بيها للحد ما هديت العربيه وواقفتها
من سنه تقريبا
الفرامل هربت من تحت رجلى و مكنش فى فرامل خد غرزة على سرعة 80 ك فى شارع القصر العينى
و كانت الاستجابه فوق الممتاز
عربيه سفرت بيها من القاهرة لشرم الشيخ ذهاب بدون ريست و اياب بدون ريست على سرعه تتراوح من 120 الى 140 و بين فترة الذهاب و الاياب للمدة 5 ايام من جنوب سينا لشرم مسافة 120 كيلو رايح و 120 كيلو راجع و معايا اربعة بنأدمين غيرى
و كان فى شهر 8 يعنى عز الصيف
لما اسافر بيها من اسكندريه ذهاب و اياب صد رد 3 مرات فى اسبوع واحد و فى شهر 8 بردك قلى فات
مع كل ده
و جى تقولى عربيه فاشلة يا هيثم
وجهة نظرك وصلت
ربك المستعان
هفضل ادافع عنك يا فلشيتى
يكفي انها عربيه صاجها ناشف بتحافظ علي الي راكبها
الفليشيا عربية المناطق الباردة زى بولندا والتشيك والمجر اللى هيا دول أوروبا الشرقية مش عربية دول الفراعنة يا سوبر هنيدى
على اساس ان باقي السيارات الاوروبي نازلة حبا في مصر والشرق الوسط.......تزكر اخي الكريم معاناة الالماني بكل فئاته في دول الخليج وده لا يقلل من شأن الاوروبي
انا كان معايا الفليشيا لمدة 4 سنين كانو افضل 4 سنين ركبت فيهم عربيات
تعالي نبص علي الاتحاد الاوربي منها
abs وايرباج وسخنات في الكراسي انا عايز عربيه في نفس موديلها بنفس المواصفات ؟؟؟
دا لما نزل abs في الكوري الفتره الي فاتت قالك دا طفره عظيمه في عالم السيارات
الالماني عربيه تتركب
محدش ليه قادر يفهم إن أنا كنت بهزر ...... راجعوا كلامى يا بهوااااات
أنا قلت :
طبعا الكلاااام ده هوا الحجج الفاضية اللى الناس بتفشل بيها العربية بس الحقيقة إن الفليشيا كهنت عربيات وهيا لسه عايشة عربية تتحدى الزمن وكل منجز ميكا كهربائى له عيوب ومميزات ودى عملية نسبية
انا صوتت اني غير راضي...
العربية جبناها زيرو موديل 98وفي خلال 5 سنين غيرنا المكنه...
عربية سيئه ومكلكعه ولا انصح اي حد بيها....
وعلى فكرة...
كنا بنعمل صياناتها اول بأول وكنا مهتمين بيها جدا بس هي عربية فاشلة!!
يعني ركبت عربيات اشكال ألوان مشفتش مشاكل في عربية قدها....
تحياتي
Sent from my SE Arc S using Forum Runner
يا غالي بقولك ركبت عربيات طوب الأرض ممرش عليا زيها...
زه حتى الماروتي ريحتني وهي كانت بالنسبالي سيئه...
عربية خشنة ومحتاجه فيل يسوقها عشان يدوس على دبرياجها...
ومض هقولك عالستيرنج كان بيربيلي عضل ايام ما كانت عندنا
ههههههههههههههههه
بغض النظر بس صدقا العربية دي بالذات كل ما افتكرها اتضايق...
انا عش
Sent from my SE Arc S using Forum Runner
انا عشان كده مرضتش اعلق من الاول واكتفيت بالتصويت...
انت اللي حبيت تقلب عليا المواجع...
ههههه
تحياتي
Sent from my SE Arc S using Forum Runner