اكيد الموضوع مش محتاج تفكير ولا حيره
لانسر وانت مغمض
اكيد الموضوع مش محتاج تفكير ولا حيره
لانسر وانت مغمض
السلام عليكم ورحمة الله وبركاته
انا شايف ان المواضيع فيها تحامل شويه على السياره الصنى واللانسر والناس بتقيم العربيتين وتتوقع أداء منهم وكأنهم بيتكلموا عن سيارات فيراري او ميرسيدس اس كلاس
انا عن نفسى معايا صنى 2008 وعامله 6000كم ماكانش ينفع اقارنها مثلا بالانسر لأن عربيتى مانوال
1600cc
شاريها زيرو ب 88000جم ورجعولى 2000جم يعنى العربيه واقفه عليه ب 86000جم والعربيه فى منتهى الأحترام والجمال وماندمتش ابد انى شاريها ومش هاقارنها بأى عربيه تانيه
ازاى اقارنها مثلا باللانسر المانيوال 1600cc
الى بتبدا من 106000 يعنى فرق 20000جم
حتى لو الانسر احسن واثبت بس انا شايف ان 20000جم انا اولى بيهم وما اعتقدش ان الفروق بين العربيتين يساوى المبلغ ده
اما لو صدق كلام الأخوه ان الصنى احسن من اللانسر فيبقى انا وفرت 20000جم وفى نفس الوقت ركبت عربيه محترمه
اما لو ثبت ان اللانسر احسن من الصنى فدى حاجه ماتزعلنيش لأنى اشتريت العربيه الأرخص
بالنسبه للناس الى بيتكلموا عن الصنى اتمنى انهم ماينسوش ان نيسان بتعطيهم عربيه يابانى 1600CC
بس ب 86000جم يعنى تقريبا ببلاش مقارنة بالعربيات ألكوري والصيني
ودى وجهة نظري ألمتواضعة
وجزاكم الله خيرا
اخوكم / احمد عزالرجال
لكى الله ياغزة
المفروض عشان تسمع اراء مظبوطه تحط الاستفتاء ده في منتدى المقارنات عشان يبقى منتدى محايد
اصل انتا حاطه في منتدى نيسان واكيد كل اللي راكب نيسان هيقولك الصني ولو حطيتو في متسوبيشي هيقلولك لانسر احسن طبعا
انا رأيي طبعا من غير متفكر لانسر ثم لانسر
معتقدش ان فرق ال20000 جنيه دول اونطه ... كان زمان الصني اغلى بقى بالعقل والمنطق
وكمان شكلا وقطع غيار منتشره وسعر اعادة بيع محترم واستهلاك بنزين اقل يبقى لانسر اكيد
فرق السعر دة لان الصني بتتصنع في 6 اكتوبر ...صحيح الحاحة جاية من برة بس التقفيل مصري و معظم العيوب -الطفيفة- اللي في العربية سببها للأسف المكونات المصري من كاوتش و كراسي و خلافة -مع اني بشجع المنتج المصري والله بس للأسف دايما يكسفنا-
العربية الصني حلوة فعلا و الفرق بينهم ما يستاهلش ال20000
لو حيران فعلا ---> ازود حيرتك و اقولك شوف التيدا, و قلي على الحيرة ---> تمسح اللانسر
و احسن حاجة اجر عربية لانسر يوم و صني يوم (ما دمت خلاص حاتشتري) ادفع شوية زيادة و جرب بنفسك , خدهم و امشي بيهم كتير ممكن تسافر السويس او اسكندرية و ترجع و تجرب الجري و الثبات و تبقى مقتنع --اهم حاجة تبقى انت مقتنع
و صلي صلاة استخارة و ربنا يهديك و يرزقك خيرها و يبعد عنك شرها
بصفتي ركبت الصني وركبت الانسر بس مع ملاحظة إن الصني اللي ركبتها ياباني مش مصري والفرق اللي لاحظته وسع الياباني عن المصري فمن واقع التجربة أرشح الصني حيث إن موتورها أقوى من اللانسر .
الحمد لله انا سقت العربيتين وبكل حياد الصنى افضل واشيك واقوى من الانسر انا سقت الانسر عربيه خفيفه جدا جدا من اى مطب تلاقيها بتنط من مكانها ميزتها الوحيده عن الصنى هو التقفيل فقط
والله الموفق
استاذ كيتا قالك التمام انا معايا صني 2008 و ساعات باخد عربية اخت مراتي لانسر2006 الاتنين اوتوماتيك 1600.
اللانسر اوسع من جوة و صوتها اهدى بكتير و عشان كده ممكن تسرح بيها من غير ما تحس لكن الصني موتورها تحس انه اقوى و استجابته اسرع و تحس انها اتقل في الارض عن اللانسر بشكل ملحوظ و انا عن نفسي بحس انها اشيك كتير من اللانسر لكن اللانسر يليق فيها التظبيط عن الصني و موضوع الكلام عن عيوب التقفيل في الصني انا شايف انه مبالغ فيه قوي العربية ما شاء الله زي الفل و فارق الفلوس مبالغ فيه قوي فاتكل على الله و دوس في الصني
السلام عليكم:
بص يا باشا طبعا انا معايا صني م لم اسوق الانسر ابدا حتي الان بس انا ها اشكرلك جدا ف الصني و ها اقولك انا كنت ف نفس الحيرة لما اشتريت بس فرق السعر الرهيب و البدون مبرر عن الاطلاق هو ال فمصلحة لصني قلبا و قالبا و خصوصا لو ها تقارن السوبر صالون (طي مراية- فوانيس شبورة-كاست و سي دي شانجر-كاوتش بريدج ستون ياباني و ال عمر اللانسر ما شافتو- وكيل محترم مش حرامي- مراكز صيانة مختلفة و ال مشعجبك تروح لغيرو و كلهم منافسين للجوده مع بعض) حط فرق سعر الحجات دي مع فرق السعر و احكم انت.
التقفيل و لا فية اي مشكلة اطلاقا و زي الفل و اي مشكلة بتسمع انها حصلت ف الصني المصري بتحصل قصادها ف الانسر و بتحصل برضو ف اي عربية (حالات فردية)
عمرك ما ها تلاقي صفقة ف مصر احسن من صفقة الصني (اي فئة) و لف و احكم انت
معلش ياباشاا انا مش قصدي اكدبك
بس حكايه فوق ال100 والعربيه تعوم والكلام ده يبقي فيه حاجه غلط في العربيه
اذا كان انا معايا السيريون وهي وزنها 990 كيلو فقط ودايما ماشي 120 وكتيير بتزيد ومش بتعوم وباخود الملفات بالسرعه دي وبعدي جمب عربيات نقل عادي
اعذرني حضرتك بتبالغ شويه في العيوب
او عربيت حضرتك كانت عايزه تظبيط
وعموما مبروك علي الصني وهي عربيه جميله وربنا يباركلك:satelite:
إذا كانت الصني مفيهاش عيوب تقفيل فظيعة وبالذات الأوتوماتيك فهي أحسن بالتاكيد .
لانسر عربية كويسة برضه بس لو كانو بنفس السعر ساعتها نقارن .
محدش يختلف إن الجودة متقاربة وألمسئله أذواق فقط . لكن فرق السعر كبير .
وازن بن فرق السعر و أهمية الذوق لأن فارق الجودة مش الوهمي يعني