ايه سبب الصوت ده ؟

**thegoodhacker** · 24-07-2008 12:43 AM

فيه عندي زي صوت (هبدة ) لما اجي الف الديريكسيون يمين او شمال عند نقطة معينة كده اسمع صوت هبدة و بعد كده الصوت يروح ......... علما بان الصوت ده موجود حتي و انا بالف الديريكسيون والعربية واقفة ......
العربية نصر 127 .

**ssd** · 24-07-2008 12:45 AM

ممكن تكون سكاترا

**Ghamrawy** · 24-07-2008 12:47 AM

لازم تراجع على مشط علبة الدركسيون و بيضات الطرف

**thegoodhacker** · 24-07-2008 12:57 AM

شكرا علي الرد ........ بس انا كان عندي من اسبوعين رجرجة في الديريكسيون و انا ماشي بالعربية و اضطريت اغير دراع اسكترا اليمين و بلية خارجية و داخلية للجزء اليمين برضه ......... وكان فيه بوش في الاسكترا و تم عمل حشو ليها ........ و العربية كانت تمام فترة الاسبوعين دي و بعد كده ظهرت المشكلة الاخيرة دي ........ فهل ممكن تكون الاسكترا فعلا ؟ لاني لسة فاحصها و مصلحها عند العفشجي زي ما قلتلكم .......... و ايه المقصود ب(مشط علبة الديريكسيون) ؟

**Ahmed Samy** · 24-07-2008 05:45 AM

مشط مسنن بيجري عليه ترس (اللي عجلة القيادة بتلفه) فلما الترس يلف مع عقارب الساعة (انت تحود يمين) سنون الترس تعشق في سنون المشط و تدفعه انه يمشي كله ناحية الشمال فيدفع العجلة من الخلف للشمال يخلي و شها يروح يمين زي ما انت كنت بتحود .....

لو مش متخيل اعمل بحث عن علبة الدريكسيون في القسم التعليمي هاتلاقي حاجات كويسة لممدوح و سبعاوي

**thegoodhacker** · 24-07-2008 03:40 PM

الف شكر علي التوضيح

**mazdawy** · 04-08-2008 01:02 AM

أنا ما أعرفش نظام ال127 لكن لو عندك سوست مع المساعدين قدام ممكن تكون سوستة مكرشه ولما بتلف التارة السوستة يتخبط فى الجنب . لأنها حصلت معايا امبارح وأنا باركب مساعدين جديدة وانا خارج من عند العفشجى وخليته عدل السوستة باأجنه ومنعت الصوت .