الموضوع: أجيب تيدا من اوتو ايجيبت ولا من السبع ؟؟؟؟؟

المشاركة الأصلية كتبت بواسطة ahmed_selmy

هوا بصراحه اوتو ايجيبت كويسين فى التسليم وبيشرح بالتفصيل,بس هما موعدهم فعلا مش اوى.

مضطر استنى بس عشان مستريحلهم :)
مشكوووور

المشاركة الأصلية كتبت بواسطة ma8rabye

ايوة فعلا هيونداى بتبالغ جدا وبتبالغ فى رفع الاسعار ..ما فى عربيات زودت الفين بس بسبب الدولار هما بيرفعو ٨ ولا عشرة ليه؟؟؟ عاملين زى لما التاكسى يغلى الجرة عشا البنزين غلى يقوم سواقين اللى بالسولار هما كمان يغلو !!!!! بيهيصو بمعنى اصح وعلى ايه اصلا اشتري عربية ب١٤٢ الف بلاستيك ومفهاش غير ايراج وحد بدون اى اوبشن..يعنى لاقيمة ولا ابشنززز..........
الحمد لله انا شفت المميزات دي فى التيدا ومقتنع بيها حتى لو شكلها مش بخطوط حديثة بس مميزاتها طغت على شكلها... فاضل بس حتت السبات على سرعات ماسوقتهاش بسرعة عليا الصراحة ان شاء الله تبقى كويسة....
اما بالنسبة للحجز... روحت اوتو ايجيبت اللى فى امتدد حسن امأمون( شارع النادى الاهلى ) وقالى لو اى لون ممكن تيجى فى خلال شهر ونص اما اللون اللى انا عايزة ازرق فبيقول قليل بيقولى اعمل حسابك على ٣ شهووور !!!! بس اعمل ايه مضطر استنى بس لانى مستريحلهم عن غيرهم والحجز بالف بس مش ب ١٠ و ٢٠ زي غيرهم .. ولو رجعت فى كلامى مفيش خصم الف جنيه زي غيرهم. اما الاسعار فهى ١٢٠ الف هاتش بالك اوتوماتيك. . فول ابشنز ب ١٢٨ ونص وبفتحة سقف ب ١٣١ ونص. اما السيدان فبتبقى اقل ٥ الاف فى اول فئة بس ومتساوية فى السعر بالهاتش باك فى باقى الفئات .. وقالولى متوقع تزيد سعرها من الفين ل ٣ الاف بسبب الدولار. .. بس كده. ومشكوور على اهتمامك وانا موجود لو فى اي سؤال ...

شكرا على ردك الكريم
وكويس ان في اوتوايجيبت في مدينة نصر وكمان بالتسهيلات دي
بصراحة العربية دي مش خسارة تتجاب بلس بفتحة السقف
على قدر ما انا معارض للصني جدا فانا معجب بالتيدا
اما الثبات سمعت عنه انه اقل من الالنترا بس ده يعني للي بيجري فوق 120-140 كيلو وفي ناس قالت انه كويس
انا عندي الحكومة حاسة انها شكلها صغير ومش عائلي رغم انها فعلا واسعة من جوه ده اصحاب القشقاي قالوا على الكنبة الي ورا واسعة بس مش زي التيدا وده قريته في المنتدى اكتر من كده ايه
بس فعلا عائق سفري هو الي مأخرني ان شاء الله توفق وتجيبها باللون الي عاوزه وان شاء الله يفضلوا يستوردوا العربية دي بالسعر ده تقريبا حتى الصيف وتكون من نصيبي

لو منك اقعد بقى اقرا مواضيع التيدا في هذا المنتدى الرائع وافلها علشان تبقى استاذ فيها ان شاء الله من قبل ماتستلمها وان شاء الله تكون قدم خير عليك
تحياتي