طب هو حضرتك هو باظ مني قبل كده وجبت واخد استيراد للهيونداي فيرنا والعربية سخنت قبل كده والميكانيكي بيقولي اكيد مش عيب ترموستات عشان انا انت مغير كوعة استيراد قبل كده والاستيراد مابينزلش فيه ده بجد ولو كده اروح اركبه ولة اسيبه هي مبتسخنش حاليا
عرض للطباعة
طب هو حضرتك هو باظ مني قبل كده وجبت واخد استيراد للهيونداي فيرنا والعربية سخنت قبل كده والميكانيكي بيقولي اكيد مش عيب ترموستات عشان انا انت مغير كوعة استيراد قبل كده والاستيراد مابينزلش فيه ده بجد ولو كده اروح اركبه ولة اسيبه هي مبتسخنش حاليا
شكرا على الموضوع و الردود السليمة
انا كنت بزود مية حنفية ع الميه الخضرا لان مستوى المياه كان بيقل (اتضح فى الاخر ان خرطوم كان فيه شق صغير) .. المهم لو حبيت انظف نظام التبريد باضافة خل لدورة التبريد لمدة يوم و بعد كده غسيل و ا وضع مياه خضراء .. هل الخل يؤثر على اجزاء الموتور و الخراطيم و شكرا
كلام مظبوط جداااار وفعلا بتفرق في اسوهلاك البنزين وكمان عمر الموتور وشكرااا على التوضيح الشامل
طيب حد يعرف ده نجيبه منين في القاهرة و يا ريت مدينة نصر
و استيراد و لا جديد
و كمان أفضل حل لتفادي تلف الموتور في حالة تعطل ثرموستات الكوعة
يبقى كتر خيره
لعربية كورولا 99
الحقيقة معنديش فكرة عن أماكن بيعه فين تحديدا.. بس أعتقد هتلاقيه بسهولة عند محلات بيع قطع غيار الياباني والمتخصصين في حاجات تويوتا.
بالنسبة لطريقة الحفاظ على الموتور في حالة عطله (أكيد طبعا إنه يعطل مقفول).. فهي ببساطة إنك تقف وتوقف الموتور وما تمشيش بيه إلا لما تحل العطل.
المسألة كلها عبارة عن أسلوب وطريقة لازم تعامل بيها عربيتك اللي مدفوع فيها مبلغ مش قليل..
أبسط طرق تقليل الأضرار هو المتابعة المستمرة لعداد الحرارة (ودي بتيجي بالتعود على النظر في العدادات) ... بحيث إنك لو حسيت إن الحرارة بدأت تعلى عن الطبيعي يبقى لازم تطفي الموتور فورا.
بس المفروض قبل ما نفكر في حل للمشكلة اللي لسه ما حصلتش إننا نفكر في طريقة لمنع وقوعها أساسا.
طرق الوقاية من مشاكل دورة التبريد بتدور حوالين حاجتين...
رفع كفاءة التبريد... و منع التسريب ...
رفع كفاءة التبريد
* دايما حافظ على الرادياتير في أحسن حالاته من النظافة الخارجية... وكل فترة نظفه بالهوا
* امنع الصدا في دورة التبريد... لأن الصدا بيعمل طبقة عازلة بتقلل من قدرة الموتور على نقل الحرارة للمية وتقلل من قدرة الرادياتير على التبريد...
ده غير طبقة الصدا اللي ممكن تحجر على ثرموستات الكوعة وتوقفه.
دايما استخدم سائل التبريد الصح لإنه أحسن حاجة تقدر تحافظلك على نظافة الدايرة..
* اتأكد إن مراوح الرادياتير شغالة مضبوط بالسرعات بتاعتها
* لو الرادياتير عليه قميص حوالين المروحة أوعى تشيله... لإن القميص ده هو السبب في إن الرادياتير بيتبرد بالكامل... مش جزء منه بس.
منع التسريب
* أكتر مكان بيحصل فيه تسريب هو الخراطيم بيتاعت دورة التبريد... دايما دايما ما تخليش أي خرطوم ولا كوعة كاوتش تقعد في العربية أكتر من 5-6 سنين
* غطا الرادياتير هو كمان له عمر لازم يتغير عنده لإنه هو كمان فيه كاوتش... ده غير إنه هو نفسه فيه ميكانيزمات لازم تكون شغالة كويس علشان ما تعملش ضغط زيادة يسبب ارتفاع الضغط في الدايرة وانفجار أحد الخراطيم مثلا
* المية العادية في دورة التبريد بتعمل صدا.. والصدا ده بياكل في طبات الموتور (طبات صغيرة عاملة زي غطا البيبسي ... غالبا بيبقى موجود منها 8 في العربية .. 2 عند كل سلندر من تحت)... والطبات دي بتتخرم وتسرب وانت مش بتبقى واخد بالك.
http://i.ebayimg.com/images/i/252329...-1/s-l1000.jpghttp://i.ebayimg.com/images/a/(KGrHq...g~~/s-l300.jpg
* الرادياتير ممكن يتخرم ويسرب لما تستخدم مية الحنفية أو ممكن لو استخدمت سائل تبريد غير مناسب... دايما اتأكد إن سائل التبريد اللي هتحطه مناسب للرادياتير وللموتور... واثبت على النوع ده وما تغيروش.
من الآخر... خلي دورة التبريد زي الفابريكة.... أكيد الناس دي ما كانتش بتلعب علشان تحط مية ملونة.
...
شكرا عالنصيحة
الحمد لله مفيش مشكلة في التبريد غير إن عالسريع الحرارة بتنزل قوي
ثرموستات الكوعة يعني
تقبل كل احترامى وشكرى
ازاي اعرف نوع المية المناسب لعربيتي دورت في المانوال الحقيقة معرفتش اوصل
عربيتي BYD f3
اللي مكتوب في الكتالوج إنك ترجع للتوكيل وهو يقوللك..
عموما.. أنواع سوائل التبريد كتير.. بس نقدر نقسمهم بشكل عام جدا إلى حاجتين:
نوع مناسب للمواتير القديمة اللي كانت الرادياتيرات بتاعتها نحاس والموتور من الحديد الزهر... وده غالبا بيكون لونه أخضر
ونوع تاني مناسب للمواتير القديمة .. اللي فيها الرادياتير ألومنيوم والموتور كمان ألومنيوم.. وده غالبا بيبقى لونه أحمر أو أزرق أو أصفر..
فيه تفاصيل أكتر من كده.. بس مش عايزين نعقد المسائل..
مهم كمان نعرف إن سائل التبريد بيتخلط بالمية المقطرة.. وأغلب السوائل اللي بتتباع في السوق بتبقى مخلوط بنسبة 50:50.. يعني نصها مية مقطرة..
نسبة المية المفروض تزيد مع الجو الحار... بس ما تزيدش عن 65% من إجمالي الخليط..
يعني لما تجيب جركن 5 لتر تركيزه 50%.. زود عليه 2 لتر مية مش أكتر من كده.. علشان نسبة المية ما تزيدش عن 65%.
بس أوعى تزود مية من الحنفية... اشتري مية مقطرة من بتاعت البطاريات وابقى زود منها.
...
نصيحه .. لابد تسأل التوكيل .. و لو لم يعطيك مواصفه كامله علميه .. يبقى تشترى اول جركن من عندهم ..
و تعرف المواصفه اللى مكتوبه عليه .. او تجيب المواصفه ( النوع اللى اشتريته من التوكيل ) من الانترنت
و بعد كده اشترى اى نوع يناسبك من اى مكان
برغم ان سائل التبريد يبدو ظاهريا موضوع بسيط .. بس هو موش كده
و الخطوره موش انه يبوظ رادياتير ( دى مقدور عليها ) .. الخطوره الحقيقيه انه لو موش مناسب لخامه الموتور يبقى حيدمر الموتور من الداخل ( موش طلمبه الميه .. الموتور نفسه )
و الخطوره الاكبر .. لو اخطأت فى اختيار السائل و كان مختلف كليا عن اللى فى عربيتك .. اللى بيحصل ساعتها ان سائل التبريد بيتفاعل و يتحول الى Sludge ( زى لدونه او صلابه ) .. يعنى اصبح مفيش ميه تبريد و ممكن كمان سدد للدوره .. يعنى حدوث تلف كامل للموتور نتيجه عدم وجود دوره تبريد
سوائل التبريد زى الزيوت التصنيعيه .. فيها اضافات .. لكن الاختلافات جذريه بين الانواع الثلاثه الرئيسيه لسوائل التبريد فى التصميم
الاضافات دى بتكون جزء منها لحمايه نوع معين من المواتير ( مثلا حديد او الومونيوم )
و كمان بتكون فيه اضافات حسب مفهوم كل شركه للحصول على الحمايه المطلوبه .. مثلا من حيث التخلى عن ماده معينه و استبدالها بمفهوم اخر للحمايه .. مثال على ذلك هو السيليكات و الفسفور
و ايضا فيه طابع مميز يميز دوله ما عن غيرها فى اختيارها للمجموعه الرئيسيه المستعمله .. امريكا و اوروبا و اليابان
فيه الان انواع مصنعه للاستعمال مع اى سياره
بالنسبه للالوان .. قديما كان كل لون بيرمز لمجموعه اساسيه .. فكان من السهل التحديد باللون
اما الان فاللون اصبح ( بصوره كبيره ) لا يعنى شيئ .. و لا يوضح ( بدقه ) المجموعه الرئيسيه التى ينتمى اليها سائل التبريد
يجب ملاحظه ان اللون الاخضر بالذات .. يوجد منه الاخضر الفاتح او اللامع نسبيا ( و ده للمواتير قديمه التصميم و المكونات ) .. و هو يختلف فى الاداء و التكوين عن الاخضر الغامق ( بصفه عامه يجب التأكد جيدا بالنسبه للون الاخضر بالذات )
و ايضا قد يكون الالوان لها علاقه بدوله ما او شركه ما
عموما اللون اصبح لا يعطى تحديد دقيق لنوع سائل التبريد .. و لا يجب الاعتماد عليه نهائيا لتحديد نوع السائل
يمكنك اختبار كفاءه سائل التبريد بطريقه سهله و دقيقه .. سائل التبريد يولد فولت و يعمل بنفس فكره بطاريه السياره
- باستعمال الافوميتر .. بعد تسخين السياره لحراره التشغيل .. يتم اطفاء الموتور ثم الانتظار فتره قبل فتح القربه
- ضع الطرف الموجب للافوميتر داخل قربه الماء ( بدون ملامسه اى شيئ غير سائل التبريد فقط ) .. و الطرف السالب على سالب البطاريه ( او جسم الموتور )
- القراءه تكون اقل من 0.3 فولت ( سائل التبريد يعمل بكفاءه )
- القراءه تكون 0.5 فولت او اعلى ( سائل التبريد يحتاج تغيير ) .. فيه بعض الناس بتقول اعلى من 0.7 ( لكن الاصح هو 0.5 فولت او اعلى
- اذا وجدت قراءات غريبه او عاليه .. يجب التأكد ان هذه القراءه العاليه هى بسبب تلف سائل التبريد و ليس بسبب وجود تفوبت ارضى او ماس فى كهربه العربيه ..
و ده يتم اختباره بنزع كابلات البطاريه و تكرار الاختبار .. اذا استمر الفولت عالى يبقى ده تأكيد ان سائل التبريد محتاج تغيير
اذا انخفض الفولت .. يكون الفولت العالى بسبب تهريب ارضى او ماس فى العربيه و لا علاقه له بسائل التبريد .. و يجب اصلاح الماس الكهربى ثم اختبار سائل التبريد من جديد لمعرفه حالته
ايضا يمكنك سحب بعض سائل التبريد من القربه و وضعه فى كوب زجاج لمعرفه لونه الحقيقى .. ده حيساعدك ( نسبيا ) فى تحديد نوع السائل عندك
شكراااااااااااااااااااااا ااااااااا
معلومة جديدة ... ربنا يباركلك
ان شاء الله اتاكد منها بنفسى و ابلغك بالاخبار
دى اختبارات كامله بالات متخصصه و بطرق عاديه
1- كفاءه الاضافات .. و دى بتحدد ميعاد التغيير .. و مدى صلاحيه سائل التبريد من عدمه
2- نسبه الخلط للانتى فريز مع الماء
https://www.youtube.com/watch?v=zY4YDncoYoI
https://www.youtube.com/watch?v=5OC9nM0Frb4
https://www.youtube.com/watch?v=pQ8k6P2ofSU
فيديو أخر
https://www.youtube.com/watch?v=yt1byw9NF2M
معلومه مفيده
لو حصل ان العربيه سخنت و الميه جوه القربه اصبحت بتغلى .. يجب تغيير سائل التبريد ( او على الاقل اختباره )
لان الحراره الشديده بتؤثر على الاضافات ( و قد تجعلها عديمه الفائده ) .. و بالتالى يتوجب اختبار السائل ( او تغيير سائل التبريد ) بسبب فقده للاضافات
الى الاداره
فيه مشكله فى كتنابه الردود فى الموقع
اللى بيظهر هو الاقتباس فقط
ده حصل عند كتابه الرد اول مره .. و بعد اعاده كتابه الرد للمره الثانيه ظهر الرد
الكلام ده حصل امبارح و النهارده
تمام .. زى الفيديو
و فيه كمان الطريقه دى
فى الفيديو كمان جهاز قياس ميه بطاريه و انتى فريز !!!! ..
موش عارف ازاى ممكن نفكر نقيس بيه نسبه الخلط ؟؟ >> اعتقد موش ممكن نستعمله لكده
https://www.youtube.com/watch?v=j7yOEza6q98
بس نسبه الخلط اعتقد حنحس بيها فى اداء المراوح و العربيه ( على ما اظن !! )
تحياتى و اعزازى
- كيفيه القياس السليم لكفاءه سائل التبريد
- كيفيه اختبار و تحديد تفويت الارضى للسياره .. او الماس الكهربى
How to test for electrolysis | Vehicle Enhancement Labs
ملحوظه مفيده
اقطاب الفولتميتر لو كانت او نحاس .. تعطى قراءه اعلى من الحقيقه 0.1 فولت
و ايضا لو كانت غير جيده او غير نظيفه .. تعطى قراءه مخالفه للواقع
Shows the differences between a copper tube and a standard test probe lead. The yellow meter has the copper tube attached to it and it shows a 1/10ths volt (0.10V) higher reading
http://www.ve-labs.net/wp-content/ga...ts/pict-18.jpg
موضوع جبار
الله ينور جزاك الله خيراً
موضوع مفيد جدا و أكثر من رائع انا لقيت الموضوع بالصدفة و انا بعمل بحث على ترموستات الكوعة و فوائده , شكرا لتعبك