اهو 50 الف كيلو .. و ادينا بنغير

**bassol2000** · 08-01-2013 03:15 AM

سلام عليكم اولاً
انا معايا نيسان صني 2010 و الحمدلله تميت بيها 50 الف كيلو .. انا واحد من الناس الوحشين اللى مش بيعملو صيانتهم فى التوكيل اطلاقاً ( لاسباب يمكن ذكرتها قبل كده و هي كانت تجربة واحده مع مودرن موتورز الحضرة كفيله انها تكرهني فى كلمة توكيل .. و من يوم ما اشتريت العربيه لحد النهارده مش فاهم يعنى ايه كلمة ضمان العربيه ) سيبنا بقي من الهرت ده كله .. كنت عاوز اغير زيت كده و شوية حاجات هعمل بيها تقرير اول ما اخلص شغل فيها ان شاء الله
- جيبت زيت ليكوي مولي توب تيك من رشدي ( من التوكيل اللى قدام نادى القضاه )
- جيبت Mos2 Anti-Friction وهو Oil Addition بيظبط الكلام و بيخلي الموتور مبسوط و الحياة معاه حلوه و الاحتكاك بيقل تمام و المفترض نظريا انه بيقلل استهلاك البنزين ( مش فارقة ) و بيخلي العربيه مبسوطه فى ال Hi-Revving (فارقة ) و ده هيبان لما احط الزيت
- نزلت صلاح الدين اشتريت فلتر زيت نيسان يبانى اصلي
- جيبت قاعدة فتيس اصلية ب 160 جنيه
- طقم بوجيهات Nissan-NGK اللى هو recommended for QG16DE engines
لسه ماركبتش حاجه لو حد من اسكندريه هيعرف ماركبتش ليه !!! كان فيه اعاصير النهاردة و الحياة ماكنتش لذيذة اوى بصراحه قولت خليها لما الدنيا تهدي و الجو ينصلح حاله
باذن الله لو لينا عمر او ما اغير الزيت هعمل تقرير عن ال Mos2 Anti-friction و اقولكم يستاهل ولا فستك
و هشوف ربنا يصلح الحال و العربيه تتبسط بعد تغير قاعدة الفتيس