اعمل ايه حد ينصحني

**ahmed 117486** · 29-01-2013 07:52 PM

انا معايا نيسان صني 2013 عربية تحفة المهم امبارح كنت راكن العربية ودخلت كافية في شارع تاني مكنتش لاقي مكان المهم رجعت لقيت العربية الاربع فرد علي الارض والكبوت متطبق انا شفت المنظر ده كنت هتجنن جاتلي حالة هيستريا بس بعد كده حمد ربنا ان لقيت العربية اصلا اتصلت بواحد صاحبي رفعت جنب وخد الفرد اليمين وبعدين الشمال بس المهم انا كنت عاوز اعمل الكبوت فهيتعمل فين وبكام والمهم ان يرجع الكبوت زي الاول ؟

**MOHAMED OSAMA** · 29-01-2013 07:59 PM

ربنا يعوضك وينتقم من اللى عمل كده

طب انته وقفتها فى مكان فى شغب ولا ايه بالزبط

وانت منين

**verna2008auto** · 29-01-2013 08:25 PM

المشاركة الأصلية كتبت بواسطة ahmed 117486

انا معايا نيسان صني 2013 عربية تحفة المهم امبارح كنت راكن العربية ودخلت كافية في شارع تاني مكنتش لاقي مكان المهم رجعت لقيت العربية الاربع فرد علي الارض والكبوت متطبق انا شفت المنظر ده كنت هتجنن جاتلي حالة هيستريا

بس بعد كده حمد ربنا ان لقيت العربية اصلا اتصلت بواحد صاحبي رفعت جنب وخد الفرد اليمين وبعدين الشمال بس المهم انا كنت عاوز اعمل الكبوت فهيتعمل فين وبكام والمهم ان يرجع الكبوت زي الاول ؟

ربنا يعوض عليك ..
بس عشان المنفعة تعم ... ياريت تقولنا انت ركنت ( إزاي وفين ) عشان نتجنب الموضوع ده

بالنسبة للاربع فرد يتنفخم عادي

الكابوت عاوز سمكري جامد ويعملة علي البارد ...
الف حمد لله علي سلامتك وسلامة العربية

**Land_Cruiser** · 29-01-2013 08:42 PM

معلش قدر الله و ما شاء فعل. شكله كده مريض نفسى بينتقم علشان حضرتك ركنت مكانه و لا قفلت عليه . بالنسبه للكبوت حسب التطبيق ده حصل ازاى يعنى لو مثلا فى الجزء العلوى اللى فوق الموتور ممكن يترد و يرجع زى ما كان أما لو مطبق نتيجه خبطه و لا حاجه تقيله وقعت عليه و علمت فى البويه او خللتها تطق يبقى ساعتها ممكن تحتاج دهان . حضرتك وديها لسمكرى كويس علشان يعاينها و يقولك ايه هو افضل قرار

**jojojojo** · 29-01-2013 08:49 PM

خير ان شاء الله يفضل في الظروف اللي بتمر بيها البلد لو عايز تروح مكان وهتركن تخدها مواصلات واحمد ربنا انك لقيت العربيه اصلا اما بخصوص الكبوت ان شاء الله تتعمل بسهوله بس حضرتك محتاج سمكري شاطر والواضح ان اللي عامل كده عيال صغيره

**Sehsss** · 29-01-2013 08:58 PM

لا حول ولا قوة إلا بالله

**ahmed 117486** · 29-01-2013 10:22 PM

المشاركة الأصلية كتبت بواسطة mohamed osama

ربنا يعوضك وينتقم من اللى عمل كده

طب انته وقفتها فى مكان فى شغب ولا ايه بالزبط

وانت منين

انا من المعادي وكنت ركنها في المعادي يعني مش في مكان في شغب ولا حاجة وده المجنني

**youssef_u** · 29-01-2013 10:24 PM

لا حول ولا قوة الا بالله

متدايقش ياباشا الاربع فرد مجرد تنفخهم تاني بس و الكبوت ان شاء الله يتعمل عالبارد بسهولة

**ahmed 117486** · 29-01-2013 10:30 PM

المشاركة الأصلية كتبت بواسطة verna2008auto

ربنا يعوض عليك ..
بس عشان المنفعة تعم ... ياريت تقولنا انت ركنت ( إزاي وفين ) عشان نتجنب الموضوع ده

بالنسبة للاربع فرد يتنفخم عادي

الكابوت عاوز سمكري جامد ويعملة علي البارد ...
الف حمد لله علي سلامتك وسلامة العربية

تشكر يا باشا بس انا كنت راكن في المعادي وركنها صف اول عادي ومش مقفل علي حد ولا اي حاجة وكان جنب العربية اربع عربيات تانية بس شكل العملها شكلوا مش بيحب الصني