بسم الله الرحمن الرحيم
الفتيس المانيوال اللى اغلبيه الناس تعرفة فى تخيلهم بيكون بس كدة
لكن هو فى الحقيقه كدة
طريقة عمل الفتيس المانيوال بكل أختصار كالأتى :-
لما بنضغط على دواسه الدبرياج بيتم كبس زيت داخل اسطوانه أسمها ماستر دبرياج و دى بيكون شكلها كدة
و دى بتضغط الزيت عن طريق خرطوم على اسطوانه تانية موجودة جنب الفتيس بنفس الشكل تقريبا
و اللى بتقوم بتحريك جزء معدنى اسمه فرش الدبرياج او (clutch fork ) و دة بيكون بالشكل دة
و بيكون داخل الفتيس بالشكل دة
و فرش الدبرياج دة هو اللى بيتحكم فى حركه جزئين مهمين ,, هما الاسطوانة و الديسك (clutch)
فلما بنضغط على دواسه الدبرياج بيقوم فرش الدبرياج بتحريك الديسك بعيد عن الاسطوانة عشان يسمح بتغيير نقلات الفتيس
و الديسك و الاسطوانة بيكونوا بالشكل دة
و لما بنسيب دواسه الدبرياج بيتم نقل حركة موتور العربية للفتيس و اللى بدورة بينقلها لمجموعة تروس اسمها موزع او كورونا او(differential) و دى اللى بتقسم الحركة على عجلتين سواء كانوا العجلتين اللى قدام او اللى ورا او الاربعة و دة بالنسبة لعربيات الدفع الرباعى
و الموزع بيكون بالشكل دة
و الموزع دة بيكون متوصل بالعجل عن طريق حاجة اسمها الكبالن و بتكون بالشكل دة
و دى بتنقل الحركة من الموزع لكل عجله و الشكل العام بيكون كدة
دة كان شرح مختصر لطريقة عمل الفتيس المانيوال
أى حد عندة أسئله يتفضل يسأل و ان شاء الله اجاوب عليه فى اقرب وقت
المفضلات