الموضوع: هواء بدورة التبريد ؟

شرح سحب الهواء من دورةالتبريد

اولا
ازاى اعرف انى الموتور واخدهوااااااااا
ازاى هى طريقة خطررررررررررررر جداااااااا بس لو عاملت قلى انا هقولك علية واحدة واحدة هتيبقى تمام العربية لما درجةحرارتها بتعدى 90 درجة و بتثبت على درجةحرارة معينة هتعمل اية هتفتح الكبوت وهتيجى على القربةو يكون معاك فوطة وفك غطاء القربة بالفوطة سنة بسيطة انا مقولتيش هنفتحها مرة واحدة انا بقولك سنة بسيطة فى تنفيس صوت فس فس فس لا لسة سنة كمان لسة سنة كمان بقى فى صوت فس فس فس سنة كمان واصبر بقى للحد ما صوت التنفيس دة يروح خالص القربة تطلع ضغط البخار و الهوا السخن من جوها و لم ينتهى فك الغطاء بحرص بردك مش مرة واحدة سنة سنة وانتا بتفكة فى ضغط بيزوق الغطاء لفوق ولة لا لو مفيش ضغط يبقى انتا كدة خرجة الضغط وبص بعينك فى القربة المياة بتتقلب و لة ثبته مكانها لو بتتقلب يبقى كدة الموتور مفيهوش هوا كدة تمام
لو ثبته وركدة وثبتة مكانها يبقى كدة فى هوا هتقولى ما هو بدل المخطرة دى وممكن ايدى تتحرق ما افك الغطا بتاع القربة و هى بردة هقولك مش هينفع لية لانى الموتور مش هيبان انى واخد هوااا قلى لما بيكون الموتور سخن لانى هتكون المياة سخنت وخلة الهوا يتمدد بالداخل الموتور وهيعمل كدة فجوة هوائية عارفة يا صديقى الموضوع جى ازاى الهوا لما بيعمل فجوة هوائية بيسد مسارات المياة مبتخليش المياة تروح وتيجى فى دورة التبريد الطريقة سهله جدااااا بس خطر جدااااا خالى بالك واحفظ الكلام دة كويس علشان لاقدر الله مايحصلش حاجة


ثانيا
ازاى تسحب الهوا و بنفسك من غير ماتروح عند ميكانيكى و لة حد
الطريقة سهله جدااااا
هنا بقى هتكون العربية بردة جداااااا علشان جوان وش السليندر والوش السليندر نفسة
اولا هتفك الخرطوم الراجع على القربة قلى بيبقى فوق ودور الموتور على السلانسية هتلاقى الخرطوم بيفضى مياة خلية يفضى وبعدين لما المياة بتقطع والقربة تفضى فاضى المياة فى القربة واديها سنة سنة متواصل للحد ماخرطوم الراجع بتاع القربة ينزل مياة شغال زى منتا اديها مياة للحد ما تلاقى المياة نازلة بغزارة من الخرطوم مش سرسوب ضعيف ركب الخرطوم الراجع بالقفيز وزود و ظبط مقاس المياة على شرطة الماكس بالظبط علشان هنحتاج المقاس دة بعدين ومتقفلش غضاءالقربة لسةمخلصناش
خلصنا لالالالالالالالالالالالال الالالا لسة احنا مسحبناش الهوا كله
هنعمل اية بقى تانى و عاوزك تكون صبور جدااااااااااااااا
هتلاقى فى خرطوم تخين قلى بيبقى رابط ما بين الكوعة قلى فوق ورابط ما بين الرداتير كل دة و العربية دايرة على السلانسية ويفضل تكون مخلى صحابك بيراقب معاك مؤشر الحرارة للحرص
هتعمل اية هتخنق الخرطوم دة بايدك ويفضل تاتنية علشان تحبس المياة ولمدة دقيقة وسيب مرة واحدة وعينك فى القربة هتلاقى فققيع مياه او برقيع مياة فى القربة اخنق تانى و تالت ورابع وشوية وسيب
وطول الخنقة يعنى دقتين وبعدين زود الخنقة 3 دقايق بس مش تخنق لربع ساعة لالالالالالا واخنق و سيب هتقولى طيب هخلص امتا هقولك للحد لما تيجى تخنق وتسيب و متلقيش برقيع خالص او فققيع
هتلاقى بقى اية المياة ناقصة من القربة يبقى احنا كدة شغالين صح لية بقة ناقصة علشان المياة حلة محل الهواء زودها وظبط على الماكس تانى هتقعدلك بتاع خمس ايام مراقبها كل يوم الصبح قبل ما تطلع بيها كدة هتلاقى المياة بتنقص منك بتاع كوبيةمياة كل يوم كدة تقريبا عادى جدااااا متقلقش علشان احنا طردنا الهواء والمياة بتحل محلة سنة سنة يعنى بنسيسها خالص
للحدما تلاقى المياة اتظبط لوحدها وبتنقص حاجات بسيطة جدااااا
وبكل صبر وحرص


فكرة الهواء دى اية او فكرة الخنقة دى اية

انى انا بضغط على طلمبةالمية والمياة بتنضغط فى اماكن تجويف الهوا الموجودة فى البلوك فى وش السليندر اى مكان ما ويحل محالها وبخليها تكبس على الهوا وتطرده برة امتا لما بسيب الخنقة دى الفكرة

هتقولى انا مش متخيلها او انا مش فاهم الكلام قلى انتا بتقوله موضوع الهوا دة و المياة مش عارف
هقولك نعمل مع بعض تجربة عملية هات طبق مياة كبير شوية او حلة مياة بلاش طبق هات حلة كبيرة وهات كوبية ازاز شفافه و اقلبة وخلى كعب الكوبية لفوق و بوق الكوبية لتحت وحطها فى المياه واكبسها و غطسها للاخر وخلى المياة تيبقى مغطيها هتلاقى المياة مش مليةالكوبية كلها من جوة كلها هتلاقى تقريبا ربعها او نصها مفيهوش مياة مع العلم انتا مغطس الكوبية كلها فى المياة طيب الباقى دة ليةمدخلش فيها المياة علشان موجود هواء فى الكوبية وبينضغط فالكوبية مقابل المياة مبتقدرش المياة تحل محالة لانه انضغط و شكل قوة فى مقابل المياة جرب عملى و هتفهم القصة اية

يارب اكون قدرت اوفق فى الشرح و تبسطة يارب

طيب علشان تغير المية كلها اناحشرحلك:

ولازم تكون العملية دى الصبح والعربية باردة

اولا : فك غطاء القرربة ....

ثانيا فك الخرطوم الغليظ اللى فى اسفل الريداتير اللى داخل على طلومبة المية....

خلى الميه تفضى خاااااااااااااالص وبعد كدة اربط الخرطوم بالاكور وحرق علية كويس....

فضى المية فى القربة لحد ما تتملى ....

بعد كدا دور العربية على السلانسية وراقب نقصان المية واستمر فى التزويد الى ان تخرج المية من خرطوم الراجع الرفيع اللى جاى من الكوعة....
زود بنزين بايدك بشد الكسرتير وراقب المياه وبعد كدا نفس الشرح السابق فى اخد الهواء من موتور السيارة....

طبعا الهوا بيدخل للسيارة لو فيى اى تنفيس فى خراطيم الدورة ....

اه بالنسبة للمروحة صح كدا....

المشاركة الأصلية كتبت بواسطة mohammedaladel

ياباشا شكرا قوى

هقولك أولا أنا عربيتى إنجكشن مينفعش أشد الاكسراتير بأيدى بس دى مش مشكلتنا

الرادياتير عندى فيه 4 فتحات منهم بين الرادياتير وبين القربة خرطوم من تحت فى القربة رايح للرادياتير من تحت

خرطوم تانى من فوق فى القربة رايح للرادياتير من فوق دا الجزء الشمال من الرادياتير وأنت واقف قدام العربية

الجزء اليمين من الرادياتير فيه خرطومين قطرهم أكبر رايحين تقريبا للموتور

قصد حضرتك إنى أفك الخرطوم التخين اللى ع اليمين دا من تحت وأسيبه يفضى المياه ؟

وبعدين أزود المياه من القربة وأنا فاكك الخرطوم طيب مش كدا المياه هتنزل ع الأرض ؟؟ ولا لأ ؟

طيب لو دورت العربية هل المياه هتبدأ الحركة على طول ؟ ولا أما تسخن العربية ؟

هل هقدر أسد الخرطوم بسرعة لما ألاقى المياه نازلة ولا ضغط المياه بيبقى عالى ؟؟

هل ممكن دورة التبريد تاخد هواء لو سبت غطاء القربة مفتوح مع تقليب المياه ؟

خد بالك من كلامى فك الخرطوم الغليظ الواصل بين الريدتير وطلومبة المية تعرفه ؟؟؟

طيب فكيته خلاص خلى المية تنزل من الخرطوم ومن الريداتير خلاص نزلت خلاص ها ؟؟؟

كل دا وانتا فاتح غطا القربه مفهوم ؟؟؟؟

بعد متصفى المية تمام اربط الخرطوم تانى بالأفيز وحرق عليه تمام التمام ها خلاص؟؟؟؟

فضى ميه فى القربة لحد ما تتمللى ها خلاص؟؟؟؟؟

دور العربية على السلامسية وافضل زود ميه لحد متخرج من خرطوم الراجع الرفيع اللى جاى من الكوعه ها خلاص؟؟؟

خلى واحد صاحبك يرطب العربية يزود وانتا تزود مية كما فى الشرح طريقة سحب الهواء من الموتور خلصنا تمام....*

يارب اكون عرفت اوصلك الفكرة يارب يارب........

المشاركة الأصلية كتبت بواسطة mohammedaladel

يا باشا ألف ألف شكر تعبتك معايا

بس عايز حضرتك تشوف الموضوع دا الاستاذ فادى فضى المياه من الخرطوم الراجع

http://www.nilemotors.net/nile/309504-a.html

لالالالالالالالا هو مفضاش العربية من خرطوم الراجع (علشان نتكلم صح خرطوم الراجع دا الخرطوم الرفيع اللى راجع من القوعه الى القربة ببساطه اسمة خرطوم الفايظ )هو فك خرطوم التغذيه اللى نازل من القربة ورايح للريداتير ودا بيبقى فى اسفل نقطة فى الريداتير بذالك المية برضو حتنزل عادى بس انا فكرتى انى اشفط المية تمتما علشان تغير من نوعة ميه الى نوع تانى من المية فطريقتى بتخلى الموتور مفيهوش ولا نقطة اما الطريقة اللى فى اللينك حيبقى مية فى خرطوم التغذية من لريداتير الى طلومبة المية شوفها كدا حتلاقيها مستواها اقل من مستوى خرطوم القربة....