صوت تزييق في نيو صني

**heba_hassan** · 08-01-2013 10:14 AM

ازيكوا يا احسن منتدي علي النت

انا عندي مشكله في نيو صني لما ألف الدريكسيون جامد والعربية واقفه بسمع صوت تزييق جامد جدا تقريبا من ورا. بس الصوت والعربية واقفه بس يعني وأنا ماشيه مافيش أي صوت تزييق خالص حتي في المطبات ممكن تقولولي الصوت ده من إيه لأني مدايقني جدا الصوت ده بيبان قوي وأنا بدخل العربيه الجراش وأخرجها لأني بضطر ألف الدريكسيون جامد.

حاجه تانيه انا عاوزه افرش العربيه سألت قالولي احسن حاجه سبير كار الي في رمسيس انتوا إيه رأيكوا ولو سمحت لو هفصل فرش هيكلف كام والاهم ينفع يفصل الفرش في يوم واحد ولا لازم ارحله مره يأخذ مقاس الكراسي ويوم تركيب ؟

انا آسفه علي التطويل

**akmm** · 08-01-2013 01:02 PM

متابع ................ وبالنسبه للفرش فى نفس اليوم .

**Hulk 1** · 08-01-2013 01:08 PM

مبروك العربيه وربنا يديك خيرها ويكفيكي شرها -- احسن واحد بيفرش عربيات جينز كار الي في مدينه نصر--- انا فرشت علربيتي عنده وشغلهم تمام جدا -- هو انتي بتروحي تختاري لون الفرش فيوم وبيتفق معاكي علي يوم للتركيب -- هو عنده المقاسات

**heba_hassan** · 08-01-2013 01:41 PM

المشاركة الأصلية كتبت بواسطة heba_hassan

ازيكوا يا احسن منتدي علي النت

انا عندي مشكله في نيو صني لما ألف الدريكسيون جامد والعربية واقفه بسمع صوت تزييق جامد جدا تقريبا من ورا. بس الصوت والعربية واقفه بس يعني وأنا ماشيه مافيش أي صوت تزييق خالص حتي في المطبات ممكن تقولولي الصوت ده من إيه لأني مدايقني جدا الصوت ده بيبان قوي وأنا بدخل العربيه الجراش وأخرجها لأني بضطر ألف الدريكسيون جامد.

حاجه تانيه انا عاوزه افرش العربيه سألت قالولي احسن حاجه سبير كار الي في رمسيس انتوا إيه رأيكوا ولو سمحت لو هفصل فرش هيكلف كام والاهم ينفع يفصل الفرش في يوم واحد ولا لازم ارحله مره يأخذ مقاس الكراسي ويوم تركيب ؟

انا آسفه علي التطويل

المشاركة الأصلية كتبت بواسطة hulk 1

مبروك العربيه وربنا يديك خيرها ويكفيكي شرها -- احسن واحد بيفرش عربيات جينز كار الي في مدينه نصر--- انا فرشت علربيتي عنده وشغلهم تمام جدا -- هو انتي بتروحي تختاري لون الفرش فيوم وبيتفق معاكي علي يوم للتركيب -- هو عنده المقاسات

طيب ممكن تديني العنوان بالظبط.

وياريت تعرفني الأسعار هناك كام يعني العربيه تكلف كام تقريبا ؟

وميرسي جداً علي اهتمام حضرتك

**dodyam** · 08-01-2013 02:31 PM

حضرتك مش المفروض تلفى الدريكسيون لآخره لوقت طويل حاولى يكون ده فى أضيق الحدود و حسب ما أفتكر أقصى مده 15 ثانية وطبعا ما تلفيش الدريكسيون غير لما تكون العربية دايرة علشان الباور يشتغل

**engamin** · 08-01-2013 02:38 PM

هل عربيتك اوتوماتيك ؟؟؟ لو اوتوماتيك ممكن يكون الصوت ناتج عن انك دايسه فرامل مع لف الدريكسون لان الفرامل بتكون ماسكه الطنابير وانتى بتلف الدريكسون وعلشان تتاكدى الصوت ناتج من الموضوع دا خلي الفتيس على وضع n بس اهم حاجة وانتى على هذا الوضع اتاكدى انك مش واقفه على ارض مايله علشان العربيه ما ترجعش للخلف او تطلع للامام وبعد كده حركى الدريكسون نفس الحركه وشوفى ايه اخبار الصوت ايه لو راح يبقى هو دا السبب لو لسه موجود ارجعى افضل للتوكيل .