الموضوع: استشاره في علاج الدوالي وانفجار الاوعيه

السلام عليكم و رحمة الله و بركاته

ألف سلامة على صحة الوالدة و ان شاء الله يكون خير و يكون فى ميزان حسناتها ان شاء الله

أنا على حسب مافهت منك, أنها عندها دوالى ساقين كثيفة لدرجة أنه, عرق من العروق دى نزف.

اللى أنا أعرفه, أنه الحقن, اللى بيبقى بحقنة كده بتتعمل عن جراح الأوعية الدموية فى العيادة, بيبقى للدوالى الصغيرة و الشعيرات الرفيعة اللى تحت الجلد و غالبا الحقن ده بيبقى لأسباب تجميلية, لكن أما قطر العرق بيزيد أوى لدرجة أنه يكبر و يبقى باين من تحت الجلد, أنا اللى أعرفه, انه لا ينفع معاه الحقن.

أحسن حاجة, أنه, تروحوا لحد جراح أوعية دموية كويس و شاطر, يطلبلها أشعة دوبلكس على الأوردة العميقة و السطحية بتاع الرجلين و من الأشعة هيبان كوووووووووووول حاجة, لكن الربط برباط ضاغط و الحقن و الكلام ده كله, علاج تحفظى مؤقت مش هينفع تفضل عليه عالطول.

أهم حاجة, أنه لما تروح لجراح الأوعية الدموية ده, تقوله على أى تاريخ مرضى, لو بتاخد علاج لحاجة و لا بتتعالج من حاجة و لا أى شئ.

بالشفا ان شاء الله و ربنا يطمنك عليها.