ال streaming زى الداونلود ....
عرض للطباعة
ال streaming زى الداونلود ....
أفلام ايه ده انت عشمان قوي. انا لو اتفرجت كل يوم على فيديوهين تلاته بتوع 10 دقايق بالكتير لكل واحد بعدي الليمت في الاسبوع التالت وانقل على الخط التاني باقي الشهر. الميزه الكبيره للنت ده لو انت بتخرج بره البيت بلابتوب او لو مش طايل خط أرضي زي حالاتي.
كان فيه في الكويت قبل ما أرجع بكام شهر شركه اسمها "مدى" عامله راوتر قمر صناعى مش بيتوصل على خط تليفون أرضي ولا موبايل تحط فيشه الكهربا في أي حته وتشتغل على سرعه 10 ميجا انليميتد بدون استخدام عادل وكان الاشتراك 400 جنيه في الشهر ويادوب اشتركت معاهم 3 شهور قبل ما أنزل وكنت بعمل دونلود على 900-1200 كيلو في الثانيه وبعدين جيت للشح اللي هنا.
هاتها فودا او اتصالات واعمل الباقه الي هي 100 او 125 جنيه ف الشهر
وحاول بردو مش تفتح اوي ف الاستخدام وكده كده بتفضل شغاله بس طبعا السرعه بتنزل ل64
فودافون بتدي 6 و 2 جيجا
اتصالات الي ب 125 ف الشهر بتدي تقريبا 12 جيجا يعني بتهيألي كويسين بالنسبه لناس كتير
لكن في ناس كل يوم بتحمل بال2 جيجا افلام او لعب حجمها كبير دول بقى ربنا يسهل لللهمممم مش ينفع فلاشه
ع فكره انا كل يوم بستخدم يوتيوب ساعه ونص او ساعتين والفلاشه تمام لاخر الشهر
انا مضطر اني استعمله
بس علشان النت
لو ماكانش الانترنت
كنته رميته من زماااااااااااااااااااان
مهم طبعا عشان توفر دقايق المكالمات على الارضى لان سعر موبيل الدقيقة مازال غالى
وظيفته الوحيده adsl
ومحدش في البيت بيستخدمه غير الحجه والدتي
بس سمعت ان المصريه للإتصالات هتعمل شبكه محمول ... ممكن ساعتها لو عملوا النت + الأرضي + المحمول في باقه موحده بأسعار مخفضه نبقي نفكر فيه من تاني
والله انا شيفو مفيد بس عشان مفهوش الاضرار الناتجة عن الموبايل وتأثيرها السلبى على حياتنا
نعم يستخدم التليفون الارضى و هاستمر استخدمه انا و كل الى اعرفهم عارفين ليه - اولا مخاطر الموبيل كتير و لما يكون فيه امكانيه استخدمه ياستخدمه على طول بدون تردد ( الارضى ) - ثانيا النت على الusb مشاكله كتير و دايما بيقطع على الارضى لأ- ثالثا انا شايف انه ارخص و أأمن فى كل الحالات - على فكرة كل الدول الى فيها شبكات محمول قبلنا و بالتلاتين شبكه محمول لم تستعنى عن شبكاتها الارضيه ولا العملاء (الاشخاص العاديين استغنوا عنه برده لأنه التليفون الثابت و دى ليها معانى مفهومه و ممكن ترجع تانى ايام التليفون الارضى ممكن يكون بالحجز
انا لسا بستخدم التليفون الارضى لانه بالنسبه للبنات اداة مهمه للنميمه والرغى ومكالمات الزهق
والارقام المختصرة لمطاعم الدليفرى واهم رقم عندى بياخد نص تكلفة الفاتورة هو 19777 خدمة العملاء بتاع تى داتا (جميع مندوبين مشغولين الان امامك فترة انتظار لا تقل عن 18 دقيقة واستمتع بالسوفت ميوزك لحد ما يعبروك)
وبدفع فاتورة محترمة بتاع 180 جنيه كل 3 شهور
بفرح جدا لما التليفون يبوظ بس بشرط النت يكون شغال
اما انك تدفع الاتاواه 36 جنيه اشتراك دون استخدام عادى يعنى مانت بتدفع ال3 جنيه بتاعه الزبالة على فاتورة الكهرباء برضو دون الاستفاده عادى
انا اعرف انهم 5 جنيه مش 3 جنيه
والله اعلم ..