الموضوع: .:::سيارات Gwm و Byd تمنع من دخول اوروبا و امريكا نهائيا :::.

المشاركة الأصلية كتبت بواسطة CryptonX

حضرتك مش فاهم كلامي او قصدي .

صحفي جرب السيارة فين ؟؟

جربها في الصين ؟

الانجليزي على الاقل جربها في بلد في انجلترا .

و المستورد كان موجود فعلا و عمل شبكة توزيع من 150 فرع ولكن اختبارات الامان و عدم خبرة المستورد عملت " زعزعة " له في السوق وبالتالي اعلن افلاسه و اتلغت الفكرة .

افرا الاختبار الانجليزي و حتجد انه كان بيتم في انجلترا .. و استحالة ان يسيبوا سيارة تمشي في الشوارع حتى لو من بي ام دابليو لو متوافقش عليها ده اولا .

ثانيا, مين قال لحضرتك ان لازم السيارة تعدي على Euroncap ??

ده لزيادة الامان مش اكتر !!! انما مش متطلب و لم متمش بتمضي الشركة على حاجة زي تعهد ..

الدليل ؟؟

بروتون لم تختبر غير الواجا , الجين 2 و السافي و الساتريا مختبروش نهائي ! و مع ذلك بيتباعوا في انجلترا !

و ممكن تشوف بنفسك :

Euro NCAP - For safer cars | HOME

--

اما في ايطاليا ,

شيري عملت اتفافية مع شركة محلية ايطالية و بتقوم الشركة بتجميع سيارة شيري " التيجو " تحت اسم Dr5 في ايطاليا و دي مطروحة للبيع و بتتاع عادي جدا ولا اختبار امان ولا اي حاجة .

و ممكن تشوف بنفسك برده !

DRMOTOR DR5



--------

نرجع لبريلانس . مستورد بريلانس في اوروبا اهه :

http://www.brilliance-motors.eu/inde...278&Itemid=162

و ياريت حضرتك تضغط على FIND A DEALER للبحث عن وكيل او موزع في اوروبا حتلافي اللستة التالية :

http://www.brilliance-motors.eu/inde...313&Itemid=205

و تضمن بلاد اوروبية كتيييييييير المانيا منها .
ممكن بقى حضرتك تتصل بالنمرة و تتاكد ..

علشان كدة احنا بنقاوح بعض على الفاضي .

قبل أي حاجة عايز اقول إن معلومتك صح في نقطتين... وده احقاقا للحق وللأمانة ...
1- المعلومة اللي عندي إن ال euroncap أساسي طلعت غلط
2- إن فعلا العربية بتتعمل في ايطاليا باسم تاني... بس يا ترى عاملة مبيعات اد ايه ؟

أما بقي الكلام
1-اوقات كتير الشركة لما بتبقى عايزة تعمل دعاية في سوق جديد ... بتتدعوا بعد الصحفيين إنهم يجربوا العربية ... زي ماشركة FAW كانت عاملة في الاستاد من اسبوعين فاتوا
2- وحتى الصحفي ده مدي الجالينا 1\5 والسبلندور 2\5 وده معناه اقل من متوسط
3- إن ال euroncap مش mandatory .. ده مش حيلغي الحقيقة إن العربية جايبة 1
يعني الهيونداي i10 الصغيرة دي أأمن منها دي 1 ودي 4
4-أما الموقع اللي حضرتك بعته وقلت locate a dealer فـلو حضرتك رحت على مواقع الشركة اللي مكتوبة مش حتلاقي عنها لا حس ولا خبر ... وممكن تجرب .... أنا جربت اسبانيا , فرنسا , سويسرا ...... وعلى فكرة انجلترا مش موجودة ....
5- كويس إنك تقول إن نتايجها في اختبارات الأمان خلت التوكيل هناك يفلس ...... ده على فكرة السبب الحقيقي مش قلت خبرة الوكيل ,والدليل إن ماحدش حاول يدخلها تاني ... يعني مثلا لو ابوالفتوح قرار يسيب اسبرانزا ... 100 وكيل حيجروا على العربية

6- وبعيدا عن كده , وكل اللي اتقال .... حضرتك عايز تقول ايه ...روحوا ... اشتروا عربيات صيني ...علشان ايه ... ايه اللي في الجالينا يخليها ب 140 ألف .... يعني هي أحسن من ال megane , أحسن من الكورولا..... أحسن من السيفك......
حضرتك شفت التابلوه ..... شفت الخامات اللي جوه .... أنا دخلت العربية مستحملتش أقعد فيها أكتر من دقيقة.....

المشاركة الأصلية كتبت بواسطة cryptonx

لا يبقى انت كدة فاهمني فعلا غلط :)

احنا متقفين في كل حاجة تقريبا ماعدا دي ..

انا مش " بدافع " عن السيارات الصينية ... نهائي .. دنا الي عامل الموضوع انهم اتمنعوا :)

انا ضد السيارات الاي كلام ... او المقلدة بالذات زي مواضيعي عن byd و greatwall حتلاقيها تريقة على الشركات دي .. صينية كانت او غيرها .

انا بس حبيت اقول انهم وصلوا لبعض دول اوروبا فعلا و خصوصا الشرقية .. ولكن هل ده معناه انهم كويسين ؟؟؟ طبعا لأ و الف لأ .

وزي منتا قلت واخدة تجمة من خمسة و دي حاجة اي كلام .. و دليل انهم لسة شوية عليهم خصوصا تعليق الصحفي " very much like a car " يعني حاجة شبيهة بالسيارة :) بس لسة مش سيارة :)

انا مجنون علشان ادفع 150 الف جنيه في سيارة زي الجالينا و فيه سيارة زي الfluence ارخص ! و انضف 10000 مرة و تقريبا في نفس الحجم ؟

بلاش الجالينا .. مالها السوناتا ؟

انما لما نرجع لسيارات في حدود ال 40-50 الف جنيه .. ممكن .. مش شرط .. ولكن ممكن نتكلم و نقارن ساعتها بس مش اكتر .

مش تقول كده يا راجل .... بس النقطة إن اوروبا الشرقية دي عاملة زينا بالضبط .... مش فارقة كتير ....