استحداث نظام جديد لتراخيص سيارات نيسان وكل السيارات المجمعة فى مصر

**amged_en** · 09-01-2013 05:34 PM

فعلا هو ده اللي حاصل,, انا استلمت ومشيت 8 ايام من غير ورق لحد مرخصت النهاردة وولله الحمد

**hamadakotb** · 09-01-2013 05:41 PM

طيب و حضرتك كنت بتتحرك بالعربية عادى بدون مشاكل و لا ايه الحكايه؟

**amged_en** · 09-01-2013 11:15 PM

المشاركة الأصلية كتبت بواسطة hamadakotb

طيب و حضرتك كنت بتتحرك بالعربية عادى بدون مشاكل و لا ايه الحكايه؟

يعني تحركات محدودة جوة البلد وكان معايا محضر استلام من المعرض, وربنا سترها معانا , اصل ماهانش عليا اسيبهالهم في المعرض

**Ahmed.TV** · 10-01-2013 04:17 PM

فى البداية تحياتى لصاحب المشكلة .. على طرح المشكلة .. باسلوب محترم

واحب اطمن الاعضاء واطمن صاحب المشكلة

اولا .. اطمن .. مش سبب تاخير الورق ان في مشكلة قانونية او حاجة غلط .. ومفيش نصب عليك ولا حاجة .. وزى ما وضح اخى كريم منير الاسباب الرئيسية

ثانيا .. تم الاتصال باوتو ايجيبت عشان يستعجلوا الورق والموضوع بتاع حضرتك

ثالثا .. دايما بنقول وبنوضح للناس فى قسم نيسان ان خدمة العملاء فى رقم 16244 لنيسان .. دايما معندهمش المعلومات الكافية لان ده كول سنتر لراية .. مش ناس شغالة فى نيسان ايجيبت .. فالمعلومات اللى عندهم محدودة .. وبياخد اى استفسار وبيبغلوه لمركز الخدمة او الموزع المعتمد اللى مشكلتك معاه .. فده توضيح وليس دفاع عن احد ..

رابعا .. تم الاتصال ايضا بمصنع نيسان مصر للاطمئنان على تفاصيل المشكلة .. لانها من الارقام اللى حضرتك كتبتها واضح ان فى 64 عربية يعنى مش حتكون معاك انت بس .. وطالما عامة يبقا لازم نستفسر

وعرفت الاتى ...

مبين من الارقام اللى حضرتك كتبتها ان دى الصنى الشكل الجديد .. وده توضيح عشان بس الناس تكون عارفة

لما سالت المسئولين فى مصنع نيسان مصر .. نفس الاسباب اللى ذكرها كريم منير بالاضافة الى ان المصنع بيبعت الورق لكذا جهة حكومية .. وورارد ان الورق يتاخر بسبب اى ظرف فى المصالح الحكومية .. بسبب اجراءات روتينة ومن اجل الاسباب اللى ذكرناها من قبل وزارة الصناعة .. فمش من نيسان مصر

ولكن الادارة فى نيسان مصر حتابع الموضوع باذن الله

وكويس ان حضرتك كتبت ارقام الشاسيهات

وفى الاخر هى مسالة وقت .. وحتتحل ان شاء الله

احيانا فى ناس بتروح ترخص العربيات المستوردة .. ومعاها صورة من الافراج الجمركى .. ولما تروح المرور عشان يتاطبق الصورة مع الاصل .. بيكون لسه مش وصل للمرور اصل الافراج الجمركى .. وده بيحصل بس نادرا .. ويتضطر يتاخر اسبوع مثلا

فهى زى ما قولت لحضرتك مسالة وقت بسيط وكل الامور حتتحل

انا رديت وتابعت الموضوع عشان حضرتك تطمن

والموضوع اتبلغ بيه الموزع المعتمد اللى سلمك العربية ..وهما بدورهم مش بيتاخروا .. والمصنع نفسه بلغته بنفسى كمان .. عشان يهتم بالموضوع

فاطمن مفيش اى نية لنصب عليك .. لان زى ما قولتلك ده مش مشكلة فردية .. دول حوالى 64 عربية .. غير ان شركة نيسان مصر من الشركات المحترمة واللى بتهتم بالعميل وبسمعتها

وتاكد لو نية سيئة .. احنا اول ناس حنقف جنبك .. ونصعد الامر

فان شاء الله خير دايما

شكر الى نيسان مصر ومسئوليها للتوضيح
وتواصلها مع عملائها ومع عملاء نايل موتورز

تحياتى للجميع

**محمد بدر** · 10-01-2013 07:21 PM

المشاركة الأصلية كتبت بواسطة Karim_Monir

السلام عليكم ورحمه الله

وكلمة في اذن العضو
توكيل نيسان ما اقربه للاعضاء في المنتدي
كان يمكنك فتح موضوع والاستفسار بدل من اختيار اسم موضوع يحمل لفظ تشهير
وان شاء الله ترخص سيارتك وتستمتع بها قريبا جدا

خالص تحياتي
كريم منير
رئيس مجلس الادارة

طيب كلنا سمعنا ومتغاظين جدا جدا

المنتدى بتعنا كلنا ولاكن سيارات نيسان مش بتعتنا كلنا بس جزء مننا وقسمها فيه بيتلم شملنا
طيب نيسان مش مكبرة وبتهتم وبتتواصل مع أعضاء المنتدى صغير وكبير والتوكيلات التانية ودن من طين وودن من عجين ولاحياة لمن تنادى حتى على صفحتهم الشخصية (التواصل الأجتماعىfacebook) تسأل سؤال كأنك فى وادى وهما فى وادى تانى
أ / كريم نفسنا حضرتك تقوم بمبادرة للتواصل مع كل التوكيلات يمكن يحسوا أو يفهموا الفائدة التى سوف تعود عليهم فى حالة التعامل مع منتدى بهذا الحجم بهذا الثقل وبالطبع الأستفادة الكبيرة هتكون للعضو أو تضع خطة عمل بمعاونة السادة الأفاضل مساعديك ويتم مراسلة التوكيلات يعنى أكيد حضرتك عندك تصور
وبعدين بكده هنفوت الفرصة على ناس كثير يعنى محدش يقول ان فيه تحيز
انا شفت مداخلة لحضرتك فى قسم كيا بخصوص الأضائة الزينون وبتساعد الناس قد إيه وبتقدم خدمات كبيرة ومجانية والموضوع بتاريخ جديد وموجود ربنا يجعل كل هذه الخدمات فى ميزان حساناتك انت وكل القائمين على خدمة الأعضاء فى هذا الصرح العظيم

المشاركة الأصلية كتبت بواسطة Ahmed.TV

فى البداية تحياتى لصاحب المشكلة .. على طرح المشكلة .. باسلوب محترم

.. فده توضيح وليس دفاع عن احد ..

شكر الى نيسان مصر ومسئوليها للتوضيح
وتواصلها مع عملائها ومع عملاء نايل موتورز

تحياتى للجميع

وليه ميكنش دفاع
التوكيل بغض النظر عن هو مين بس فى ساعات قليلة يتواصل مع عملائه ويرد على استفسارتهم والله المشكلة دية لوكانت ظهرت فى توكيل تانى قبل هذا التوكيل كانت العربية ورقها خلص واترخصت ومحدش فهم أى حاجة مش كده ولا إيه
إذا لازم نحترم ونقدر التوكيل الذى يتواصل مع عملائه

**Karim_Monir** · 11-01-2013 12:08 AM

والله استاذ محمد التوكيلات اللي بتبعد وفاكرة نفسها لما يدفنو راسهم في الطين هما كدة بعيد عن المشكلة
4 تويكلات اسيوية وتوكيل اروبي كان ليهم تواجد على صفحات المنتدي
قللو تواجدهم لغاية ماقفلوة نهائي مع نفسهم
وطبعا كمية مشاكل بتيجي من ورهم مش طبيعية وهما فاكرين كدة صح
لكن شوف حجم مبيعات نيسان قد ايه عشان بتهتم بالعميل وخدمة ما بعد البيع
وده بيدي ثقة تامة للعميل هايلاقي حد يرجعلة لو حصله مشكلة
وبيخلية يفضل عربيات نيسان عن غيرها وقت الشراء

**Ahmed.TV** · 12-01-2013 12:28 AM

المشاركة الأصلية كتبت بواسطة dya2008

تحياتي للرد يا باشا يس شوية تصحيح معلومات لك
1- الصني الخاصة بي برقم الشاسية دا شكل قديم مش جديد
2- المشكله دي لكل انتاج نيسان مصر و ليس خاصة بموديل الشكل الجديد زي ما بتقول و المعلومه دي من المرور
3- 64 عربية اللي بتقول عليهم دا من اسبوع حضرتك و العدد في زيادة بشهادة ناس من داخل الشركة
4- اوتو ايجبت نفسهم بيقولوا مش عارفين ايه المشكله اللي عند نيسان
5- راية و لا اكسيد و لا اي شركه كول سنتر بتنفذ تعليمات العميل يعني بيتكلموا باسم العميل و احنا مش مسئولين عن غلطهم او غلط نيسان
6- انا بعت ايميل لنسيان دبي و الامر في تصعيد و لازم يجتمع كل من اشتري سيارة نيسان بدون ورق عشان العدد في زيادة و لازم ناخذ موقف موحد

اولا فعلا هى الصنى الشكل القديم .. بس غلطة كتابة .. وكنت مفروض بنبه انها الشكل القديم عشان ميحصلش خلط والناس تفكر انها الصنى الشكل الجديد

لان الارقام الكلام واضح بالنسبة لنا .. او للناس اللى فاهمة فى ارقام الشاسهات .. 48 الف وكسور ده انتاج الصنى القديم .. لانهم فى الشكل الجديد لسه مكسورش ال7000

واسف للكتابة الخطا

وكلامى اللى كتبته لو حضرتك راجعته كويس .. حتلاقينى بطمنك فيه ان محصلش نصب عليك لانها مش حالة فردية .. وعمر ما شركة كبيرة وليها سمعتها .. حتنصب على عملائها عشان كدا حتفقد مصداقيتها .. وعمرنا ما اتعودنا كملاك نيسان على الاسلوب ده من نيسان ابدا

فكلامى كان توضيح للامور .. وكمان بعد ما اتصلت بنفسى بمسئولين كبار فى نيسان وشرحتهلم الامر وارسلتهم لينك الموضوع وجارى حل المشكلة

وكان كلامى عشان افهم حضرتك مش اكتر .. وفهمتك ان احيانا لما العميل بيكلم الكول سنتر بياخد معلومات خطا او مش بيكون عندهم كل المعلومات .. وده طبعا خطا من الكول سنتر لانه لازم يكون ملم بالمعلومات الكافية

وحتى فى كلامى اللى قولته فى النهاية .. ذكرت ان ده للتوضيح مش دفاع عن حد .. وللتوضيح مش اكتر

واخيرا

واضح ان حضرتك واخد كلامى انى بهاجمك .. وفهمت تفسيرى وتدخلى فى الموضوع خطا

زى ما قولت لحضرتك انى كلمت المصنع عشان افهم منه .. والاستاذ كريم منير بردوا كلم ناس فى اوتو ايجيبت عشان نفهم اللامر .. غير اننا فعلا سعينا وبنسعى لحضرتك وللناس اللى ارقام شاستها فيها مشكلة مع انهم مش معانا فى الموقع من الاساس .. عشان نوصل الامر لنيسان مصر ويهتموا بتسريع الامور ويتابعوا الجهات الحكومية اللى راحلها الورق من طرفهم

وعلى العموم انا اسف لتدخلى .. واسف ان كنت ازعجتك بكلامى

وفى موضوع ممكن يساعد حضرتك موجود فى قسم نيسان فيه ايمالات مش لنيسان الشرق الاوسط بس .. ده فى ايمالات لنيسان فى اليابان نفسها

وربنا يوفقك .. وان شاء الامور تتحل فى اقرب فرصة على خير

ومرة تانية اسف لتدخلى

وتحت امرك فى اى خدمة

تحياتى ليك