سعر النيو صني هيزيد -والله أعلم-

أنا كلمت حد دلوقتي في أوتو إيجبت مدينة نصر .. وقالي العربية سعرها هيزيد فعلاً (بعد الاجتماع إللي حصل في نيسان) .. والزيادةالمتوقعة 2000 جنيه!!! لكن لسة التأكيد هيجي بكرة بالإيميلات!!

أنا قلتله بصراخة ده تهريج .. يعني أنا حاجز والمفروض أستلم على السعر القديم .. تقوم إنتوا مأخريني عشان أستلم بالسعر الجديد!

قالي هحاول معاهم إني أسلم كل المتأخرين بالسعر القديم!

أنا لو ده محصلش .. هسحب فلوس الحجز .. بصراحة حاجة في منتهى عدم الحرفية من شركة نيسان!

والمفروض كلنا لو مسلموناش بالسعر القديم للناس إللي كانت حاجزة وأخروهم نفهم نيسان إن ده مش هيخلينا نشتري العربية ولازم كلنا نتحد ونسحب الحجوزات عشان نيسان تحس أد إيه هي غلطت في حق عملائها وتعاملت معاهم بعدم حرفية مطلقاً!

مش كفاية ساكتين وسايبنلهم العربية تتباع في السوق السودا!!! وعاصرين على نفسنا لمونة ومستنين الحجز!!

حاجة والله تحرق الدم .. وهوافيكم بأخر الأخبار لما مندوب أوتوإيجيب يكلمني بكرة زي موعدني! ويقولي أخر الأخبار المؤكدة!

اتفق مع حضرتك و انا ان شاء الله هاعمل كده هاسحب المقدم لو زودوا جنيه و احد ، انا موعدى معاهم فى السبع بكرة و انا قولت لهم كده و هما قالوا نفس الكلام هنحاول نشوف طريقة لتسليم الحجز القديم بالسعر القديم.

هى فعلا حاجه تنرفز ربنا يصبركم المفروض فعلا يسلموا الناس اللى على وشك الاستلام بالسعر القديم ده على اقل تقدير

سبحانك اللهم وبحمدك ، أشهد أن لا إله إلا أنت أستغفرك وأتوب إليك
مش عارف افتكرت ان نيسان مش هتزود بصراحة ..!

يعني انا مستني من ١٩ اكتوبر و المعارض كل يوم بتاخدها بسعرها العادي ومنغير انتظار وانا ادفع زياده في الاخر ؟

أديني مستني .. والمفروض بجد كلنا نعمل كدة مع نيسان لو زودوا جنيه واحد .. لأن بصراحة ده مش أسلوب تعامل بيه عملائها نهائيا

http://www.nilemotors.net/Nile/328983-a.html

أ.عبدالمنعم اوفقك الراى و هاعمل كده ن هاسحب الفلوس اذا زودا على اللى حاجزين من قبل كده ، اصلا مش عارفين هنعرف نرخص و لا هنستنى فترة علشان تأخير الكتاب الدورى لنيسان.

اقتباس:

---

المشاركة الأصلية كتبت بواسطة hamadakotb

أ.عبدالمنعم اوفقك الراى و هاعمل كده ن هاسحب الفلوس اذا زودا على اللى حاجزين من قبل كده ، اصلا مش عارفين هنعرف نرخص و لا هنستنى فترة علشان تأخير الكتاب الدورى لنيسان.

---

أيوة لازم كلنا نبقى إيد واحدة ضد الاستهبال بصراحة!

بس إيه الكتاب الدوري ده كمان؟!!!!

بصراحة يا جماعه دة شئ مؤسف ان شركة نيسان تتعامل بلاسلوب دة انا كلمت امبارح الاستاذ احمد مصطفى فى اوتو ايجيبت مدينة نصر وقالى نفس الكلام السوبر صالون من 112000 ج الى 114000 ج وال ex صالون من 102000 ج الى 104000 ج وانا حاجز من يوم 9/11 والمفروض انهم هسيلموا عربيات كتير اليومين الجايين وانا هروح النهاردة باليل علشان اشوف المصيبة دية واطلب من كل اعضاء نيسان الحاجزين للسيارة انهم يكونوا موجودين معايا علشان نشوف القصة بتعتهم

اقتباس:

---

المشاركة الأصلية كتبت بواسطة hanyfarag

بصراحة يا جماعه دة شئ مؤسف ان شركة نيسان تتعامل بلاسلوب دة انا كلمت امبارح الاستاذ احمد مصطفى فى اوتو ايجيبت مدينة نصر وقالى نفس الكلام السوبر صالون من 112000 ج الى 114000 ج وال ex صالون من 102000 ج الى 104000 ج وانا حاجز من يوم 9/11 والمفروض انهم هسيلموا عربيات كتير اليومين الجايين وانا هروح النهاردة باليل علشان اشوف المصيبة دية واطلب من كل اعضاء نيسان الحاجزين للسيارة انهم يكونوا موجودين معايا علشان نشوف القصة بتعتهم

---

إحنا لازم منسكتش على التهريج إللي بيحصل ده .. أنا المفروض مهندس أحمد حسن من أوتوإيجيبت مدينة نصر يكلمني دلوقتي (على حسب كلامه) ويقولي من الأخر هيسلمني بإيه؟ السعر القديم ولا الجديد

علشان لو قالي الجديد أنا هسحب الحجز فوراً بإذن الله!

دة كان لازم يحصل لما غبور يزود 10000 على كل عربية مستنيين اية من نيسان احمدوا ربنا انها جت على 2000

انت حاجز فين ؟

يعني يا أ. إكرامي المفروض نسكت للتهريج ده! أكيد لأ!

اكيد لا بس دة سياسة وكلاء الموضوع مش موضوع نيسان بس نيسان وسط الوكلاء التنين اقل جشع rb غليت 10000

أنا حاجز أوتو إيجيبت مدينة نصر!

كلهم في نظري جشعين! مفيش فيهم حد بريء ولازم يتم التصدي للموضوع ده .. بس لو ملناش صوت هيفضلوا يضحكوا علينا بدل إحنا عايزين نمشي أمورنا وخلاص!!!!

اقتباس:

---

المشاركة الأصلية كتبت بواسطة ekrami

دة كان لازم يحصل لما غبور يزود 10000 على كل عربية مستنيين اية من نيسان احمدوا ربنا انها جت على 2000

---

مع احترامى لحضرتك يا استاذ اكرامى بس كان المفروض لو فى زيادة يبقى على الناس اللى هتحجز جديد مش على ناس مستنيا من شهرين و 3 شهور :rfds:

اقتباس:

---

المشاركة الأصلية كتبت بواسطة hanyfarag

مع احترامى لحضرتك يا استاذ اكرامى بس كان المفروض لو فى زيادة يبقى على الناس اللى هتحجز جديد مش على ناس مستنيا من شهرين و 3 شهور :rfds:

---

كلامك صح لان منصورررررررر يعنى اسؤا وكيل بمصر بيعمل كدا انا كنت حاجز فى 2008 افيوا و غليت 2000 بس سلم الناس الى حاجزة قبلها بشهر بالسعر القديم بس مشكلة نيسان انها ملهاش و كيل و السعر بيفضل فى ايد المصنع و الموزع بيبيع بسعر اليوم ملوش داعوة هتستلم امتى

بصراحة مشكلة نيسان تحلها مع نفسها ..
إحنا المفروض نتعامل زي البني أدمين إللي بيفهموا ..
أنا حاجز .. في وقت والمفروض أستلم فيه
راحوا أخروني ..
قوم إيه بقا؟ بيكافئوني وبيعتذرولي إنهم أخروني ... إنهم بيزودوا السعر كمان عليا!!!

يا حلااااااااااوة

اكيد حاجة تحرق الدم بس لو اعترضت لازم تعرف انك للاسف هتلاقى 100000 واحد يقبل السعر حتى لو حاجز من 3 شهور

أيوة أنا عارف وده بقا إللي هيحرق دمي أكتر من نيسان!!!!!!!

بعد الاتصال بنيسان مصر اقروا بالزيادة بقيمه 1900 جنيه لكل من صنى EX OR Supper وانا عن نفسى مش هادفع زيادة لانه من غير المقبول تطبيق ذلك باثر رجعى على اللى حجز من شهر 11 او شهر 10.

اقتباس:

---

المشاركة الأصلية كتبت بواسطة hamadakotb

بعد الاتصال بنيسان مصر اقروا بالزيادة بقيمه 1900 جنيه لكل من صنى ex or supper وانا عن نفسى مش هادفع زيادة لانه من غير المقبول تطبيق ذلك باثر رجعى على اللى حجز من شهر 11 او شهر 10.

---

لازم كلنا نوصلهم الموضوع ده... ولازم كل إللي حاجزين يكلموا الموزعين ويقولولهم الكلام ده .. مفيش أثر رجعي!!!! مش كفاية هنغير الكاوتش السيء كمان على حسابنا!!!!!

اقتباس:

---

المشاركة الأصلية كتبت بواسطة hamadakotb

بعد الاتصال بنيسان مصر اقروا بالزيادة بقيمه 1900 جنيه لكل من صنى ex or supper وانا عن نفسى مش هادفع زيادة لانه من غير المقبول تطبيق ذلك باثر رجعى على اللى حجز من شهر 11 او شهر 10.

---

اقتباس:

---

المشاركة الأصلية كتبت بواسطة abdulmoniem

لازم كلنا نوصلهم الموضوع ده... ولازم كل إللي حاجزين يكلموا الموزعين ويقولولهم الكلام ده .. مفيش أثر رجعي!!!! مش كفاية هنغير الكاوتش السيء كمان على حسابنا!!!!!

---

أنا هروح النهارد لأوتو ايجيبت واتكلم معاهم وارد عليكم

لازم الكل يتصل بشركة نيسان 16244 و يعمل شكوى

بشمهندس أحمد حسن من شركة أوتو إيجيبت ..

كلمني دلوقتي وقالي إنه هيلاقيلي عربية في خلال 5 أيام .. بالسعر القديم

وقالي إنه هيطبق كل الكلام ده على العملاء إللي متأخرين في الحجز

أما الناس مثلاً إللي حجزت ولسة فترة السماح مخلصتش هيستلموا بالسعر الجديد

طبعا ده تهريج إن الناس الي حاجزة ومستنية من شهرين وثلاثة يستلموا بالسعر الجديد
أنا رأي نتفق على يوم وساعة واحدة نتصل فيها كلنا علي نيسان ونسجل شكوتنا.
ونحاول نضغط عليهم إنهم يسلمونا بالسعر القديم .


ومعلش بقة يا جماعة مافيش حاجة إسمها نلغي الحجز ... إحنا قعدنا منتظرين شهرين وثلاثة ... نيجي بعد كده نلغي الحجز !!!! :breakpc2:


إحنا بنعاقب نفسنا ولا إيه ؟؟؟ :unhappy:


إحنا إن شاء الله نستلم في معادنا وإن شاء الله بالسعر القديم .... ولو كانت نيسان بتحترم عملائها تلتزم بما وعدت به.

أقترح أن يكون موعد الإتصال بنيسان الأحد القادم ؟؟؟