سعر النيو صني هيزيد -والله أعلم-

**abdulmoniem** · 08-01-2013 10:20 PM

أنا كلمت حد دلوقتي في أوتو إيجبت مدينة نصر .. وقالي العربية سعرها هيزيد فعلاً (بعد الاجتماع إللي حصل في نيسان) .. والزيادةالمتوقعة 2000 جنيه!!! لكن لسة التأكيد هيجي بكرة بالإيميلات!!

أنا قلتله بصراخة ده تهريج .. يعني أنا حاجز والمفروض أستلم على السعر القديم .. تقوم إنتوا مأخريني عشان أستلم بالسعر الجديد!

قالي هحاول معاهم إني أسلم كل المتأخرين بالسعر القديم!

أنا لو ده محصلش .. هسحب فلوس الحجز .. بصراحة حاجة في منتهى عدم الحرفية من شركة نيسان!

والمفروض كلنا لو مسلموناش بالسعر القديم للناس إللي كانت حاجزة وأخروهم نفهم نيسان إن ده مش هيخلينا نشتري العربية ولازم كلنا نتحد ونسحب الحجوزات عشان نيسان تحس أد إيه هي غلطت في حق عملائها وتعاملت معاهم بعدم حرفية مطلقاً!

مش كفاية ساكتين وسايبنلهم العربية تتباع في السوق السودا!!! وعاصرين على نفسنا لمونة ومستنين الحجز!!

حاجة والله تحرق الدم .. وهوافيكم بأخر الأخبار لما مندوب أوتوإيجيب يكلمني بكرة زي موعدني! ويقولي أخر الأخبار المؤكدة!

**hamadakotb** · 08-01-2013 10:40 PM

اتفق مع حضرتك و انا ان شاء الله هاعمل كده هاسحب المقدم لو زودوا جنيه و احد ، انا موعدى معاهم فى السبع بكرة و انا قولت لهم كده و هما قالوا نفس الكلام هنحاول نشوف طريقة لتسليم الحجز القديم بالسعر القديم.

**kliken** · 08-01-2013 10:47 PM

هى فعلا حاجه تنرفز ربنا يصبركم المفروض فعلا يسلموا الناس اللى على وشك الاستلام بالسعر القديم ده على اقل تقدير

**S O P H O S** · 08-01-2013 10:57 PM

سبحانك اللهم وبحمدك ، أشهد أن لا إله إلا أنت أستغفرك وأتوب إليك
مش عارف افتكرت ان نيسان مش هتزود بصراحة ..!

**youssef_u** · 08-01-2013 11:00 PM

يعني انا مستني من ١٩ اكتوبر و المعارض كل يوم بتاخدها بسعرها العادي ومنغير انتظار وانا ادفع زياده في الاخر ؟

**abdulmoniem** · 09-01-2013 09:30 AM

أديني مستني .. والمفروض بجد كلنا نعمل كدة مع نيسان لو زودوا جنيه واحد .. لأن بصراحة ده مش أسلوب تعامل بيه عملائها نهائيا

**abdulmoniem** · 09-01-2013 09:43 AM

http://www.nilemotors.net/Nile/328983-a.html

**hamadakotb** · 09-01-2013 09:43 AM

أ.عبدالمنعم اوفقك الراى و هاعمل كده ن هاسحب الفلوس اذا زودا على اللى حاجزين من قبل كده ، اصلا مش عارفين هنعرف نرخص و لا هنستنى فترة علشان تأخير الكتاب الدورى لنيسان.

**abdulmoniem** · 09-01-2013 09:45 AM

المشاركة الأصلية كتبت بواسطة hamadakotb

أ.عبدالمنعم اوفقك الراى و هاعمل كده ن هاسحب الفلوس اذا زودا على اللى حاجزين من قبل كده ، اصلا مش عارفين هنعرف نرخص و لا هنستنى فترة علشان تأخير الكتاب الدورى لنيسان.

أيوة لازم كلنا نبقى إيد واحدة ضد الاستهبال بصراحة!

بس إيه الكتاب الدوري ده كمان؟!!!!

**HaNo_ELBeh** · 09-01-2013 09:47 AM

بصراحة يا جماعه دة شئ مؤسف ان شركة نيسان تتعامل بلاسلوب دة انا كلمت امبارح الاستاذ احمد مصطفى فى اوتو ايجيبت مدينة نصر وقالى نفس الكلام السوبر صالون من 112000 ج الى 114000 ج وال ex صالون من 102000 ج الى 104000 ج وانا حاجز من يوم 9/11 والمفروض انهم هسيلموا عربيات كتير اليومين الجايين وانا هروح النهاردة باليل علشان اشوف المصيبة دية واطلب من كل اعضاء نيسان الحاجزين للسيارة انهم يكونوا موجودين معايا علشان نشوف القصة بتعتهم