السلام عليكم ورحمة الله
طبعا كنت عملت موضوع بسأل فيه عن سعر e30 وهي زيرو علشان السؤال ده كان محيرني جدا
طبعا انا لسة شاري العربية قريب وتعايشت معها بفضل نصائحكم لي
لما اشتريت العربية درج التابلوم كان الكالون بتاعه بايظ وكان مقفول مش بيفتح .. لازم يتكسر .. وطبعا لو اتكسر همشي بيه مدلدل .. صاحبها قاللي لما تفتحه هتلاقي حاجات جوة بتاعتي وورق يخص العربية
لفيت علي كالون استيراد لغاية لما جبته وروحت كسرت القديم وركبت الجديد عند بتاع الأبواب
والمفاجأة .. لاقيت فواتير العربية جوة الدرج .. وكمان ايصال الإفراج الجمركي .. وكمان جدول الصيانة بتاعها
بس مالاقيتش الكتالووووووووج .. هموت انا بسبب الكتالوج
كمان هي فيها كاسيت بيكر ألماني .. بس لما غيرت البطارية الكود بتاعه راح والورقة اللي فيها الكود كانت في درج التابلوم برده .. لاقيتها الحمد لله ولاقيت ريموت الكاسيت
وطبعا مسكت فواتير العربية تفحصتها علشان اعرف السعر .. واندهشت لما لاقيتها رخيصة جدا أيامها
لكن ما اخدتش بالي ان العربية خليجي وجاية من السعودية ومدفوعلها جمارك هنا مبلغ محترم جدا
سعر BMW e30 موديل 1990 شراء بتاريخ 1991 كان 64.900 ريــال سعودي + 75.502 جنيه مصري جمارك
يعني حوالي 134 ألف جنيه مصري .. خدوا بالكم الكلام ده سنة 1991
بيتهيألي كانت غالية حبتين تلاتة .. بس الحمد لله الواحد معاه عربية بفواتير الشراء بتاعتها
ودلوقتي اسيبكم مع الصور
المفضلات