الموضوع: الفيليشيا بتعوم جامد و هتموتنى

نا معايا سكودا فليشيا العربيه بتعوم اوى و كانت هتموتنى امبارح اتزحلقت العربيه خالص و مكنتش حتى معدى ال 100.
المهم انا كشفت على عفشه العربيه و لقي ان الحاجات دى عايزه تتغير
1-علبه دركسيون
2-زوج مقصات
3-زوج مساعدين + بطاحات
4-اولسيه كوبلن داخلى
5-زوج مساعدين خلفى
6-قطمه دركسيون
و لقيت ان العجلتين اللى قدام مرحلين من الشمعدان.
المهم انا خايف اغير العفشه و اصرف كل الفلوس دى و العربيه ثباتها ميكونش حلو لان العفشه هتكلفنى حوالى 3 الاف كده
انا مش عارف ابيع العربيه و اكمل شويه على ال3 دول و اجيب حاجه تانيه ولا اصرف عليها و امرى لله
اى حد يقدر يفيدنى ايه سبب التعويمه دى؟ او اغير ايه بس عشان مشكله الثبات دى تتحل؟ عشان انا حاسس ان العفشجى بيستسهل و عايز يغير كل حاجه مره واحده مع العلم ان بتاع ضبط الزوايا قال ان الى عايز يتغير عندى علبه الدركسيون فقط .
و بالنسبه لترحيله العجل دى ايه الحل بتاعها انا عملت زراجين 3 مرات و رجعت تانى

المشاركة الأصلية كتبت بواسطة modiabbas

هو حضرتك كل ده محتاج يتغير و مستغرب انها بتعوم ؟

ما انا بصراحه شاكك فى الراجل دا انها مش مستهاله انى اغير دا كله

المشاركة الأصلية كتبت بواسطة mostafa.ramdan

انا عندى العربيه بتعوم برضه كنت فاكرها ظبط زوايا روحت عشان اعملها قالى محتاجه جلب مقصات

وان شاء الله فى اقرب فرصه هعملها هيا تقريبا الطقم ب 100 جنيه 3 يمين و 3 شمال

انصحك انك تغير الصنايعى ده وتروح اى مركز محترم يكشفلك على العفشه

عشان الصنايعيه مش بيحبوا يصلحوا حاجه يقلك غيرها واكيد مش هتلاقى احسن من حاجه العربيه الاصليه

طب انت تنصحنى اروح لمين؟

المشاركة الأصلية كتبت بواسطة aldesha989

ربنا يسترها معاك شوف ناس محترمه تتعامل معاها او مركز فعلآ تكشف عنده لان الصنايعى مش بيحب فعلآ يصلح حاجه وخصوصآ لو هتأخد منه وقت يقولك اشتغل لكذى زبون الوقت اللى هصلح بيه للزبون ده الا من رحم ربى طبعآ

اكيد طبعا يا باشا دا الميكانيكى بقى احسن من الدكتور فى مصر

المشاركة الأصلية كتبت بواسطة aldesha989

ربنا يسترها معاك شوف ناس محترمه تتعامل معاها او مركز فعلآ تكشف عنده لان الصنايعى مش بيحب فعلآ يصلح حاجه وخصوصآ لو هتأخد منه وقت يقولك اشتغل لكذى زبون الوقت اللى هصلح بيه للزبون ده الا من رحم ربى طبعآ

اكيد طبعا يا باشا دا الميكانيكى بقى احسن من الدكتور فى مصر