صيانة ال 25000 و بعض الملاحظات

**loai-omar** · 24-07-2008 12:43 PM

السلام عليكم و رحمة الله

العربية كمان 300 كيلو حتكون تمت ال 25000

محتار اوديها اي صيانة عشان انا مسافر الكويت كمان اسبوعين و كنت عايز اوديها الصيانة قبل ما اسافر

انا بقالي مرتين مع السبع القطامية

في ناس بيقولولي لا مودرن و في ناس قالولي ابورواش

محتاج رأيكم انا كنت بحبز السبع ..

العربية فيها بأه شوية حاجات دلوقتي

-حدفه شمال باينه " مع العلم اني ظابط الهوا"
- لمبة الجير اتحرقت
-حرقها عالي بالمقارنة بمثيلاتها " و دي نقطة مهمة عايز اعرف احسن فرع صيانة يقدر يظبطلي المسألة دي"
-حصلت معايا حاجه غريبه اوي:
كنت على ال d و دايس فرامر و لقيت مؤشر ال ار بي ام قاعد يرعش كده و هوا تحت لحد ما العربيه طفت!

مع العلم بارضو اني ماكنتش مشغل النور ولا المكيف

و قعدت اليوم دا تحس ان العربيه عايزه تبطل!! لما تنزل تحت النص في الاربي ام

و كتير بتحصل اوي الرعشه دي لما ادوس فرامل كإنها عايزه تبطل .

**WalidAdel** · 25-07-2008 03:38 PM

انا شاسف السبع كويس لكن لو حضرتك بتصحي بدري قوي و تقدر تروح مودرن موتوز الهايكستب علي الساعه 7 يكون افضل

**yasser talaat** · 26-07-2008 04:19 AM

حكايه رعشه rpm حصلت معايا
فى حاجه اسمها ideal speed sensor مجرد انه يتفك ويتنضف المشكله ديه هتروح

**sab3aawy** · 26-07-2008 10:05 AM

المشاركة الأصلية كتبت بواسطة yasser talaat

حكايه رعشه rpm حصلت معايا
فى حاجه اسمها ideal speed sensor مجرد انه يتفك ويتنضف المشكله ديه هتروح

كنت لسه هقول لك على الموضوع ده

اما انه يكون ال idle valve وده موجود تحت خرطوم الهواء الداخل من الفلتر الى ال*throtle body ، او يكون ال throtle position sensor او اختصارا بيسمى ال TPS وده راكب فى أول الthrotle body من ناحية دخول خرطوم الهواء، ومربوط بفيشتين، واحدة فيهم بنى والتانية زرقاء وكذلك ال air mass وده راكب فى خرطوم الهواء الواصل من الفلتر الى الthrotle body، ممكن يكون اى منهم محتاج يتنضف

____________________________________
*الthrotle body هو الماسورة العريضة المركبة فوق الموتور بعرض السيارة ونازل منه 4 تفريعات داخلة للموتور وفى اوله من ناحية يسار السيارة(يعنى يمينك ونات واقف فاتح الكبوت ووشك للعربية) خرطوم الهواء وبعده نجد الباب الذى تتحكم فيه دواسة البنزين)

**loai-omar** · 26-07-2008 03:54 PM

الف الف شكر على المعلومات دي

انا رايح بكره ان شاء الله

**loai-omar** · 28-07-2008 04:26 PM

رحت زي ماقولتلكو يوم الاحد اعمل صيانة ال 25000 في السبع

كان المهندس/ محمد عمر هناك

قلتله على الملاحظات ايلي عندي

دخلت الساعة 1:15 و العربية خلصت الساعة 4:05

ايلي خدت وقت و انا فوق شايفهم اللمبة بتاعت الفتيس..

بص لما اتغيرت الاضاءة كانت مختلفو جدا!! يعني قبل ما تتحرق كانت الاضاءة مش كده خالص

شدت جامد :)

الزين طبعا شل الترا و غيروا الفلتر زي مانتوا شايفين في الفواتير

استهلاك البنزين بأه

حطوا كابل في العربية تحت الدريكسيون كده

و كان معاه لاب توب و ساب الوضع دا بتاع نص ساعه كان كل شويه ييجي يعمل حاجه و يمشي و العربية مش بيحركها..

الحدقة ايلي كانت عندي راحت

الرجفة بارضو راحت

استهلاك البنزين انا جربتها امبارح من غير تكييف و كنت عايز اسألكوا ايه رأيكم فيه:

المؤشر كان في النص بالظبط ..

دلوقتي المؤشر في النص بين نصف التاك و ربعه .. مشيت 60 كيلو في الحته دي

طبعا بنزين 92 و مابجربش ال 90