طلب نصيحه سربعه من صقور نيسان

**Walid75** · 09-01-2013 07:24 AM

السلام عليكم الاخوه الاعزاء
انا و الله في حيره رهيبههههههههههههه جدا
حجزت نسان صني 2013 و الاستلام النهارده بمقدم كبير و قسط علي 5 سنوات بس لسه لم ادفع الفلوس(طبعا انتو عارفين الدفع عند الاستلام) - المشكله بقا اني وجدت سياره حلوه 2010 عامله 60 الف كيلو مانيول فابيركه بره و جوه عامله 70 الف جنيه.
السؤال هنا.
هل اشتري 2010 و يبقا انا هربت من موضوع الاقساط وشبهه الربا مع البنوك(رغم اني اعتقد ان البنك الوطني للتنميه معقول شويه من حيث التوافق مع الشريعه) ولا اتشجع و ادخل بقلب جامد علي 2013 و الاقساط و الذي منه................اخوكم في حيره جامده
اتمني النصيحه......بسرعه و شكرا.

**Moh.El Saady** · 09-01-2013 08:48 AM

العربية ال 2010 نوعها ايه بالظبط؟ وهل انت تقدر تتدفع 70 الف كاش؟ وايه نوعية استخدامك للعربية علشان نقدر نحكم انت محتاج زيرو ولا مستعمل

**Land_Cruiser** · 09-01-2013 08:55 AM

ممكن تأجل الاستلام لبكره واعمل صلاه استخاره

**akmm** · 09-01-2013 09:21 AM

الزيرو زيرو ... اتوكل على الله .

**mohamedrabia** · 09-01-2013 09:27 AM

2010 مش بعيدة عن 2013 لو فعلا العربيه فابريكة بره وجوة وده تاكيدا بعد الكشف بمركز . يبقي توكل علي الله بس نزل في السعر شوية لان المانول اقل سعرا من الاوتوماتيك

**Walid75** · 09-01-2013 06:44 PM

استخدامي لا يزيد عن 30 ك في اليوم ثم السفر للبلد مرتين الي ثلاثه في الشهر حوالي 300 ك كمان في كل زياره للبلد و طبعا معاي ال 70 كاش ....شكرا ع الاهتمام و اتمني النصيحه

**Moh.El Saady** · 09-01-2013 06:59 PM

المشاركة الأصلية كتبت بواسطة walid75

استخدامي لا يزيد عن 30 ك في اليوم ثم السفر للبلد مرتين الي ثلاثه في الشهر حوالي 300 ك كمان في كل زياره للبلد و طبعا معاي ال 70 كاش ....شكرا ع الاهتمام و اتمني النصيحه

اعتقد تجيب المستعمل افضل طالما حالتها كويسة وتريح نفسك من القسط ده لأن 5 سنين قسط كتير قوي وتوفر فلوسك

**kliken** · 09-01-2013 07:18 PM

انا رأى الشخصى لو حالتها نضيفه اتوكل على الله فيها و يا ريت تصلى صلاه استخاره و ربنا ييسرلك الحال للاصلح

**canner** · 09-01-2013 07:25 PM

روح اكشف عليها فى التوكيل و بعد كده اعمل استخاره

**mohamed.rabea** · 09-01-2013 09:18 PM

أنا رأيي هات المستعملة و بعدين لو حبيت فى المستقبل تغير مش هتخسر فيها كتير بس اهم حاجة تبقى حالتها كويسة و ماتدخلش نفسك فى حوارات الاقساط و ربا طالما معاك مبلغ ممكن تجيب بيه العربيه كاش و ربنا يوفك و صلى لا خاب من استخار إستخارة