معلومات عن زينون فيليبس

**A_M_T** · 09-01-2013 08:15 AM

السلام عليكم يا شباب انا عاوز اركب زينون بس نوعية نضيفة لانى قرفت وزهقت من كتر ما غيرت الصينى الى بيتحرق ومش بيكمل حاجة دة

وتوصلت ان احسن حاجة هى الفيليبس الاصلى المانى طبعا

وكلمت بن خالتى علشان يبعتهولى من السعودية

فدلوقتى انا عندى 3 مشاكل

اول مشكلة انا عربيتى فيها لينسس وشوفت فى بعض المواضيع ان اللينسس بيركبلة لمبات معينة فى الزينون من غير عواكس تقريبا ومش عارف اسم اللمبة دى اية او تطلب ازاى دى حاجة

تانى مشكلة انا عاوز اجمع مواصفات الى انا عاوزها علشان ابلغة بيها ويجيبها بالضبط

درجة اللون 4300 او 5000
نوع اللمبة h7
الماركة فيليبس المانى
فى ايى تانى المفروض يكون فى الموصفات الى اقولة علية خلاف دول ؟؟

تالت مشكلة بقى ان بن خالتى ملوش فى الحجات دى ولا يفقة فيهم شىء وخايف يجيب حاجة غلط او زينون مضروب لانى سمعت ان السعودية مليانة مضروب هى كمان بس طبعا اقل من مصر

فكنت محتاج صورة لجهاز فيليبس الاصلى الى انا عاوزة علشان اوريهالة يجيب زية بالضبط

ياترى بقى هلاقى مساعدة فى اول طلب ليا هنا ولا اية ؟؟؟؟؟؟؟؟؟

**ZALABANY** · 09-01-2013 08:42 AM

عايز نصيحتي هات الزينون ال vision الصيني استيراد شركة اليسر عليه ضمان 18 شهر على الموديول واللمبات

**midooo_119** · 09-01-2013 03:42 PM

اتفضل
حصريا ولأول مره تقرير مفصل عن شراء Philips Xenon HID Conversion Kit الأصلي مش التقليد

**Karim_Monir** · 09-01-2013 04:38 PM

في مصر بضمان سنة كاملة لمبات وموديل ب 1200 جنيه
اكسب الضمان وهاتهم من هنا من هاشم باص او محل المدينة في شارع دمشق جنب السجان الحاج مصطفي موزع معتمد ومابيجيبش مضروب

**m.farouk** · 12-01-2013 02:45 PM

عند محل المدينة برضوا فى شارع دمشق

**A_M_T** · 12-01-2013 05:26 PM

المشاركة الأصلية كتبت بواسطة zalabany

عايز نصيحتي هات الزينون ال vision الصيني استيراد شركة اليسر عليه ضمان 18 شهر على الموديول واللمبات

مخبيش عليك انا فعلا اتعقدت من الصينى ودفعت فية دم قلبى

يعنى لو واحد مكانى كان حلف ما هو مركب زينون تانى بس بصراحة انا مش برتاح ولا بشوف كويس الا بية

علشان كدة المرة دى لازم اتعلم واجرب اجيب الغالى لعلى وعسى يطلع تمنة فية

وتسلم ع المشاركة ياباشا متحرمش منك

**A_M_T** · 12-01-2013 05:27 PM

المشاركة الأصلية كتبت بواسطة midooo_119

اتفضل
حصريا ولأول مره تقرير مفصل عن شراء philips xenon hid conversion kit الأصلي مش التقليد

بجد بجد تسلم ايدك التقرير دة فادنى كتييييير جدا وحددلى كل حاجة

شكرا مرة تانية يا غالى

**A_M_T** · 12-01-2013 05:29 PM

المشاركة الأصلية كتبت بواسطة karim_monir

في مصر بضمان سنة كاملة لمبات وموديل ب 1200 جنيه
اكسب الضمان وهاتهم من هنا من هاشم باص او محل المدينة في شارع دمشق جنب السجان الحاج مصطفي موزع معتمد ومابيجيبش مضروب

للاسف انا بعيد جدا عن مصر تقريبا سفر 4 ساعات علشان اوصل مدخل القاهرة بس ما بالك بقى للوصول للاعماق

دة غير انى معرفش حاجة هناك .. وبينى وبينك حتى لو عرفت اوصل وسافرت المشوار دة هكسل ارجعة تانى علشان الضمان فربنا يسهل

وتسلم ع مداخلتك القيمة ومتحرمش منك يا كريم باشا