و انا برضه لاحظت ان العربيه بقت بلاعة بنزين لما غيرت البطاريه فالعدادات اتصفرت و فوجئت ان معدل الاستهلاك بقى ١١ لتر في المية كيلو بدل من ٩ و الحركه دي من ساعة ما غلوا ال ٩٥ الظاهر لعبوا في ال ٩٢ بدل ما يغلوه
عرض للطباعة
و انا برضه لاحظت ان العربيه بقت بلاعة بنزين لما غيرت البطاريه فالعدادات اتصفرت و فوجئت ان معدل الاستهلاك بقى ١١ لتر في المية كيلو بدل من ٩ و الحركه دي من ساعة ما غلوا ال ٩٥ الظاهر لعبوا في ال ٩٢ بدل ما يغلوه
أحب أوضح معلومه علميه لها تأثير رهيب فى إستهلاك الكارينز و السيارات المماثله للبنزين....
يجب أن يراعى فى تصميم السيارات الaerodynamics و هذا يمثل بما يطلق عليه معامل إحتكاك الهواء بالسيارة.....و ده بنسميه " drag coefficient"
نتيجه تصميم الكارينز العالى نسبيا لأنها تندرج تحت فئه ال SUV بيكون هذا المعامل مرتفع و بيزود إستهلاك السيارة للبنزين.
طبعا بما أن المعامل له علاقة بالهواء مع ملاحظه إن و أنت على الطريق السريع حوالى 60% من قدرة الموتور بتضيع لمقاومة هذا الإحتكاك....بيكون إستهلاك السيارة مهول كلما كنت ماشى بسرعة عالية ضد اتجاه الهواء.......
بالعكس ........... إستهلاك البنزين فى الكارينز على الطرق السريعة والطرق الطوالى أقل بكتييييييييييير من استهلاكها فى شوارع وسط البلد
الكلام ده عن تجربة
طبعا أى سيارة بيكون إستهلاكها للبنزين أقل كلما زادت السرعة مش بس الكارينز لكن حتى سرعه مثلى و هى تقريبا من 90 إلى 100 كم ساعة لكن لو زودت عن كده هيبتدى الإستهلاك يعلى تانى و بقوة....
الكارينز و فئة ال suv عامة علشان عالية و تصميمها مرتفع بيكون إستهلاكها للبنزين أعلى لو قارنتها بنفس الظروف الخارجية و نفس الموتور و نفس السرعة مع عربية تانيه سيدان تصميمها اكثر إنسيابية مع الهواء.....
يعنى لو تخيلنا إن السيراتو و الكارينز الأتنين نفس الوزن و نفس الموتور و ماشيين فى نفس الطريق على نفس السرعة.......لازم يكون إستهلاك الكارينز أعلى من السيراتو و ذلك لطبيعة تصميمها و شدة إحتكاكه مع الهواء......
مش عارف قادر أوضح نقطتى و لا لأ
تمام كلامكم انتو الاتنين
فى الطبيعى لحد ١١٠-١٢٠ الاستهلاك ممتاز و مقاومة الهوا ملهاش تاثير قوى ( بس طبعا ميكونش فى وشك)
اعلى من ١٢٠ استهلاك البنزين بيعلى جدا و لو ١٤٠-١٦٠ بلاعه بنزين
لو الهوا فى وشك و شديد يبقى ٨٠-٩٠ لتوفير البنزين
لو فى وشك متوسط يبقى ٩٠-١٠٠ زى الفل
انا انبارح غيرت البنزينة وفولت لحد الزور وحطيت منظف رشاشات نوع مش عارفه اول مره استعلمه هو ب 19 جنيه من بنزينة موبيل اللي في نزلة الكوبري اللي بيوديك على موقف العاشر المهم النتيجة كالأتي
العربية سحبها بقى مش طبيعي بجد بقيت حلوة جداً بقيت بشد بيها مع عربيات كتير بس النهاردة عربية سيفيك لحستني الأسفلت وراها بغض التظر طبعاً ، بس شديت مع سيراتو وفيرنا ولانوس . بس بجد السحب فرق كتير جداً
وبالنسبة لموضوع الأستهلاك انا صفرت عداد التريب اول ما فولت و عملت بربع التنك ولسه فيه حتة صغيرة يعنى مخلصتش الربع اوي 190 كيلو .
حبيت بس انقل الموضوع بمنتهى الامانة عشان مكونش سبب في تشتيت حد خد قرار او اكره حد فى عربيته
أحبيبتي يا كارينز ظلمتك
من الاخر بعد ال 10 الاف كيلو الاستهلاك حيختلف كتييير بالذات مع اول تغييرة زيت
الكارينز جوة البلد بتسحب بنزين والل 20لتر حيمشوك 180 كيلو بالتكييف ودة طبيعى حجم العربية و وزنها !
علي السريع ذيها ذى اى عربية
وفعلا الايام دى الينزين مش مظبوط و مبحتطش غير من بنزينة الامارات
أنا معايا 2013 برضو و الاستهلاك للأمانة بيتحسن مع مرور الوقت .. أنا عاملة حوالي 4800 كم و آخر تفويلة عملت معايا 475 كم
أنا معايا 2013 برضو و الاستهلاك للأمانة بيتحسن مع مرور الوقت .. أنا عاملة حوالي 4800 كم و آخر تفويلة عملت معايا 475 كم