هل لازم طبة الزيت تتغير مع كل تغيير للزيت_ميجان

هل لازم طبة الزيت تتغير مع كل تغيير للزيت ؟؟

طبه الزيت
طبه الزيت مكن تقعد عمر العربيه بدون تغيير
الااذا القلاووظ بتاعها اتاكل

أصل انا سمعت أوشاعات ان طبة الميجان غير :(

ولازم تترمى اول ما تتفك وتركب واحده جديده.

أفادكم الله

اقتباس:

---

المشاركة الأصلية كتبت بواسطة medo99_pc

أصل انا سمعت أوشاعات ان طبة الميجان غير :(

ولازم تترمى اول ما تتفك وتركب واحده جديده.

أفادكم الله

---

الله اعلم
يمكن استني ملاك الميجان يفيدوك

أكيد لا ياباشا المهم حضرتك دلوفتى البنزيمات معظمها فى شفط الزيت القديم من فوق ومش محتاجة تفك الطبة من أصلة ودة أحسن بكتير عن زمان

اول مره اسمع ان طبه الزيت تتغير مع غيار الزيت .... وعلى فكره تغيير الزيت بكون افضل عن طريق فك الطبه وتركه لغايه مايتصفى تماما ... ليه افضل ... علشان بياخد معاه غالبا كل الشوائب وغيره المتراكمه فى قاع الكرتيره وإلا الشركات ماكانتش عملت الطبه اصلا ... والغيار عن طريق الشفط بيكون افضل للبنزينه والعامل اللى بيغير من ناحيه النضافه والسرعه ولايحتاج ينزل تحت العربيه ولا حاجه غير تجميع الزيت فى الإسطوانه بتاعه الجهاز دون فاقد منه ويعاد بيعه لأغراض اخرى .

مفيش يا فاندم الكلام ده ,,, طبه الزيت مش بتتغير غير لو القلاوز باظ من كتر الفك ... غير كده بتقعد فى العربية العمر كله

اقتباس:

---

المشاركة الأصلية كتبت بواسطة akmm

اول مره اسمع ان طبه الزيت تتغير مع غيار الزيت .... وعلى فكره تغيير الزيت بكون افضل عن طريق فك الطبه وتركه لغايه مايتصفى تماما ... ليه افضل ... علشان بياخد معاه غالبا كل الشوائب وغيره المتراكمه فى قاع الكرتيره وإلا الشركات ماكانتش عملت الطبه اصلا ... والغيار عن طريق الشفط بيكون افضل للبنزينه والعامل اللى بيغير من ناحيه النضافه والسرعه ولايحتاج ينزل تحت العربيه ولا حاجه غير تجميع الزيت فى الإسطوانه بتاعه الجهاز دون فاقد منه ويعاد بيعه لأغراض اخرى .

---

كلام مظبوط مية فى المية
ويفضل فك الطبة وتغيير الزيت والعربية سخنة عشان الزيت ينزل بسهولة وأسرع ويكنس معاه كل الشوائب

الطبة مش بتتغير.........اللى بيتغير حاجة أسمها ring gasket أو بمعنى أخر جوان صغير عامل زي جلدة الحنفية كده علشان يمنع أى تسريب..........أفتكر أنه كان فى حدود 2 أو 3 جم.

بالنسبة للطبة أنا فكيتها من كام يوم ........ ولا تتغير ولا حاجة طالما سليمة مفيهاش أى جزء جلد عشان نقول تتغير إلا لو بالفعل باظ القلاووظ بتاعها

للعلم الطبة دى ليها مفتاح رخم ملقتهوش زى الألانكيه كدا بس مربع عشان تفكها ..... أنا فاكر إن عضو معانا راح صيانة برضه لعربية الإلنترا الجديدة وغيروله الطبة

بس أنت ولا تغيرها ولا حاجة طالما سليمة وقلاووظها مفيهوش حاجة وبتلف و تربط كويس


بالنسبة لتغيير الزيت فك الطبة أحسن بالتأكيد من الشفط وأءمن كمان هو أنا ضامن الجهاز اللى بتستخدمه البنزينة يكون مطابق للمواصفات

بس فعلا تعب شوية وبهدلةhttp://www.nilemotors.net/Nile/328468-a.html

اقتباس:

---

المشاركة الأصلية كتبت بواسطة ahmed a.maksoud

الطبة مش بتتغير.........اللى بيتغير حاجة أسمها ring gasket أو بمعنى أخر جوان صغير عامل زي جلدة الحنفية كده علشان يمنع أى تسريب..........أفتكر أنه كان فى حدود 2 أو 3 جم.

---

نفسى أعرف بيركب فين الجوان دا أنا مركزتش مع ا لكرتيرة من تحت لما غيرت الزيت لأن الواد الميكانيكى هو اللى فك الطبة

وطالما التوكيل بيبيعها ب 2 أو 3 جنيه يبقى هى أساسا ببلاش