فتح يا .. أعمى .. ! حملة ابدأ بنفسك

**eiad_naser** · 09-01-2013 02:57 PM

فتح يا .. أعمى .. !
هذا ماسوف يقال لك لو أخترقت بركة مياه من الامطار بجوار الرصيف ..
أو أمام محطة اتوبيس وتسببت فى موجة من المياه تنتشر لتصل إلي المشاة على الرصيف ..
لا تفعل هذا

**S O P H O S** · 09-01-2013 03:10 PM

معتقدش اني في حد ممكن يقصد يضر الناس
الي ماشية ملهاش ذنب
وان شاء الله الجو يستقر ومحدش يتضر ..

**eiad_naser** · 09-01-2013 03:13 PM

المشاركة الأصلية كتبت بواسطة s o p h o s

معتقدش اني في حد ممكن يقصد يضر الناس
الي ماشية ملهاش ذنب
وان شاء الله الجو يستقر ومحدش يتضر ..

أكيد الواحد مبيكونش قاصد انه يؤذي الاخرين لكن ممكن وانت ماشي بالعربيه مستعجل في ظل هذه الظروف عن دون قصد تعدي فوق بركه مياه وتطرتش ميه علي لناس اللي ماشيه وبصراحه ده بشوفه كتير هنا وانا متأكد انه عن جون قصد

**friendship7897** · 09-01-2013 03:23 PM

الإلتزام بقواعد المرور ؟
أفتكرت نكتة كانت بتتقال في مسرحية :
واحد بيقول لصحبه الغبي : حلامبوحا تحت الشجرة
راح رادد عليه الغبي وقال له : يعني أيه شجرة ؟
هو لسه فيه قواعد للمرور - ولو غلطنا أو أتغلط في حقنا - هنلاقي حد ينصر الحق على الباطل ؟
ياريت - عموماً ياريت نلتزم بالقواعد عامة ( قواعد المرور - قواعد الذوق - قواعد السن - قواعد الأدب - ............. ) علشان فيه مثل بيقول أمشى عدل يحتار عدوك فيك
سؤال وملحوظة جانبية : هو الديزين اللي معروض في الموضوع - دا أنت اللي عامله ؟
ولو الإجابة : نعم - يبقى ماشاء الله - حلو أوي وشادد الإنتباه رغم ألوانه الهادئة وغير المزدحمة وكمان هدفه واضح

شكراً لك على النصيحة

**eiad_naser** · 09-01-2013 03:56 PM

المشاركة الأصلية كتبت بواسطة friendship7897

الإلتزام بقواعد المرور ؟
أفتكرت نكتة كانت بتتقال في مسرحية :
واحد بيقول لصحبه الغبي : حلامبوحا تحت الشجرة
راح رادد عليه الغبي وقال له : يعني أيه شجرة ؟
هو لسه فيه قواعد للمرور - ولو غلطنا أو أتغلط في حقنا - هنلاقي حد ينصر الحق على الباطل ؟
ياريت - عموماً ياريت نلتزم بالقواعد عامة ( قواعد المرور - قواعد الذوق - قواعد السن - قواعد الأدب - ............. ) علشان فيه مثل بيقول أمشى عدل يحتار عدوك فيك
سؤال وملحوظة جانبية : هو الديزين اللي معروض في الموضوع - دا أنت اللي عامله ؟
ولو الإجابة : نعم - يبقى ماشاء الله - حلو أوي وشادد الإنتباه رغم ألوانه الهادئة وغير المزدحمة وكمان هدفه واضح

شكراً لك على النصيحة

اولا: بالنسبه للنكته انا هتعتبرها مش عليا ولا علي الموضوع اصلا

ثانيا: الموضوع بيقول ابدأ بنفسك يعني مليش دعوه بغير عاوز يغلط يغلط بس انا اعمل الصح مش اكون سلبي واقول مفيش حد بيعمل الصح فانا اعمل الغلط واكون زيهم
بجد لو كل واحد بدا بنفسه وغير من سلوكيات قيادته علي الطريق اكيد هنحس بتغيير ولو بنسبه 1% وانا احاول اعلم غير وغيري يعلم غيره مش مهم الاداب تتنفذ او متتنفذش بس مع تكرارها اكيد ناس هتتغير للأحسن
احنا السلوكيات عندنا لازم تخش جوا العقل الباطن
اضرب مثل بطفل صغير بنعلمه اسمه هاني :
الام : يا هاني
الابن : ايوه يا ماما
الام : اسمها نعم يا حبيب
يتكرر نفس الموقف عشرات المرات في اليوم وبعد فتره
الام : يا هاني
الابن : نعم ماما هيجاوب بسلوك صح بعد فتره
اذا السلوكيات احنا مش بنتعلمها احنا بنكتسبها ومع تكارها اكثر من مره بتخزن في العقل الباطن وبلا تلقائيه تلاقينا بنصرف بلوكيات ترضي المجتمع
يا رب اكون قدرت اوصل المعلومه

مهما طال الشر الخير بإذن الله منصور ، ومهما زادت الدموع بعدها إبتسامة تملي الأرض أمل ونور

ده من توقيعك وان شاء الله هنتغير للأحسن طالما بنحاول نغير من نفسنا

واخيرا بالنسبه للتصميم ده مجود علي الفيس بوك في صفحه اسمها
‏حملة اعادة النظام للشارع المصرى‏

انا نسختها من الصفحه ده وبعد التعديلات البسيطه عليها ونقلتلهكم لكن هيا اصلا مش من تصميمي

**friendship7897** · 09-01-2013 04:03 PM

المشاركة الأصلية كتبت بواسطة eiad_naser

بالنسبه للنكته انا هتعتبرها مش عليا ولا علي الموضوع اصلا

أسفة لوضع النكتة إذا كانت ضايقتك - لكنها طبعاً لا عليك ولا عليا ولا على الموضوع - هي على كلمة القواعد - إن الواحد المفروض يكون حافظ وعارف القواعد - لكن العادي بتاع الناس مش عارفنها .

**A.Saad** · 09-01-2013 04:18 PM

الحمله هدفها جميل
لكن اسمها مش جميل
وبيعمم ويفتح مجال للكلام الذى يجب ان يختفى من السلوك المصرى

**Mohab555** · 09-01-2013 05:02 PM

الف شكر على الحملة الجميلة
و فعلا فى ناس كتير مش بتاخد بالها و هيا سيقا من الناس الى ماشيين على رجلهم و بيتغرقوا بدون ذنب بسبب سرعة القيادة فى المطره ...

**lidosasa** · 09-01-2013 06:37 PM

من كام سنة وقبل ما أشترى توتة كنت راكب تاكسى وكان جنب السواق واحد صاحبه وعمال يحكى ليه وهو بيضحك على الراجل أبو قفطان أبيض اللى كان ماشى فى الشارع بحرص عشان هدومه ما تتوسخش وقام السواق بالقصد جاى عليه من بعيد حرى وقام مغرقه ميه
وقاعد يحكى وهو فرحان هو وصاحبه ويقوله مت على نفسى من الضحك بعد ما غرقته
يعلم ربى لولا إنهم شكلهم حشاشين وكنا فى الليل مكنتش سيبته غير لما أديته كلمتين فى عضمه بس أكتفيت إنى دعيت عليه إن ربنا يخلص منه اللى عمله فى الراجل

**Amr Axel** · 09-01-2013 11:13 PM

للأسف الشديد فيه ناس بتعملها عن قصد و خاصة الشباب المتهور و المتعجرف من عينة تسقيط العربية و تحويلها لعربية رالي بالاضافة اقرب حاجة اقر اوصفها تغابي البعض و زيادة السرعة في الوقت اللي من المفترض كلنا نمشي بسرعة بطيئة لكن هنقول مين قليل من يلتزم باداب المرور

الموضوع: فتح يا .. أعمى .. ! حملة ابدأ بنفسك

LinkBack

أدوات الموضوع

عرض

-

-

-

-

-

المواضيع المتشابهه

ابدأ بنفسك

لنجاح الثورة ابدأ بنفسك

غيير شكل الجنوط بنفسك...ادخل وشوف بنفسك...وقول رأيك ؟

حب أعمى

أعمى يقود سيارة فى توب جير

الكلمات الدلالية لهذا الموضوع

المفضلات

المفضلات

ضوابط المشاركة