انبارح كنت في سيتي ستارز (عقبال عندكو) المهم وانا في البراك باركن
كان فيه واحد بيخرج بعربيتة فانا استنيت لحد ما خرج ورحت داخل مكانه
وانا بانزل من العربية وكان معايا الاولاد والمدام فوجئت بواحدة جاية بتزعقلي
اما مش فاهم فيه ايه بتقوللي هم انا واقفه مستنيه وانته تيجي تركن علي الجاهز
انا والله مشفتهاش اصلا ولو شفتها فعلا مكنتش هاركن وبعدين الولد بتاع البارك كان واقف وانا داخل وقليش اي حاجة ان فيه حد مستني يعني
لانها تقريبا كانت راكنة في جنب؟
انا بيني وبينكم فكرت اخرج وخلاص لاني انا برضه بتضايق ام اكون واقف وحد يركن في المكان اللي انا واقف فيه
بس لاقيتها بدات تخبط في الكلام
قلت لها اولا انا مشفتكيش وبعدين تتكلمي كويس مش تيجي تتخانقي فيا قالت لي يلا اخرج لو سمحت وبتزعق رحت منزل الولاد قلت لها مش خارج
(انا علي فكرة الحمد لله هادي وباعرف امسك نفسي) المهم
قالت لي اصل فلاح (انا من الشرقيه)
رحت راسم ابتسامة عريضة علي وشي وقلت لها شكر
قالت لي انته قليل الادب
رحت معرض الابتسامة اكتر وقلت لها ده اصله من زوقك
ورحت لافف الناحية التانية وماشي
بعدها طبها اخدت بالي انها راحت مطلعة ورقه وبتاخد نمرة العربية
ومشيت
بيني وبينكو انا كنت مقلق ان ام ارجع الاقي الكاوتش علي الارض ولا حاجة؟ بس الحمد لله محصلش حاجة
هل تصرفي ده صح
ولا كده ابقي سلبي؟
انا عموما مقتنع باللي انا عملته بس احب اعرف رايكم
المفضلات