غيرت قلب الطبلة بتاعة الكونتاكت وتانى يوم العربية مدارتش

**YHYAKOTB** · 09-01-2013 03:01 PM

السلام عليكم انا غيرت القلب بتاع الطبلة والعربية تمام تانى يوم اخوى اخد العربية وراح بيها مشوار المهم اتصل قالى ان العربية مش بتدور مارش المهم زقها واشتغلت بس اما تبطل مبتدورش مع ان الكهربا شغالة بس المارش مبيشتغلش مبسمعش غير تكة بسيطة طبعا العربية مركونة من ساعتها عشان الجو دة والمية فى الارض مش عارف ازقها عشان اروح بيها للكهربائى مفيش حل وصلة مثلا ولا حاجة اشغلها بيها مؤقتا ؟ لحد اما نعرف فيه اية ؟

**A.Saad** · 09-01-2013 04:26 PM

فيه حل الحرامية
تلمس سلوك الكونتاكت سوى بعد ما تفك الفيبرة
والاحسن تجيب كهربائى

**sakr_skoda** · 09-01-2013 05:03 PM

ياريت قبل ما تفق وتعوك (اسف طبعا بس القافيه تحكم ) اختبر البطارية ممكن تكون هيا السبب فى عدم الدوارة ....يعنى حاول تعمل وصلة من بطارية اخرى شغالة من سيارة صديقك او جارك وجرب لو دارت يبقى خلاص البطاريه هى الحل....

**sakr_skoda** · 10-01-2013 06:43 AM

المشاركة الأصلية كتبت بواسطة yhyakotb

لا انتو فاهمين غلط العربية الكهربة شغالة مية مية بس الستارت او المارش مبيشتغلش اصلا عشان يدور العربية بس لمض البيان بتشتغل واول مدوس المفتاح للتدوير بتحصل تكة خفيفة
انا النهاردة نزلت فى الجو دة والله لقيت الكاوتش الخلفى نايم كان مخروم وغيرتة وزقيت وروحت عشان اشوف الكهربائى لقيتة قافل بركن دلوقت بعيد عشان العربية خدت سمعة وحشة هههههههه

طيب ياعم بس جرب اللى انا قلتلك عليه مش حتخصر حاجة الموضع دا كان عندى امبارح اسمع تكة والعربيى مبتدرش الا زق وكنت شارى البطارية من اربع شهور وجافة كمان روحت للضمان قلى الشحن عندك ميت روحت للكهربائى غيرنا كتاوت الشحن اللى فى الدينمو وحطينا البطاريع على التنجر والمشكله خلاص اتحلت بحمد الله وتوفيقه....................

**المنسي** · 12-01-2013 01:16 PM

المشاركة الأصلية كتبت بواسطة yhyakotb

اول حاجة عملتها كشفت على الشحن وطلع تمام

العيب طلع شربون المارش عملتة ووانا مروح قطع تانى بس بقى يفصل نور مع التدوير ومتدورش روحت لكهربائى تحت البيت الافندى التانى كان سايب سلوك المارش قريبة فعلمت قافلة بس الحمدلله هوا عليها الصماويل سنة واشتغل تانى الحمد لله
وبجد الصنايعية منهم لله مفيش شغل بضمير وفلوس حرت

الحمد لله ان ربنا ستر
حاجتين فى المارش الشربون (المخدات بلغة الكهربائية) والاوتوماتيك يعملو الحركة دى