حد يعرف البطاريه دي عملت ليه كده

**Dr.kordy90** · 09-01-2013 06:45 PM

دلوقتي انا شاري العربيه بالبطاريه دي وهيه كويسه وشغاله الحمد لله وزي الفل بس ببص لاقيت اللي انتو شايفينه ده وانا معرفش انا كنت فاكرها جافه واعتقد هيه بالمنظر ده متبقاش جافه وهلي تستدعي التغير ؟

**Dr.kordy90** · 09-01-2013 09:29 PM

21 مشاهده ولا حد عبر طب وحدوووووووووووه انا ملاحظ ان القسم ده محدش بيرد خالص طب مفيش حد من الاقسام التانيه عنده فكره :d

**AlGazar2** · 09-01-2013 09:58 PM

غريبة الى على البطارية ده

الاضمن تخلى حد بتاع بطاريات يكشفلك عليها لو بايظه او الى بيسرب دى المادة الى جواها غيرها فورا عشان متبهدلكش حوض العربية

**Dr.kordy90** · 09-01-2013 10:03 PM

المشاركة الأصلية كتبت بواسطة algazar2

غريبة الى على البطارية ده

الاضمن تخلى حد بتاع بطاريات يكشفلك عليها لو بايظه او الى بيسرب دى المادة الى جواها غيرها فورا عشان متبهدلكش حوض العربية

طب حضرتك متعرفش اذا كانت البطاريه دي جافه ولا لا لاني غالبا هغيرها لان زي ما حضرتك شايف عملت صدا في الحوض وايه علاج الصدا ده وشكرا

**original** · 09-01-2013 10:09 PM

البطارية الجافة بيبأا جواها سائل برده بس مش بيحتاج صيانة ولا تغيير..
المنظر إنها ضاربة مع إنها شغالة بس أعتقد إن الأفضل إنها تتغير لأنها ممكن تعطل فى أى لحظة..

**Dr.kordy90** · 09-01-2013 10:17 PM

المشاركة الأصلية كتبت بواسطة original

البطارية الجافة بيبأا جواها سائل برده بس مش بيحتاج صيانة ولا تغيير..
المنظر إنها ضاربة مع إنها شغالة بس أعتقد إن الأفضل إنها تتغير لأنها ممكن تعطل فى أى لحظة..

تمام ان شاء الله اغيرها بس هوه لازم نفس الامبير ولا ممكن اجيب امبير اعلي وشكرا

**bobbozo4b** · 09-01-2013 10:19 PM

البطارية ده فارتا المانى جافه 56 امبير
لازم تشلها فورا عشان المواد الكيميائية السامة بتعتها اتسربت منه ونزلت على القاعدة بتاعتها
وكمان ممكن تكون نزلت على حوض العربية وممكن تاكل فى الحديد والصاج
وعلى مااظن انها وقعت قبل كده فاحصل فيها شرخ هو السبب فى التسريب

**bobbozo4b** · 09-01-2013 10:23 PM

المشاركة الأصلية كتبت بواسطة dr.kordy90

تمام ان شاء الله اغيرها بس هوه لازم نفس الامبير ولا ممكن اجيب امبير اعلي وشكرا

روح لحد سمكرى كويس الاول يكشف على مكان ماسربت عشان يطمنك على الحوض
هو الاحسن ان لو 56 الامبير هو الموصى به فى كتالوج السيارة يبقى ماتزودش
عشان قدرة الدينامو على الشحن بتتناسب مع قدرة البطارية
يعنى لو اكبر من قدرة الدينامو يبقى هاتاخد وقت اطول فى الشحن وبالتالى تتعب الدينامو
وكمان ممكن ماتتشحنش بالكامل فايقصر عمرها

**aw2100** · 09-01-2013 10:27 PM

راجع على شحن الدينامو لو الشحن عالى بيطلع مية من البطارية الجافة من فتحات التهوية ولو فية شرخ فى جسم البطارية غيرها فورا وانصحك بالهانكوك الكورى 70 امبير ممتازة ؟!!!