السلام عليكم
مشكله غريبه شويه
مؤشر الزيت يضيئ بشكل متقطع عند الضغط على دواسة البنزين
الزيت لسه متغير من 3 شهور ومقياسه في الأمان
السيارة فيات أونو موديل 89 ، مانيوال
عرض للطباعة
السلام عليكم
مشكله غريبه شويه
مؤشر الزيت يضيئ بشكل متقطع عند الضغط على دواسة البنزين
الزيت لسه متغير من 3 شهور ومقياسه في الأمان
السيارة فيات أونو موديل 89 ، مانيوال
غالبا كده طرمبة الزيت بتودع...
روح لميكانيكي يكشف عليها
و ممكن برده اللمبة تكون ملمسة فمع ميل العربية لقدام تلقيها نورت
يتكلف كتير تغيير طلمبة الزيت لا قدر الله إن كانت دي المشكله؟
حوالي 150-200 جنيه بالمصنعية
بص هوة 90% طلمبة الزيت ضعفت و عاوزة تتغير
و دي شغلانة متعبة شوية
يعني الطلمبة مش رخيصة اعتقد ممكن 300-400 جنية وممكن اكتر
و شغلانة فك الكارتيرة و تغيير جوانها و فك سير الكاتينة و و طنابير و غيرة (حسب العربية) تاخد نص يوم و مصنعيه ممكن 80 جنية في المتوسط من الميكانيكي و ممكن اكتر حسب
لكن الأول
لو الفلتر و الزيت بقالهم كتير احتمال يكون دة السبب و ان الفلتر مسدود شوية
يبقى غير زيت و فلتر
ثانيا لو العيب ماراحش اكشف انة مش عيب ساعه الزيت
و دي بسيطة تتغير في دقايق و اماتتكلفش
يعني ساعه الزيت ممكن ب 10-15 جنية مثلا و الميكانيكي ماياخدش نص ساعه شغل و 10-15 جنية مثلا
طيب نعرف ازاي انها الساعه مش الطلمبة
تتفك الساعه و العربية مبطلة و بعدين تدور العربية و الميكانيكي يحس بايدة ان كان الضغط اللي طالع من مكان الساعه قوي وللا ضعيف
لو ضعيف يبقى بالتالي الطلمبة ضعفت
و فية بعض الناس لما بتتحل الطلمبة لو مافيهاش تآكل و فيها وساخة و سدد يقوموا ينضفوا الطلمبة كويس بالجازوتتطهر بالبنزين و تتنفخ كويس بالهواء و تتركب و احتمالات الموضوع يتعالج لو فعلا الطلمبة سليمةو مافيهاش تآكل(وبالذات لو الطلمبة بتاعه العربية غالية) يبقى مايمنعش انك تحاول فيها بالتنضيف
معلومات قيمه جدا، نجرب ونوافيكم بالنتائج إن شاء الله
ربنا يوفقك و يسترها ان شاء الله و ابقى طمننا
اغلب الظن ساعة الزيت او السلك الواصل لها
مش ثابت كويس.
غير زيت
وغير فلتر الزيت
لو نفس المشكلة موجودة راجع على ساعة الزيت
لو المشكلة قائمة يبقى غالبا طرمبة الزيت باظت
الحمد لله ،
غيرت فلتر الزيت والحمد لله المشكله إنتهت، جزاكم الله خير على تعاونكم وخيراتكم