الموضوع: **إعـلان نتيجة التصـوييت على موعد المقابلة+ تحديد المكــان**

بعد إنتهـــاء مهلة التصوييت على إختيار موعد المقابلة القادمة

حيث قام بالتصويت 54 عضو منهم 32 إختاروا الجمــعة و 22 السبت :)
---------

تحددت النتيجة بناء على رغبات الأعضاء وهى إن شاء الله يــوم الجمـــعة المـــوافق 6/7/2007

-------------------------

الآن التصوييت الثانى على المــكان

* فهناك من يحبذ العبـــور و ذلك لوسع المكان الذى نتجمع فيه و الهدوء و الطرق داخل مدينة العبور التى تجعل إختبار السيارات سهل على أى عضو يريد تجربة أى سيارة بدون مخاوف أو قلق بجانب إن هناك الهواء جميل لأنها منطقة مفتوحة و واسعه

* و هناك من يريد الربوة حيث أنها مكان قريب و على الدائرى و التجمع و بالتالى أيضا هناك فرصة للتجربة و إن كانت ليست بأمان العبور
و هناك أيضا مكان للجلوس يعتبر كويس لكن مشكلته فى العدد لو إحنا كثير هايكون مش مريح أوى

-------------------

طبعا العدد بتاع التصويت هو إللى هايحدد المكان الأفضل للجميع إن شاء الله

التصـــوييت مدته 4 أيام فقــــط

=========================

شرح المكانين:
--

* الربوة :
تقع الربوة فى آخر ذاكر حسين (الحى العاشر مدينة نصر) يعنى لو إنت عارف سوق السيارات الحى العاشر بتمشى و تخلى السوق على يمينك و تعديه متوجه إلى آخر الشارع فى إتجاه القاهرة الجديدة مش إتجاه مدينة نصر لحد ما توصل آخر الشارع هاتكون الربوة على إيدك الشمال عبارة عن مكان مرتفع فيه كافيتريا كده تبع الجيش تقريبا هى دى الربوة بتلف اليو تيرن و تركن فيها بارك صغير كده
لو إنت قادم من المعادى بتعدى كارفوور لحد ما توصل عند أكاديمية الشرطة فيه نفق ماتنزلوش و لف الصانية التى تعلوه كأنك داخل مدينة نصر هاتكون الربوة على يمينك إركن فيها
--------

* العبور:
تقع مدينة العبور على طريق الإسماعيلية بعد السندباد و بعد الهايكستب و بعد الحرفيين وبعد مدينة السلام
يعنى لو إنت قادم من صلاح سالم من عند الكلية الحربية بتاخد طريق الإسماعيلية و تخلى السندباد على شمالك و تفضل ماشى لحد ما يقالبك كوبرى إطلعه و إنزل بعده هايقابلك موقف ميكروباص العاشر من رمضان كمل مفيش بعده 5 كيلو و يمكن أقل هايكون مدخل العبور من على يمينك فى نفق صغير لافف بتدخله و إنت طالع بتمسك يميـــنك على طول هايكون مدينة ملاهى جيرو لاند على يمينك تفضل ماشى حوالى 7 كيلو هايكون ده مكان التجمع بتاعنا

-------------------------

إن شاء الله المكان الذى يتم الموافقة عليه نبقى نضع له خريطة من جوجل أو حاجة عشان كل الناس تعرف