الموضوع: تسعيير السيارات المستعملة الجزء الخامس

أستاذ شريف صاحب العربية الفيتارا كلمني انهارده وانا كنت شفتها من 10 أيام تقريباً ، واخر كلمة انا قلتها في السعر 50 ألف جم، بعد ما كان بيقول 57 ، بس انا لسه مردتش عليه ، قلت أسأل حضرتك الاول ، أروح اكشف عليها بالكمبيوتر ولو طلع الحال تمام اخلص فيها بالسعر ده ولا هكون انا كده خسران .
منتظر رأي حضرتك ، أذكر حضرتك بمواصفاتها :

2. سوزوكي فيتارا موديل 1998
فابريكه دواخل ومعظم الخوارج ( لما شوفتها الخوارج فابريكة لكن حالتها مش حلوة)
مانيوال 4 باب
ماشية 90 أل كم ( لما شوفتها لقيت العداد 37 ألف كم بس، وقالي هوه اشتراها من واحد تبع المعاقين)
تكييف ، سنتر لوك ، باور ستيرنج ، نظام abs ، زجاج كهربائية
صاحبها مش محافظ عليها وباين عليها محتاجه شغل ، لو صرفت عليها 5 ألاف يبقى وصلت ل 55 كده كويس علشان اعادة البيع مخسرش فيها كتير ؟ انا محتار !