تسعيير السيارات المستعملة الجزء الخامس

**ahmed255741** · 29-01-2013 10:43 PM

برجاء تسعير
فلوانس 2011 مانيوال اول فئة فبريقة برا وجوا الكيلومتر بتاعها 65000 كم
وشكرا

**eldosary** · 30-01-2013 09:44 AM

السلام عليكم ورحمة الله وبركاته
لوسمحتم كنت عايز اعرف سعر سيارة كيا ريو1 كاملة اتوماتيك عداد 45000 ك رشة فى الكامل ماعدا السقف ومحتاجة شغل فى العفشة
وشكرا

**solly1979** · 30-01-2013 02:59 PM

برجاء تسعير
النترا 2010 اوتوماتيك رشه جنب واكصدمين نضافه
عامله 30 الف كيلو غبور وبرة الضمان

رينو 2006 بانوراما رشه اكصدمين فى التوكيل عامله 66 الف كيلو
حاله فوق الممتازة ولا تحتاج اى مصروف وصيانات توكيل ومراكز خدمه معتمدة فقط

**Lolopepo** · 31-01-2013 12:55 AM

استاذ شريف ملجا لينا دايما و مرشد لينا وسط ظلام سوق السيارات
ارجو من سيادتكم التكرم و تسعير السياراتان لاني افاضل بينهما
سيارة متسوبيشي لانسر كريستالة كاملة اوتوماتيك موديل98 بها جنوط رشة برة فبريقة دواخل موتورها معمر من اربع سنوات و مش عارف عاملة كام كيلو بس اعتقد انه عالي.
و سيارة دايو لانوس 99 كاملة مانيوال فبريكة جوة و رشة حزام و كبوت برة و عاملة 200000 كيلو يعملو كام و ايهما افضل و ترشحة ليا.

**أبو يوسف** · 31-01-2013 10:42 AM

هو لية أ/ شريف , مش بيرد علينا ؟
أبو يوسف

**magid1010** · 31-01-2013 12:48 PM

معلش يا استاذ شريف دايماً تاعبينك عربيه نوبيرا كورى رشه بره موديل 2000 عداد عامل 128000 كيلو و مغيره الفتيس و فيها مقص عايز يتغير و التكيف الكباس محروق تعمل كام؟و شكرا مقدما

**ahmed_belta** · 31-01-2013 08:23 PM

132 1600 موديل 74 حالة جيدة محتاجة سمكرة خفيف في الحوض و الدواسات راشة بره و جوه كذا مرة
السؤال هنا ؟؟
اللي عايز يشتري بيقولي طلباتك باقوله أفصل يقولي ماعرفش حاجاتك و إنتا أدرى بيها هو إنتا مافصلتهاش قبل كده أقوله لأ يقولي طيب قول دماغك فيها إيه أقوله 22000 يقولي ليه ولا 20 ولا 18 و 15 بالعافية ونتكلم كمان
يجيلي إحباط من البيع و أروح أصرف عليها مبلغ ومايبنش فيها حاجه
و هكذا
السؤال أقول كام للي بيشتري بحيث مايكونش كلامي غريب و إمتى أتكلم معاه و لو نزلت شوية ممكن أوصل لكام
عشان أبقا عارف
و شكراً

**elgabry1977** · 31-01-2013 11:33 PM

برجاء تسعير اوكتافيا a5 2009 تانى فئه و كيل ( جنط 16 و كاسيت عريض و مثبت سرعه ) عداد 66 الف كم لا يوجد بها اى رش و بجاله ممتازه و كل صيانتها فى التوكيل و مشكور مقدما

**amrelsaqqa** · 01-02-2013 09:55 PM

المشاركة الأصلية كتبت بواسطة pop man

اكبر مجهود ومتابعه معمول فى المنتدى كله هو الموضوع ده مع احترامى للجميع
بجد الف شكر يا أستاذنا
نيجى بقى لسؤالى

قدامى عربيه 127 موديل 83
العربيه لسه معموله سمكره ودوكو وحاله البويه والصاج 90 % كويس
ماتور جيد جدأ أستيراد 6 غيار
صالون ممتاذ
فردتين كاوتش تيوبلس امامى والخلفى حاله كويسه
عفشه ممتاذه ماعده مساعد شمال امامى محتاج تغيير
رخصه سنتين
يعنى كل حاجه فى العربيه كويسه جدأ
بس المشكله انها راشه دواخل والسبب ان كان فيه خبطه جامده جدأ فى الحوض من قدام على اليمين وسمعت فى الشاسيه جامد وتم لمها بزرجينا وتم تصليحها ورش الحوض :i_angr1[1]:
المهم انى انا عجبانى العربيه وعايز اخلص فيها بس الناس مخوفانى والميكانيكى موتلى سعرها خاااااااااااااااااااالص وقالى ملعوب فى اسسيتها
هو صاحبها بيتكلم فى 10 الاف جنيه والميكانيكى لما شافها موت سعرها وقالى اخرها 7.5
المهم انى نزلتها مع الراجل ل 9 الاف بالعافيه ايه رأيكم يا جماعه اخلص ولا بلاش احسن خصوصأ انى الفلوس ربنا العالم جايه ازاى وانى مش حمل بهدله ومصاريف ؟؟
وهل لو خلصتها الموضوع القديم بتاع الخبطه ده ممكن يفتح تانى ويتسبب فى مشاكل ولا طالما اتعمل خلاص مش هيفتح ؟؟؟
وياريت كمان اعرف رأيك فى سعرها علمأ بأن كل حاجه سليمه ما عدا الموضوع بتاع الحوض ده

وشكرأ جدأ جدأ مقدمأ

فكك منها ، تدفع 9 الاف في عربية مش سليمة ليه ! اذا كان نفس السعر ممكن يجيبلك واحدة سليمة !

**ka3bool911** · 02-02-2013 11:23 AM

سياره لأنشر ٢٠٠٧ أوتوماتيك ١٦٠٠ cc هاف اسبورت فابريقه بره و جوه ١١٦.٠٠٠ كيلو

محتاجه الصدام خلفي و في فعصه بسيطه في الباب اليمين و من غير كاسيت

سياره رينو فلونس حاله ممتازة ٢٠١١ الفئة الأولى أوتوماتيك عامله ١١.٠٠٠ كيلو

سياره أوكتافيا فانتزيا حاله ممتازة ٢٠١١ الفئة الأولى أوتوماتيك عامله ١٥.٠٠٠ كيلو

سياره باسات استيشن حاله ممتازة ٢٠١٠ الفئة الأولى أوتوماتيك عامله ٢٥.٠٠٠ كيلو