تسعيير السيارات المستعملة الجزء الخامس

**monamize4** · 10-04-2013 10:03 PM

عربية لانسر بومة 2007 اوتوماتك 70 الف كيلو فبريكة برة و جوة مفهاش غير اير باج واحدة و سبويلر (مفيش abs ولا جنوط )
تعمل كام يا استاذ شريف؟ لو حبيت ابيع بعد كدة , هل عدم وجود ال abs هيخلى سوقها ضعيف؟

**sherifowahba** · 10-04-2013 10:49 PM

المشاركة الأصلية كتبت بواسطة hunter_9

استاذ شريف ....صباح الخير..... بعد أذن حضرتك..

عربيه كيا ريو 2003 أوتوماتيك.... ماشيه 110,000 كيلو...... و صيانتها بالتوكيل و فابريكه دواخل... يا ترى سعرها كام؟

و السؤال التانى..... لو عايز عربيه أوتوماتيك... أقصى سعر أقدر عليه 63,000 ألف جنيه..

يا تري أيه العربيات الجيده فى السعر ده؟

شكرا جزيلا لمساعدة حضرتك

تعمل 45 الف بدوون مصاريف
و المتاح في هذا الرينج
فيرنا 2009 فابريقة
جين 2 2007 فابريقة
افيو 2008
صني 2003 فابريقة
لانسر 2001 فابريقة دواخل

**sherifowahba** · 10-04-2013 10:56 PM

المشاركة الأصلية كتبت بواسطة dr hossam badr

مطلوب تسعير سيارة رينو كليو مانيوال2004 مواصفات خليجى
موتور 1400 سى سى بحالة جيدة جدا وواحد ايرباج و2 زجاج كهرباء وبور وسنتر لوك وجميع الصيانات فى التوكيل منذ نزولها مص من 2006 العربية فى المجمل حالتها كويسة بس...
1-واخدة خبطة فى الشنطة من اليمين ومعمولها السمكرة من جوة ولكن لم ترش جوة مكان السمكرة ورشت من برة مكان السمكرة وبخلاف ذلك العربية فبريكة و....
2-مغيرة الرفرف الامامى والكبوت وهما الاتنين محتاجين يترشوا بلون العربية
والعربية محتاجة شوية نضافة دة كل اللى فيها.
ياترى بقى سعرها كلم العربية دى ؟؟؟؟؟؟
وشكرا مقدما .

الخبطة في غطاء الشنطة و لا في اساسيات الشنطة من الداخل

**sherifowahba** · 10-04-2013 10:58 PM

المشاركة الأصلية كتبت بواسطة batman372

ا. شريف برجاء تسعير ك

طراز السيارة : نيسان صنى - اكس صالون
موديل السيارة 2007 - اوتوماتيك - ذهبى
سعة المحرك ال 1600 سي سي
حالة الدهان الداخلي والاساسيات : فابريكه
حالة الدهان الخارجي : فابريكه - يوجد بعض الخرابيش و الاحتكاكات الجانبيه لم يتم عملها بعد ...
عداد الكيلومتر 59500
حالة الموتور والميكانيكا : ممتازه
حالة الكهرباء : ممتازه
حالة الصالون : جيده
حالة الكاوتش و الزجاج : جيده
الحالة العامة للسيارة وهل محتاجة مصاريف : كل السيرفيسات تتم فى مواعيدها فى التوكيل / ممتازه

مع الشكر لك ...

تعمل 72 الف

**sherifowahba** · 10-04-2013 11:12 PM

المشاركة الأصلية كتبت بواسطة amir

طيب علي بال ما اوصل لعربيه مناسبه هتعبك معايا بزياده الله يعينك بقي

نيسان صني
اوتوماتك
اي اكس صالون
فابريكه جوه فقط و السقف بره
ماشيه 130 الف كيلو
و عندي ليك استفسار بسيط
فاكر البروتون ساجا اللي موديل 2010 اوتوماتك اللي قلتلك عليها كانت ماشيه 44 الف كيلو فابريكه بره و جوه
انا كلمت الراجل وصلت معاه ل 68 الف و كنت قلتلي ان تمنها 65
و الماتريكس اللي كانت موديل 2006 ماشيه 120 الف كيلو فابريكه جوه و سقف برضو الراجل ماسك في 70 مع انك قلتلي تسوي 65
اعمل ايه وياهم انا بسئلك و ببقي مستني انفذ بس الناس مش مقتنعه و ماسكين في السعر المعروض هو التسعير مش بما يرضي الله طيب دلني اعمل ايه ولا اتكلم ازاي معاهم كل ما اقلهم سعرها في السوق كده و كأني بتكلم هندي

المشاركة الأصلية كتبت بواسطة amir

كالعاده نسيت اقول موديل النيسان 2008

تعمل 70 الف
و بالنسبة للاسعار اليوميين دوول فعلا في زيادة نتيجة واقع السوق الحالي و لكن الناس بتزود اكثر من الزيادة الفعلية مستغلين بذلك قلة السيارات المعروضة بحالة جيدة بالاضافة الي وضع الارتفاع الموجود فعلا بالاسعار

**sherifowahba** · 10-04-2013 11:14 PM

المشاركة الأصلية كتبت بواسطة alfa1

معروض علي كليو2003 (زجاج مانيوال - طارة عادية)
حالتها كالاتي:
-الموتور قفش لسه مغيرله شورت بلوك بنفس كونترول وتغذية القديم ولسه ماتثبتش عالرخصة
-فابريكة بره وجوه ماعدا الباب الشمال
-محتاجة شبكة وفانوس امامي
-محتاجة رش نضافة مستقبلا
-عداد السرعة بيعلق احيانا
-الكبوت عليه ترييحة عربية نص نقل
ايه رايكم وسعرها كام وتنصحوني بايه
لكم جزيل الشكر مقدما

تعمل 39 الف و الموتور مثبوت بدوون مصاريف

**sherifowahba** · 10-04-2013 11:17 PM

المشاركة الأصلية كتبت بواسطة hamada hozein

استاذ شريف انت برنس
ما شاء الله عليك
بعد اذنك تسعر العربية دي
١٢٨ موديل ٩٠
١٣٠٠ سي سي
حالتها متوسطة
موتور ممتاز
محتاجة شغل بسيط في العفشة
مش محتاجة رش خارجي
هي راشة دواخل لان كان في شرخ بسيط في الحوض بسبب البارومة
الكاوتشات محتاجة تغيير
انا مشيت على العربية على سرعات عالية وكويسة الصراحة
صالون متوسط
كهرباء محتاجة شغل
للاسف مش عارف عاملة كام كيلو بس هي استعمالها متوسط
شكرا واسف على الازعاج

تعمل 16500

**sherifowahba** · 10-04-2013 11:21 PM

المشاركة الأصلية كتبت بواسطة mshaheen1

السلام عليكم ورحمة الله وبركاته

أستاذ شريف

برجاء تسعير السيارة أدناه ولكم وافر الشكر والتقدير والاحترام

بروتون بيرسونا 2012
ماشية 17 الف كيلو
أتوماتيك
عملت حادثة بسيطة تم تغيير الجنط فيها (الجنط الأمامى يمين)

فابريكا دواخل وخوارج حالة جيدة

تعمل 85 الف باعتبار اثر الخبطة جنط فقط

**sherifowahba** · 10-04-2013 11:23 PM

المشاركة الأصلية كتبت بواسطة ramozz

استاذ شريف السلام عليكم الرجاء تسعير دى بالمواصفات الاتية هيونداى فيرنا موديل 2010 كاملة منيول فبريقة برة و جوة بدون اى خدوش فى البوية 50000 الف كيلو كوتش جديد ممشيش 1000 كيلو كونتيننتال جانت سبور 14 جديد بطارية جديدة بالضمان صيانة التوكيل كل 5000 كيلو بالفواتر فوانيس شبورة + xenon عالى و واطى و شبورة وحدة رفع زجاج كاسيت سماعات pioneer gm kenwood و شاشات dvd و كاميرا خلفية و فرش جلد ستاير خلفية مثبوتة على الرخصة و حالة العربية من الداخل زيرو

تعمل 62 الف

الموضوع: تسعيير السيارات المستعملة الجزء الخامس

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تسعيير السيارات المستعملة الجزء الرابع

رابطة مالكي وعشاق التمبرا (الجزء الخامس)

تسعيير السيارات المستعملة هدية لاعضاء نايل موتورز (الجزء الثالث)

الجزء الخامس: أنا والسفنتينا .. وعلى الأمانة السلام

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة