تسعيير السيارات المستعملة الجزء الخامس

**gmslem** · 04-06-2013 07:13 PM

من فضلك يا استاذ شريف :

فيرنا 2011 كاملة مانيوال عداد 77 الف سفر " القاهرة اسكندرية مرتين في الاسبوع " فبريكا بالكامل برة جوة ... جنوط اسبور تايواني 15 وكوتش و بطارية من اسبوع .... حالة ممتازة 90 % صالون و عفشة و موتور و رخصة 9 شهور .... تساوي كام ؟
__________________

كمان من فضلك رينو لوجان 2010 اول فئة 2 زجاج كهربا .... فبريكا دواخل راشة برة رخصة 2 سنة عداد 26 الف كيلو لا تحتاج مصروفات

؟؟؟؟؟؟؟؟؟؟؟؟

**Abedosss** · 06-06-2013 03:58 PM

السلام عليكم ورحمة الله
استاذ شريف
تحياتي
برجاء المساعدة في تسعير هذه السيارة
ماركة السيارة فورد فوكس
طراز السيارة سيدان
موديل السيارة 2009
سعة المحرك ال سي سي 1600
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية: فبريكة من الداخل
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا : حالة جيدة لكن رشه خارج
عداد الكيلومتر 65000
كماليات السيارة مع تحديد فئتها ان وجدت بيز لاين او هاف او هاي لاين او سبورت : جيا هاى لاين
حالة الموتور والميكانيكا: جيدة جداً
حالة الكهرباء :جيدة جداً
حالة الصالون :جيدة جداً
حالة الكاوتش و الزجاج: جيدة جداً
الحالة العامة للسيارة وهل محتاجة مصاريف ام لا: لا
بانتظار ردكم الكريم
شكراً

**hasanh_red** · 07-06-2013 01:40 AM

السلام عليكم ورحمة الله
استاذ شريف ربنا يكون في عونك ويجعله في ميزان حسناتك الصراحه لم أقرأ كل التعليقات لانها كتيرة جدا علشان كدة ربنا يكون في عونك
طلب مساعدة في شراء عربيه مستعمله ودة اول عربيه ليا ميزانيتي 65 الف وحابب الانسر اي موديل في حدود ميزانيتي وحالتها اه وربنا يجعله في ميزان حسناتك ويعينك :)

**ahmed khedr** · 07-06-2013 02:32 AM

من فضلك يا استاذ شريف تسعير عربيتي

النوع : شيفورلية اوبترا

الموديل : 2005

النوع : خليجي وموجوده في مصر من سنه واحده بس

المسافه : 110000

الحاله : ممتازه جدا

اوتوماتيك اعلي فئه

CD AND USB player

زجاج ومرايات كهربا

حاله العفشه والصالون ممتازه جدا

اثنين ايرباج

الكاوتش جديد بشوكه

الزيت تم تغيره من اسبوعين

لا تحتاج اي اي مصاريف

**cvt2008** · 07-06-2013 05:16 PM

اوبترا 2006
أوتو
200 الف كيلو
فبريكة دواخل
رشة حزام ومغيرة رفرف
اللون الاسود
بطارية جديدة
زجاج كهربة
تعمل كام

**sherifowahba** · 08-06-2013 03:01 PM

المشاركة الأصلية كتبت بواسطة mgibrael

....طلب تسعير ....
المالك : رقم 2 للسيارة
ماركة السيارة : تويوتا كورولا
طراز السيارة : سيدان جنوب افريقى فتيس خليجى (اوتوماتيك)
موديل السيارة : 2010
سعة المحرك ال سي سي : 1600
بيقول صاحبها 165 حصان (اشك فى الكلام ده)
حالة الدهان الداخلي : فابريكة
حالة الدهان الخارجي : فابريقة بالكامل ماعدا اكصدامين مرشوشين نظافة والباب الامامى يمين كان مرشوش من المالك الاول و المالك التانى فك الباب وملقاش اى خبطات من جوة و يوجد نقرة صغيرة فى الباب الخاص بالسائق لا تستدعى الدهان.
عداد الكيلومتر 56000 كيلومتر
بدون فتحة سقف.
كماليات السيارة : Full option مفتاح start & stop engine

حالة الموتور والميكانيكا و حالة الكهرباء : لا أعرف و لكن مع التجربة تبدو زيرو
حالة الصالون : فرش جلد عمولة
حالة الكاوتش : جنط 16 عامل فى حدود 5000 كيلو
الزجاج : الزجاج الامامى تم استبداله بالاصلى للسيارة.
فانوس الشبورة واحد معتم والتانى الفبرة مشروخة جامد.
الحالة العامة للسيارة : جيدة لا تحتاج مصريف.
أرجو نصيحة بمكان لفحص السيارة.

تعمل 115 الف

**sherifowahba** · 08-06-2013 03:10 PM

المشاركة الأصلية كتبت بواسطة أبو سلمي20

السلام عليكم ورحمه الله وبركاته
عايز اعرف سعر العربيه
لوجان روماني2009 mcv خمس مقاعد
1600 cc
زجاج كهربائي امامي
سنتر لوك
رخصه 3 سنين
لون ذهبي دواخل وخوارج فابيرقه بالكامل
تم عمل سمكره في الباب الخلفي الايمن
رشه حزام نظافه
متغير فيها بليه الدبرياش + صباب واحد
ماشيه 86000
حاله الموتور جيده

تعمل 45 الف

**sherifowahba** · 08-06-2013 10:03 PM

المشاركة الأصلية كتبت بواسطة حياتى امل

لو سمحت سعر لى السيارة
فيات 128 موديل 91 بها زجاج كهربا سنتر لوك فبريكة من الداخل رشة خارجى جموط اسبور
ماتورها خفيف شوية وماعدا ذلك كويس

تعمل 18500 بالحالة المذكورة

**sherifowahba** · 08-06-2013 10:06 PM

المشاركة الأصلية كتبت بواسطة emad81

استاذ شريف بعد التحية ارجو تسعير هذه السيارة

ماركة السيارة : هيونداى اكسيل
طراز السيارة : سيدان
موديل السيارة : 1996
سعة المحرك ال سي سي : 1500
حالة الدهان الداخلي : فابريقة بالكامل وبأختام المصنع

حالة الدهان الخارجي : رشة نظافة وبتاع الدوكو رش السقف دون الحاجة لذلك ويوجد خرابيش بسيطة فى الرفرف الشمال "السيارة نبيتى ميتاليك

عداد الكيلومتر: انا شفته 267000 مش عارف متصفر ولا لأ

كماليات السيارة : كاملة مانوال -اربعة ازاز كهرباء- تكييف شغال - باور - سبويلر- طاسات اصلى - كاوتش جديد - فتح الشنطة والتانك من الداخل- كاسيت والسماعات الأصلى

حالة الموتور والميكانيكا: معموله طقم شنبر من 3 شهور
حالة الكهرباء : لاأعلم
حالة الصالون : فرش المصنع وبحالته
حالة الكاوتش و الزجاج: كاوتش جديد والزجاج جيد

الحالة العامة للسيارة وهل محتاجة مصاريف ام لا

فى ترييحة زى خبطة فى العتبة الشمال تحت البابين وفى خبطة صغيرة فى السقف ورا الباب الشمال ورا بس انا مش شايفها مؤثرة
العربية فيها رخصة لغايت شهر 4\ 2014 من المالك مباشرة
ليا استفسار استاذ شريف : هو موديل 96 تقفيل مصرى ولا كورى؟

الف شكر

تعمل 34 الف
و الموديل ده غبور مش كوري

**sherifowahba** · 08-06-2013 10:10 PM

المشاركة الأصلية كتبت بواسطة ahmedelzeeny

استاذ شريف لو سمحت عاوز اعرف سعر بى ام e21 انا مفيش قدامى عربيه محدده بس انا بفكر فيها وعاوز اعرف رينج سعرها كام
وهل قطع غيارها متوفره ولا قليله وغااااااااااااااااليه ؟؟؟؟
وهل هلاقى ليها قطع غيار عندنا فى المنصورة؟؟؟؟
وعاوز اعرف رأى حضرتك فى العربيه وخصوصا انها ركوبه وسعرها معقول

تعمل رينج ال 15 الي 20 الف
قطع غيارها غالية و اصبحت قليلة في الاستعمال
قطع غيارها في المنصورة قليلة
رايي ان موديل قديم و متهالك في المجمل تقريبا و انا لا انصح بالالماني المتهالك انصح بالالماني يكون بحالته لانه صيانته بترهق

الموضوع: تسعيير السيارات المستعملة الجزء الخامس

LinkBack

أدوات الموضوع

عرض

-

-

-

-

-

-

-

المواضيع المتشابهه

تسعيير السيارات المستعملة الجزء الرابع

رابطة مالكي وعشاق التمبرا (الجزء الخامس)

تسعيير السيارات المستعملة هدية لاعضاء نايل موتورز (الجزء الثالث)

الجزء الخامس: أنا والسفنتينا .. وعلى الأمانة السلام

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة