تعالو نفكر مع بعض نطورها "نبدأ بالاداره العامه للمرور"
ايه رايكم نقيم نفسنا ونقيم اداء الحكومه فعليا على ارض الواقع ونشوف هل فى حلول ممكن تتعمل بسهوله وباقل التكاليف وتساعد فى تطوير البلد وراحه المواطن وتقليل الفساد ولا الموضوع معقد وفعلا حكوماتنا على مر التاريخ مظلومه معانا :B4_444:
فكرتى هى اننا ناخد مؤسسه معينه من مؤسسات الدوله ونتناقش فى تطويرها ونطلع افكار سهله وموفره من بدايه دخول المؤسسه لحد الخروج منها كل واحد حسب خبرته ومجال تخصصه او كمواطن نفسه يلاقى ايه او يتعامل ازاى وفى نفس الوقت علشان محدش يقول ان مشكلتنا مشكله عقول عايزين يكون تطوير النظام ان التعامل مع الموظف يكون فى حدود شغله بما يحقق راحته برضه كموظف وفى الاخر نحط الافكار جمب بعض فى صوره منسقه كحل لو وصلناله ....ولو موصلناش لحلول يبقى احنا ظالمين المسؤلين معانا قوى ........
وملحوظه بس على الهامش يا ريت المشاركين فى احوال الشارع بعيدا عن الاحتقان بينهم وبين بعض يشاركوا معانا لاثبات ان الجميع بيختف وبيدافع عن وجهه نظره لصالح البلد
وبقول بما اننا فى موقع عربيات نبدأ بالاداره العامه للمرور
:breakpc2:
واحب ابدأ انى بصراحه لما سافرت امريكا ودخلت ال dmv علشان اطلع id واسال على الرخصه اكتشفت ان النظام ده حاجه بسيييييييطه وسهله جدا
بدايه وانت داخل المكان بره بتلاقى بارك كبير علشان انت اكيد داخل المرور فمعاك عربيه فمش حترميها فى الشارع والبارك متقسم بخطوط علشان تحدد مكان كل عربيه بحيث يساع اكبر عدد من العربيات ولو راجل اركن غلط على الخط هتلاقى ظابط محترم بكل هدوء ظبطك واحد مخالفه بغرامه جامده علشان تحرم "وده عرفته لما سالت قريبى انت عمال تلف ليه فى البارك مترميها فى اى حته فلقيت ايموشن غريب ونظره دونيه وكانه بيقولى خد شنطك وارجع بلدكو:7_6_5v[1]:" فان كانوا هناك بيغرموا الناس علشان يحترموا القانون احنا لا ليه . اه وعلى فكره اللى عرفته برضه ان اذا حد قفل على عربيتك او ركن غلط وانت تعبت نفسك ورحت بلغت عنه فالظابط المسؤل عن البارك بيعاقب برضه على اساس اهمال وكده يعنى:Ka_che1[1]: .
طيب ده البارك اول لما تدخل بقى بتلاقى بعد الباب واحد واقف معرفتش شغلته ايه لان قريبى اللى كان بيتعامل وبعد كده عرفت ان ده اهم وظيفه فى المكان ده اللى وانت داخل بيسال معاليك رايح فين وداخل ليه ولما تقوله داخل اعمل رخصه يدى سيادتك رقم لموظف او موظفه معينه بتكت كده ومش عشوائى كده لا لاقل واحد عنده عدد من الناس علشان مياخرش سيادتك ولو علشان تعمل id لموظفين تانيين متخصصين فى ده ولو استعلامات علشان تسال ايه الاجرائات او عندك مشكله يبقى لموظفين شغلتهم يرشدوك:B4_556::U_thin1[1]: بدل متقف فى الطابور" عندنا" وبعدها يقولك كمل ورقك وتعالالى على اساس المفروض اذاكر الورق المطلوب منى قبل مدخل لسيادته -ما علينا - المهم بعد لما تاخد رقمك زى البنوك عندنا كده بتقعد فى الاستراحه اللى هى بعيده عن الموظفين شويه وقدامك شاشات تبص فيها على رقم موظفك اللى القدر اختارك تتعامل معاه ورقم المواطن اللى معطل سيادتك علشان ييجى عليك الدور وفى خلال الفتره دى عندك كافيه تاخد منه اللى انت عايزه ولو راجل برضه لما تخلص ترمى حاجه فى الارض هتلاقى اخو الظابط اللى فى البارك بيعمل معاك نفس الحكايه بالظبط :hitwall3:-علشان تتربى - وتنتظر فى هدوء داخل التكييف لما يحين دورك اللى بييجى بسرعه علشان اللى بيروح يقضى مصلحه مبلففهوش على كل المكاتب لحد ماليوم يخلص وييجى بكره يستلم زى عندنا .
لحد كده فى مشكله ولا حيكلف الحكومه حاجه ولا حيتعب الموطن فى حاجه بالرغم من ان كل اللى قولته ده نقل يعنى مطورناش حاجه لسه ........اذا فى حاجه ممكن مكونش شايفها حتصعب ده عندنا يا ريت تنورونى ........ ويا ريت لو حد عنده اضافه يقوللى .
وشويه كده ونكمل افكار جديده مش عندنا وسهل نعملها للمرور .:bye2:
