النور الأمامي بيشتغل لما العربية تسخن فقط !!

**abo_lamar** · 10-01-2013 06:06 AM

السلام عليكم و رحمه الله يا شباب ...

عندي مشكلة غريبة اوي في النور الامامي سواء في العالي او في الواطي , وهي ان النور الأمامي مش بيشتغل خالص الا لما العربية تسخن , انما لو جيت اشغله والعربية لسه باردة ملأايشتغلش خالص , ممكن الرعاش بس يشتغل انما لا النور الواطي ولا النور العالي يشتغلوا الا لما امشي بالعربية شوية وتسخن ساعتها بس النور يشتغل عادي .
غيرت كتاوت النور برضه المشكلة موجودة ماتغيرتش ....
قولت استشيركوا في المشكلة دي قبل ما اروح لأي كهربائي ....
وشكرا

**agaty1st** · 10-01-2013 08:39 AM

غير الفيوزات بالكامل بنوع كويس
حصلت معايا قبل كده في الأبيزا بس كانت المساحات و حاجه تاني
رحت للكهربائي، قال للصبي أخلع الفيوزات كلها اي فيوز صيني أو مصري أرميه و هات فيوزات نضيفه ركبها
و المشكله اتحلت و الحمد لله

**tarek_2005** · 10-01-2013 10:24 AM

افحص مفتاح النور وقواعد الفيوزات

**abo_lamar** · 11-01-2013 02:31 PM

المشاركة الأصلية كتبت بواسطة rafek orbit

حصلت معايا قبل كده بس فى عربية قديمة وبالصدفة اكتشفت ان السبب ان ماية البطارية ناقصة فالبطارية ماكانتش بتشغل النور غير لما العربية تمشى والمية تتهز جواها مع المطبات فتوصل لكل اجزاء الرصاص داخل البطارية

البطارية بتاعتي جافة ونوعها فارتا ولسه جديدة