اريد الاستفسار عن خشونة اللوجان 2010

**MACATHIUS** · 10-01-2013 09:33 AM

يا جماعة انا عربيتى لوجان 2010 عاملة 27000 كيلو... اشعر ان صوت موتورها عالى جدا حتى فى المور.. و كمان خشنة كدة كأن فيه حاجة فى بلى العجل (بتخرخش جامد.. و بترتجف)... كمان عند تغيير لأى سرعة بحس انها بتنتش و بترتجف و تكركر كأن فيه حاجة فى الدبرياج.... كمان عصاية الفتيس ذبذبتها زادت و بتترعش جامد... هو فيه ايه هو ليه العربية مفككة كدة ... و لا دا عندى انا بس ...ياريت حد يفهمنى ..جايز انا بسوق بعنف او عندى حاجة غلط.... وافيدونى اعمل ايه عشان اهدى الذبذبات الفظيعة اللى بتطلع من كل حتة فى العربية... مش عارف..شكرا مقدما.

**mahraan** · 10-01-2013 10:14 AM

بتسخنها كويس قبل ما تطلع بيها ؟
ايه اخبار البوجيهات عندك جديده ولا من زمان ؟ وبتحط نوع بنزين ايه ؟ سير الكاتينه غيرته قبل كدا ولا لا ؟

**gebreel** · 10-01-2013 02:50 PM

الخشونة دي وانت ماشي و لا وانت واقف؟ و في الموتور ولا في العجل؟ و بالنسبة للrpm بتحسو بيعلى و مفيش مقابله سحب ولا عادي؟

**MACATHIUS** · 13-01-2013 01:09 PM

الخشونة باحس انها فى العجل و فى الموتور ذبذبة عالية

**gebreel** · 13-01-2013 05:31 PM

مممممممم انت كدة ضربت ك الاحتمالات اللي كانت في بالي

طيب هقلك على حاجة شيك على قفل الكابوت و شوفه في بوش وهو مقفول ولا لأ انا عارف انها بعيدة بس مجرد تشييك

و جرب و انت حاسس بالخشونة دي تدوس دبرياج و قلنا الخشونة بتروح ولا بتفضل زي ما هي

**mahraan** · 14-01-2013 09:18 AM

[quote=macathius;3874747011]شكرا جدا للاهتمام:

لا شكر علي واجب .. بص يا باشا موضوع الذبذبات وانت واقف دي جرب كدا تلف الدريكسيون حاجه خفيفه شمال وبعد كدا يمين وشوف صوت الذبذبات ده بيزيد ولا لا والار بي ام بيعلي حاجه بسيطه وانت بتلف الدريكسيون ولا لا
انا عندي الخشونه اللي علي الواقف دي وبتزيد لما الف الدريكسيون بالراحه يمين او شمال والمشكله دي سببها علبه الباور عندي
تحس ان فيه كركبه بتحصل ف الموتور لما احرك الدريكسيون بس طبعا مش حاجه كبيره