حجزت fsv من شهر 12 بس للأسف

**amr_zahrawan** · 10-01-2013 11:34 AM

انا حجزت fsv اوتوماتيك فول اوبشن من 2-12-2012 و التوكيل قالى ان التسليم فى نهاية الشهر , المهم اتصلت فى نهاية الشهر قالولى ان التسليم فى نص الشهر
اتصلت امبارح قالى ان فى تعديل فى السعر 2000 جنيه مع انى حاجز اصلا بسعر اكير من الدفعة اللى قبله 89000 مع انها كانت ب 88000 يعنى العربية يوصل تمنها الى 91000 !!!!!!!!! كتييير الصراحة
انا قولت مش عايز العربية لو هتزود جنية واحد كفاية انكوا متاخرين فى التسليم و انا حاجز من قبل ما الدولار يرتفع
بصراحة لو فعلا يزودوا مليم واحد مش هاخد العربية الموضوع موضوع مبدأ

**nagy wassef** · 10-01-2013 12:07 PM

ايه السرقة ديه يعنى تستنى كل ده و فى الاخر يقولك السعر زاد!!!!!! و انت مالك ذنبك ايه؟
طب ما يتصلوا بقى بكل اللى اشتروا فى 2012 ياخدوا منهم الفرق. لأن انت تعتبر اشتريت خلاص و هو فى حاجة كده؟
قرار الشراء للعربية ديه بالكماليات ديه جاء فى الوقت ده عشان السعر ده فا ماينفعش بعد ما يشبتك فيها يلوى دراعك.
لو عجباك العربية و مش عايز تسيبها عليك و على حماية المستهلك هيخليهم يقولوا حقى برقبتى و عن تجربة.
حقك و ماتتنازلش عنه

**S.S.E** · 10-01-2013 03:02 PM

لسه مكلم التوكيل طلع فعلا بالنسبه للحاجزين من قبل كده هتزيد 2500 ج أما للحاجز الجديد هيدفع 3500 ج على تمنها الأصلى ....... أنا حاجز ال frv 86000 من نصف 12 وقالى المندوب كنت هتصل بيك يعنى هتبقى ب 88500 ......طب على كده هستلم امتى قالى فى ناس حاجزه من شهر 10 وربنا يسهل!!!!

**amr_zahrawan** · 10-01-2013 03:30 PM

معاك حق و انا فعلا هعمل كدة

**zekuso** · 10-01-2013 09:31 PM

انا كلمت السيلز فى التوكيل و قالى ان اللى حاجزين حيزيد السعر 4000 جم و اللى لسه حا يحجز حيزيد 6000 جم و لسه مش عارفين حيوصلونا لفين لنا الله

**MoH.SaLaDiN** · 11-01-2013 01:07 AM

والله انا عايز اقول حاجة يعنى هو ايه اللى ممكن يحصل لو الناس جات على نفسيها شوية وقعدت من غير عربية واللى حاجز يسحب فلوسه واللى لسه محجز العربية يستنى شوية كده ونشوف بقة المعارض اللى قعدة بترفع فى اسعار العربيات حتعمل ايه ............
لو كل الناس اخدت موقف اعتقد ساعتها المعرض حتحترم نفسها وتبطل تغلى على الناس وخلاص وممكن تنزل شوية من ربحها ماهو كده كده دبحين العملاء فى اسعار قطع الغيار والصيانة

**comercy** · 11-01-2013 04:38 AM

ههههههههههه خليهم يشبعوا بيها !

**smsm159753** · 11-01-2013 09:27 AM

طيب وبالنسبة للناس اللي حاجزة
v5
ايه اخبار الاسعار؟ هل في زياده في السعر برضه؟ لانها طلعت ولا نزلت صيني وكفاية قووي تمنها ااسااسا؟
امال الواحد كان ليه حاجزها اصلا؟؟؟؟؟؟؟؟ ما كان جابها من ساعتها بالاوفر برايس؟ وهيا هيا في الاخرررر

**S.S.E** · 11-01-2013 02:24 PM

المشاركة الأصلية كتبت بواسطة m7md87

والله انا عايز اقول حاجة يعنى هو ايه اللى ممكن يحصل لو الناس جات على نفسيها شوية وقعدت من غير عربية واللى حاجز يسحب فلوسه واللى لسه محجز العربية يستنى شوية كده ونشوف بقة المعارض اللى قعدة بترفع فى اسعار العربيات حتعمل ايه ............
لو كل الناس اخدت موقف اعتقد ساعتها المعرض حتحترم نفسها وتبطل تغلى على الناس وخلاص وممكن تنزل شوية من ربحها ماهو كده كده دبحين العملاء فى اسعار قطع الغيار والصيانة

علشان الزياده ديه فى نفس اليوم جريت على المصريه للسيارات بالمعادى وكنت هجيبها كاش لقيت السيلز بيقولى العربيه ب 91000ج ......... طب أحجز البيكانتو أم 86 ألف قالى البيكانتو اللى ب 81 الف أول فئه أتوماتيك بقت 86 الف والزياده ديه لسه من ربع ساعه ده للبيكانتو وورانى على شاشة الكمبيوتر التوقيت لجميع فئه البيكانتو أما الزياده للبريليانس جايلنا الزياده من حوالى أسبوع وكل العربيات زادت ..... طب فكر ف mg عليها عرض حتى نفاذ الكميه ب 88500 ج ....لأ .

شكلى كده فعلا هستنى لحد مأشوف الجنيه المصرى هيوصلنا لفين

**احمد نور الدين** · 12-01-2013 12:24 AM

بالنسبة للناس اللي لسه هاتشتري دول عرض وطلب مافيش مشاكل لكن الناس اللي حجزت فعلا ودفعت مقدم حجز يزودو عليها السعر بامارة ايه ده استغلال انا حجزت واتفقت خلاص من شهر وشوية قبل الدولار انا شايف ان ده استغلال ولو انت رجعت الحجز مصلحه لانهم للاسف هايبعوها لغيرك بسعر اعلي

من رايي انك تروح لجهاز حماية المستهلك وتشتكي علي الاقل تبقي عملت اللي عليك