الموضوع: عايز اغير عربيتى لانوس 2 كامله لى نوبيرا 2 ايه رايكم ؟

المشاركة الأصلية كتبت بواسطة msobhy

حضرتك انا فضلت فى الحيره ديه لمدة سنه ونصف كامله - كان معايا لانوس 2000 - وكل شويه اقول هاغير واجيب نوبيرا - لدرجة انى قلت انى هاجيب نوبيرا 2009 وكانت عامله اقل من 30000 كيلو
والله حضرتك بعد تجارب كتييييييييييييييييييير جدا - النوبيرا افضل من اللانوس - لكن مش الفارق الشاسع - مع احترامى لكل اراء الاخوه وهما اكيد يعرفوا اكتر منى - لكن فعلا لو عربيتك مريحاك خليك فيها - عربيتك تعباك هات النوبيرا - لكن الاهم لو انت زيى ومش من هواة تغير العربيه كل شويه يبقى اصبر لغاية لما تجيب حاجه فعلا ترضيك
اللهم لك الف حمد والف شكر - انا كنت هاجيب نوبيرا وبعدها لانسر بومه هاف اسبورت وركبتها وبرضو معجبتنيش - وجبت النترا مانيوال مش اوتوماتيك - والله العظيم مش قادر اقول لحضرتك مدى سعادتى بيها قد ايه - ربنا يبارك لى فيها ويكفينى شرها ويبعد عنها العين
بجد حسيت انى مارمتش فلوسى فى الارض - خاصه انى طويل حبتين ومتعود على العربيات الضخمه - وبصراحه العربيه ديه ادتنى تقريبا 95% من احتياجاتى مقابل فلوسى
يبقى حضرتك تدور على احتياجاتك اللى مش لاقيها فى اللانوس وتشوف هل هيه موجوده فى النوبيرا ولا لأ وبعدها تقرر زى ما انت عايز - وياريت تمشى بمبدأ ---- أتقل تاخد حاجه نضيفه ---- :)

كلامك فعلا مضبوط واا اقتنعت برايك وانشا الله مش هاغير الا لما اجيب حاجه اعلى
وعلى فكرة انا بحب جدا النترا بس بحب لحد موديل 2006 ربنا يبارك فى عربيتك ويديك خيرها انشا الله