تنصحونى بى ايه اغير ولا لا
تنصحونى بى ايه اغير ولا لا
مافيش ولا نصيحه طيب ايه الافضل
بس يابشا الصراحة الانوس 2 عربية محترمة جداااااا وصيانتها فى متناول الجيب , النوبيرا يعنى الفخامة والمساحة الكبيرة هى عربية حلوة اوى وناجحة فى مصر عيوبها عفشتها لازم صيانة باستمرار مع الاخذ فى الاعتبار ان الاتوماتك قبل 2002 منصحكش بية اوى لو هتجيب من اول 2005 الاتومتك مفهوش تجارب وفى انتظار راى الخبراء
لو بتدور على مساحه صالون اكبر و افخم و موتور اقوى و اسرع من الانوس و تكييف اشد يبقى اتكل على الله و غير
برضه النوبيرا قطع غيارها فمتناول الجيب و نصيحه لصاحب الموضوع نوبيرا يعنى مانيوال بلاش اتوماتيك و بالنسبه لمشكله العفشه اتحلت تقرير عن تجربة جلب فورد لمقصات النوبيرا
شكرا يا شباب بس حابب اعرف النوبيرا موديل 2005الى 2008 مانويل بس حاله كويسه جدا يعنى مش عايزة مصاريف علشان مش فاضى اضيع وقت عند الصناعيع تعمل كام ؟
بص يا باشا انا كان معايا لانوس و معايا دلوئتي نوبيرا طبعا فرق كبير في ( فخامة _و قوة_ و ثبات واسع ) توكل علي الله و هات نوبيرا بس اهم حاجة تجيب العربية حالتهه حلو مش محتاجة مصروف عشان النوبيرا يعني ماتسترخص و و تلاقي واحدة سعرها قلليل فاتقول اخدها و اصرف عليها:3mla: ( بلاش ) لانك مما صرف هاتفضل مشنشة
توكل علي الله و دور علي واحدة حلوة و بالتوفيق انشاء الله
شوف لو ها تغير لنوبيرا اوتوماتيك انا اشجعك لانك ها تحس بمتعه القياده والفخامه
لكن لو ناوي تغير لانوس عاده الي نوبيرا عاده
بص شوف لك علامه النويبرا اللي علي الشنطه في اي محل اكسسوار
. والزقهم مكان علامه اللانوس ...
وغمض عنيك وقول انا سايق عربيه نوبيرا ... دي مش عربيه لانوس
انا مش قصير قزعه ...لا انا طويل ....
لانه فعلا ما فيش فرق ملحوظ قوي .. وعلي فكره انا سوقت التلاته لفتره
معلش علي الدعابه ظبعا انا اكن لك كل احترام
تحياتي ليك ....
...
لو عربية حضرتك مريحاك خلاص بدل ما تشوف عربية مستعلم و تصرف وكدة ...النوبيرا اوسع اثبت شكلها افخم شوية بس الفروق مش بالدرجة الكبيرة ومشاكل العفشة والتقفيل فيها كتير انا معايا 2008
اسمحلي انا مختلف معاك تماما مع احترامي ليك
( انا ركبت معظم انواع العربيات الي في مصر)
اولا : الانوس عربية جميلة جدا جدا بس النوبيرا احسن فخمتها تنافس عربيات ب 90 الف جنيه و دي ازواق طبعا_ ثبتها اعلي بكتير انا كنت بجيب بنوبيرا 2005 اوتوماتيك 160 علي المحور و بغرز _ بالنسبة للوسع في فرق شاسع و دة فافيش جدال عليه )
ثانيا : النوبيرا لا يحبز فيها الاوتوماتيك ( مشكلو كتير ) و اشان تجيب واحدة اوتوماتيك و انت مطمن لازم يكون حلتها كالزيرو مش عملة اكتر من 60 او 65 الف كيلو و بردو هايفتح بئو معاك اودام ( انت و نسيبق )
مع العلم النوبيرا فئة اعلي من الانوس
ملحوظة انا معاية دلوئتي نوبيرا 2008 مانيول بس والله انا بتكلم بموضعية
و اسف علي الاطالة
مع احترامى لارائكوا اختلف معاكوا فان الفروق بسيطه .. لكن هى مش كده فرق الموتور و السحب ده موضوع لوحده الاوبشن اعلى زى المرايات الكهربا و السخان على الازاز الى ورا ولمض نور فوق السواق ولمبة للحزام ومسند و شكل العدادات و الفرامل الى مش موجوده فالانوس بجانب الجنوط الاكبر و الثبات بتاعها (انا بجيب 185 عادى جدا) و لا التكييف التلاجه بتاعها و الاختلاف الكبير فصوت الموتور بين الاتنين و مفيش اريال كهربا يعطل كل شوية كل ده مميزات كبيرة للنوبيرا
اما بالنسبة للعفشه فالحمد لله لاقينه الحل زى ماقلت فمشاركتى الى قبل كده و التقفيل عندى مفيهوش مشاكل عربيتى نوبيرا 2006 معايا من الزيرو و كلامى ده بناء عالتجربتى للعربيتين مش انحياز
(عالفكرة من يومين كنت عالدائرى بهتيم و كان واحد راكب لانوس فضى فكر بس يشد معايا سبقته من عند نزله شبرا الخيمه ماشفنيش غير لما هديت عشان انزل نزله بهتيم عشان الف و ارجع لانى كنت عاوز انزل شبرا بس هو سخنى) .. لو حد يعرفه يسلملى عليه :Ka_che1[1]:
الصديق محمد
لو تلاحظ انا بدات كلامي بايه ...؟؟؟؟
انه النوبيرا الاوتوماتيك بتحس بمتعه القياده والفخامه
وحضرتك اكدت الكلام ده في الفقره الاولي في ردك
لكن انا رايي انه في المانيوال مافيش فرق جامد
وانا موافق مع رايك انه لو اوتوماتيك يبقي عربيه تكون مش متهانه
تحباتي
النوبيرا عربيه محترمه موتور قوى وثبات على السرعات وحمالة أسية وقطع غيارها متواجده وسعرها معقول
بس اهم حاجه تشترى حاجه حالتها نضيفه عشان ماتتعبش
طيب استهلاك البزين نوبيرا افضل ولا لانوس افضل
انا عربيتى لانوس 2005 كامله عامله 90000 كيلو واستهلاكها معقول والحمد الله اعطالها معقوله .
مميزات النوبيرا عن اللانوس :-
ثبات ممتاااااااز يضاهى السيارات الألمانى
صالون واسع وتابلوه أشيك بكتير(خصوصا فى الاوتوماتيك) وشكل خارجى أفخم
كماليات أعلى وتكييف أفضل
عيوب النوبيرا من وجهة نظرى:-
العفشة غير معمرة مش حمالة قسية
إستهلاك البنزين عالى داخل المدينة
صوت الموتور اعلى من اللانوس
ومع العيوب دى لو خيرونى بين الاتنين هختار النوبيرا بفارق كبيييير طبعا
وفى عيب كمان فى النوبيرا نسيت اقوله وهوة ضعف الصاج بطريقة مستفزة وخصوصا الرفارف والكبوت
ايه هوة معيارك فى إن استهلاك البنزين مش عالى؟؟ انا حسبت الاستهلاك عالطريق السريع اكثر من رائع حوالى 300 كم/الصفيحة لكن بتعمل كام كيلو معاك فى الصفيحة جوة البلد فى الزحام؟؟
إيه هوة معيارك فى ان مشاكل العفشة اتحلت؟؟ ممكن تعيش كام سنة مثلا مع حسن الاستخدام؟؟
ايه هوة معيارك فى إن الصاج تقيل؟؟ بصيت حواليك وشفت كام نوبيرا مش راشة برة وصاجها معفص أو معضعض بدون خبطات بخلاف عربيات تانية كتير
قارنت صوت موتور النوبيرا بأصوات مواتير سيارات اخرى منهم اللانوس على أر بى ام عالى؟؟
انا بحاول اكون موضوعى وانقل تجربتى مع السيارة بدون تحيز علشان دى امانة
حضرتك انا فضلت فى الحيره ديه لمدة سنه ونصف كامله - كان معايا لانوس 2000 - وكل شويه اقول هاغير واجيب نوبيرا - لدرجة انى قلت انى هاجيب نوبيرا 2009 وكانت عامله اقل من 30000 كيلو
والله حضرتك بعد تجارب كتييييييييييييييييييير جدا - النوبيرا افضل من اللانوس - لكن مش الفارق الشاسع - مع احترامى لكل اراء الاخوه وهما اكيد يعرفوا اكتر منى - لكن فعلا لو عربيتك مريحاك خليك فيها - عربيتك تعباك هات النوبيرا - لكن الاهم لو انت زيى ومش من هواة تغير العربيه كل شويه يبقى اصبر لغاية لما تجيب حاجه فعلا ترضيك
اللهم لك الف حمد والف شكر - انا كنت هاجيب نوبيرا وبعدها لانسر بومه هاف اسبورت وركبتها وبرضو معجبتنيش - وجبت النترا مانيوال مش اوتوماتيك - والله العظيم مش قادر اقول لحضرتك مدى سعادتى بيها قد ايه - ربنا يبارك لى فيها ويكفينى شرها ويبعد عنها العين
بجد حسيت انى مارمتش فلوسى فى الارض - خاصه انى طويل حبتين ومتعود على العربيات الضخمه - وبصراحه العربيه ديه ادتنى تقريبا 95% من احتياجاتى مقابل فلوسى
يبقى حضرتك تدور على احتياجاتك اللى مش لاقيها فى اللانوس وتشوف هل هيه موجوده فى النوبيرا ولا لأ وبعدها تقرر زى ما انت عايز - وياريت تمشى بمبدأ ---- أتقل تاخد حاجه نضيفه ---- :)
ان شاء الله مفيش اختلاف كل عربية ليها مميزات و عيوب لكن ميزة النوبيرا ان عيوبها ليها حل سواء عفشه او رشاشات ده طبعا للمانيوال اما الاتوماتيك الفتيس ناس بتقول لو بتعمله الصيانه يمشى معاك كويس وناس تقول كده كده هيبوظ لكن كمجمل عربية كويسه سواء الانوس او النوبيرا و اعتماديه جدا يكفى ان 6 سنين ماحطيتش المفتاح ومادرتش غير لما البطارية نامت يعنى مش عيب عربية فالحمد لله على كده و فعلا الواحد مش ندمان سواء على شرائها او احتفاظه بيها لغاية دلوقتى
وانا عمتا بعد ارتفاع اسعار الزيرو المبالغ فيه رايى احنا معانا عربية اعتمادية نظبطها و نخليها هتبقى مش فرق كبير عن الزيرو غير الشكل و بعض الكماليات و ممكن تضيفها للعربية و ديه ميزه كمان
انا كنت داخل بصراحة اسال اشترى لانوس ولا نوبيرا فوجدت الموضوع مكتمل والحمد لله طيب انا عندى سؤال انا من كام شهر ركبت عربيتى صديقى وكانت لانوس 2010 شيفروليه لاحظت انى لما شغلت التكييف سحب العربية قل بصورة ملحوظة وكذلك كان معايا واحد جانبى واثنين ورا كان بتخبط فى المطبات جامد هل ياترى داكل اللانوس بيقل السحب مع التكييف بصورة ملحوظة ولا العربية دى بس واظن ان موضوع الخبط فى المطبات ان المساعدين كانوا وحشين ولا ايه وشكر جزيلا لحضرتكم
ياجماعه انا هشتري نوبيرا 2007
وقلقان من المشكلات الي بسمعها اشتري ولا اعمل ايه
بص انا هتكلم عن نفسي لو انا مكانك
انا دلوقتي معايا لانوس هفكر اغيرها لو هغير بنوع تاني عملي اضافة في العربية بجد مثلا يكون في abs or air bags و باقي الحاجات الرفاهية لكن لما اغير لانوس بنوبيرا مش ده اللي يستحق اني اخسر فلوس فعربيتي دلوقتي و اجيب حاجة تانية
... ممكن لو بتدور علي الاداء هات متور لانوس استيراد 1600 cc و 2 كامة و عدل الفرامل الخلفي هتركب عربية محترمة جدا جدا جدا لكن تغير عربية كاملة عشان تسارع متور او ثبات ... انت ممكن تعمل ده في عربيتك
و بكرر دي مجرد وجهة نظر شخصية لو انا كانك